انا عندى مشكله فى دكسيون عربيتى الانوس 99 اثناء السير بالعربيه على اى سرعه وهى ان الدكسيون بتهز سنه يمين وسنه شمال متواصل دون تحرك السياره نفسها يمين وشمال
عرض للطباعة
انا عندى مشكله فى دكسيون عربيتى الانوس 99 اثناء السير بالعربيه على اى سرعه وهى ان الدكسيون بتهز سنه يمين وسنه شمال متواصل دون تحرك السياره نفسها يمين وشمال
على أى سرعة ولا على السرعات
لو على ال90 مثلا" يبئى أكيد دة ترصيص
وسهل جدا" عند أى حد بتاع كوتش محترم روح رصص مش حتكلفك أكتر من 10 للفردتين ألى قدام
الهزه موجوده على اى سرعهاقتباس:
المشاركة الأصلية كتبت بواسطة Ibrahim Reda
على أى سرعة غريبة طب حاول تربط مسامير العجل كويس من النحيتين
المشكلة دة كانت عندى والسبب كان رفة بسيطة فى الجنط الامامى.
ممكن يكون عندك فرده كاوتش بايظه هيا اللي بتعمل كده.
اكشف علي الكاوتش و لو في فرده بايظه غير الاتنين و نصيحه لما تركن العربيه ما تحاولش تخبط في رصيف او اي حاجه علشان دا بيبوظ السلك بتاع الفرده
متنساش تؤلنا السبب كان أة
شكر اوى يا جماعه على الردود
انا عندى فعلا الكاتوش حالته مش حلوه
بس انا كنت شاكك فى علبه الدكسيون ايه رأيكم؟
شوف الكاوتش الاول
لا شوف الجنط اكيد فية رفة انا كانت عندي نفس المشكلة وكانت في الجنط مش الاسكاترا :-)اقتباس:
بس انا كنت شاكك فى علبه الدكسيون ايه رأيكم؟
it is cheaper to check/replace tires and/or rims than the steering rack
MMamdouh
+1111111111111111اقتباس:
t is cheaper to check/replace tires and/or rims than the steering rack
أنا مش خبير زى اخوانى الأفاضل بس باحول اتعلم و افيد و عندى 128 و كان عندى رجه باحسها فى الدركسيون و كان السبب ظبط الزوايا يمكن يكون السبب ده عندك برضه و الله اعلم
حضرتك اصدك بى الهزه دى انها (بوش)
و لو بوش حضرتك بنحس بية و العربية سابتة؟
لو كدة انا كان عندى نفس المشكلة و اتحلت بان العفشجى سبتلى صليبة الدركسيون
اعتقد انها احتمال كبير يكون علبه دريكسيون .....روح اكشف عليها و ابقي قلنا
لأن ظبط الزاويه معتقدش يعمل كده و لا الكاوتش حتي لو وحش بالذات حضرتك بتقول علي اي سرعه ....
و كلامك علي اهتزاز الدريكسيون مش حدفه علي ناحيه معينه
الاهتزاز دة ممكن يكون كاوتش فيه على و واطى
او جلب متاكلة
او بيض طرف متاكل
او علبة الدركسيون مبوشة
او صليبة الدركسيون مبوشة او مش متثبتة كويس
ممكن تكون زوايا مع مساعدين وحشة بس دا احتمال صعب جدا
MMamdouh
يعني كلامي في نوع من الصحه يا محمد ....
ولا في نوع من الفتي....علشان انا مش بحب افتيd:d:
لا طبعا فيه قدر كبير من الصحة... انا بس وصحت ان فيه عناصر تانية ممكن تعمل هزة و عموما العجل دايما بيحاول يحود يمين و شمال و انت ماشى نتيجة المطبات فا لو فيه بوش فى علبة الدركسيون او السكترة او البيض بيدى ماسحة للعجل يروح يمين و شمال و السواق مش متحكم فيها خالص
تخيل فيه واحد ماسك شاكوش عايز يدق بية و انت ماسك راس الشاكوش باحكام... مش حتحس بالدق فى ايدك... ممكن مقاومة بس مش دق لكن لو وسعت قبضة ايدك و سبت نص سنتى لراس الشاكوش حتحس بالدق على خفيف و مش حتعرف تمنعة باى شكل الا اذا قفلت ايدك تانى
نفس الفكرة فى وصلات الدركسيون
MMamdouh
بص حبيبى كل الكلام ده كله حلو وصح وانا عندى نفس المشكله فى الدايو نوبيرا عندى ورحت التوكيل وكنت عامل حساب انهم يرفعونى زى العربية هناك بس ربنا ستر اخر المطاف اتضح ان عجله كانت مقفولة شوية امامية ادى الى تأكل الكاوتشوك من الحواف الامامى وبسبب مطباتك يا مصر العاليه والكسر والفجائية تسببت فى لوحه فى التاره غير مرئية فكانت بتخلى بارات الدركسيون تروح وتيجى على اقل زلطه تيجى تحت العجلة فكانت تروح يمين وشمال ويظهر ده على طارة الدروكسيون سواء كان باور او بور استيرنج او عاده تعمل كده المهم عشان مطولش اخر الكلام لمييييييين.. لبتاع ضبط الزوايا ويكون نظيف وكمبيوتر ويديك تقرير مش هيكلفك كتير جنية كشف بس وهو يقولك دى باره ولا قفلة عجله ولا كاوتش اعمل اللزم بعدها ورصص وظبط وهتبقى زى الحرير ع الطريق ان شاء الله:)
يا جماعة الزوايا متعملش كدة الزوايا تعمل حدفة جامدة ولا الكاوتش كمان بص انا اعشقد ان ده يا اما بيض و جلب مقصات او علبة دركسيون لا كان عندي الكلم ده اكشف و قولنا
Ibiiiiiiiiiiiiiiiiiiiiiiiiiiiiiiiiiiiiiiiiiiiizzzz zzzzzzzzzzzzzzzaaaaaaaaaaaaaaaaaaa For Ever
اكشف على البلي الامامي ضروري جدا جدا جدا
والخلقي كمان
البلى يعمل صوت لكن هزه من البلى ده معناه ان البلى بقالو كتير بايظ و خلاص فرط و دى صعبه شويه فى بلى عجل
بس على العموم بص عليه مش هتخسر حاجة
الدركسيون واصل بعمود اخرة فى صليبة الدركسيون
هز الدركسيون يمين و شمال و العربية واقفة هزة بسيطة و انت ماسك العمود بعد الصليبة
لو حسيت بى بوش اعتقد كدة الصليبة محتاجة تتغير او يطربت عليها لان البوش دة ممكن يكون من الاسباب ان حركة العجلة مش بتسمع فى الدركسيون فى لحظتها
انا طبعا مش متئكد ان دا السبب بس اهو تجربة مش هتخسر
بصوا يا جماعة على اللينك دة,, كان عندى نفس المشكلة والحمد لله اتحلت
http://www.nilemotors.net/Nile/showthread.php?t=14468