عاجل برجاء الإفادة : الفرش الجلد

عاوز أركب فرش جلد بس خايف يكون بيحرر خاصة فى الصيف و فى بلدنا

حد جربه فى الصيف يقدر يقوللى و لا أركب فرش قماش؟

شكرا

بص حضرتك الفرش الجلد (أنا بتكلم على التفصيل ألى عندى)
شكلة بيبقى حلو وسهل فى النظافة أوى ومش بيبان فى أى وساخة (دة لو لونة غامق)
بس مشكلتة الوحيدة هو أنو بحرر جامد خصوصا" فى الصيف طبعا"
والقماش بتبهدل بسرعة ولو وقع علية عصير مثلا" أو أى حاجة سيلة طبعا" حينزل على الفرش الأصلى ويبقع
وتنظيفة أصعب

هوه فعلا بيحرر بس الحل انك تجيب عراقة

بيحرر جدا
واحد صديقي حط كليم عليه لانه بيسوق كتير و مقدرش يستحمله في الصيف

طيب مهو لو عندك تكييف مش هيبقى فى مشكلة وفى الشتا هيكون جميل وهيدفيك

الفرش الجلد الطبيعى مش بيحرر وخصوصا مع التكيف و العراقة
انا عندى الفرش نازل من المصنع فابريكة ( هايما فاميلى ) و ممتاز جدا و مش بيحرر

هو الفرش الجلد احسن فى النظافة واقيم فى الشكل , لكن فى الصيف فعلا بيعرق خاصة الجزء الخلفى (يعنى المقعدة) ودة لان التكييف عمرة ما هيوصل الا اذا رفعت رجليك وانتا بتسوق, والحل انك تجيب عراقة بتساعد شوية عل تقليل العرق.