سؤال هام بتلتزم بحارتك وانت بتاخد الملف على سرعات عاليه ؟

**dr.nemo** · 13-12-2009 05:32 AM

للأ سف هنا في مصر محدش بيهتم بموضوع الحارة دي خالص
مش عارف امتى بقى هنبقى زي كل دول العالم
واظن لو كل واحد التزم بحارته الحوادث هتقل جامد جدا
يمكن لو المرورر حط كاميرات تصور الطرق السريعة
ويعمل غرامة كبيرة على اللي مش بيلتزموا بحارتهم
يمكن نبتدي نتعدي من الدول الاخرى زي الاشارات كده
كان من المستحيل انك تلاقي حد بيقف في الاشارة لو مفيش عسكري
من ساعة ماركبوا الاشارات الجديدة اللي بعداد بقى بعض الناس بيقفوا
ومع الكاميرات كله بيقف خوفا من الغرامة حتى لو مفيش عسكري
للاسف احنا مبنتعلمش الا لما يتحرق قلبنا على الفلوس

انا بلتزم بحارتي المرورية ولو حبيت انتقل لحارة أخرى
بدي قبلها اشارة
وفي التجاوز بدي كلكس واقلب نور للي قدامي

**n8os** · 13-12-2009 08:56 AM

المشى و السواقة على الكورنيش ممتعين جدا اصلا وممتع انك تمسك الحارة وانت بتاخد الملف بسرعتك ، لكن فى الزحمة بتبقى ملاهى بجد تحس ان الناس راكبين الموج مش ماشيين على طريق هههه فعلا والله انا لسه جاي امبارح من اسكندريه وكنت ماشي علي الكورنيش وهي بتبقي بوظه بوظه يعني

**pro_samir** · 13-12-2009 09:49 AM

ولا ننسى فى هذا الصدد ان نتوجة بالشكر للسادة المسؤلين عن صيانة طريق السويس .. اللي هو لو التزمت بالخطوط بتاع الحارة هتلاقى نفسك على الرمل لأن الخطوط مش ماشية مع الطريق اصلا و روعة بالليل خصوصا لحد اول مرة يمشى علية

**tutankhamoun** · 13-12-2009 11:06 AM

طبعا أصلا المفروض قانونا أن الدخول فيا الملفات بيتم تقليل السرعة ( ده شئ قانوني )
أما بقى اللي بيحصل في مصر ......... لا يمت للقانون بصلة من أول طلوع الرخصة لغاية السواقين واخدين كل حاجة بالدراع و كل واحد شايف حاجة من وجهة نظره هو الشخصية .

طبعا بألتزم بحارتي جدا ( ملفات أو غيره ) .

اللي بيفقع مرارتي تكون داخل في ملفات جامد شوية
و لو أنت في النص هاتبقى ساندويتش .......... تلاقي حيوان من الشمال و حيوان من اليمين داخلين عليك و كمان مش عاجبهم .

**A_H_M_A_D** · 13-12-2009 12:01 PM

نظريا تغيير الحارة في الملفات ممنوع تماما

عشان كده تلاقى تخطيط الحارات في الملفات (في الشوارع اللي فيها خطوط اصلا) بيكون خط مستمر مش متقطع عشان يمنع التجاوز

و انا بحاول على قد ماقدر اني التزم بده , إلا لو لقيت كل اللي حواليه بيلفوا بنظرية أقصر طريق بين نقطتين و كله لازق في الحاره القصيرة , يبقى لازم أهدي و أخليهم يعدوا

**M.Mostafa80** · 13-12-2009 02:09 PM

ياه لسه الدنيا بخير وفى ناس مقتنعه بأن الألتزام بالحاره المروريه واجب
وفرض مش اختيارى زى ما انا بقيت متخيل من اللى بيحصل قدامى
انا كنت راجع على طريق مصر اسكندريه يوم السبت والنتيجه اللى طلعت منهال بعد ما خلصت الطريق ان مفيش حد بقى بيلتزم بموضوع الملف فى نفس حاره السير ودا اللى خلانى اعمل الموضوع أساسا وأسال سؤالى ده عشان احس ان لسه فى أمل وأن لسه فى ناس ملتزمه فى القياده زى ما علمنى والدى القياده القياده احترام الأخرين الألتزام بقواعد المرور وتعليمها أدب وانها ملهاش كبير ومفيش حاجه أسمها محترف سواقه لأن مفيش حاجه بتكبر ولا بتعصى على الله

**د.محمود صلاح** · 21-12-2009 06:31 PM

فى قانون المرور النقل من حارة لأخرى يتم بعد فتح الاشارة الجانبية و التأكد من خلو الحارة الخلفية

**D . a .\ AYMAN** · 21-12-2009 10:41 PM

المشاركة الأصلية كتبت بواسطة tutankhamoun

ممكن يا جماعة أقول تعليق صغير بسيط بس محدش يزعل مني .

الالتزام لا يتجزاء .............
زي الأشارة الحمراء ......... لو الساعة 2 في منتف الليل الإلتزام لها واجب ....
نفس الموضوع .......... ممنوع منعا بتا زي ما الأستاذ أحمد قال التغيير في الملفات أصلا .... يعني حتى مش مسموحة .

فكرتني بالإشارة الحمراء
دايما لما بكون ماشي في وسط البلد بعد نص الليل الاقي الإشارة حمراء بقف (أعتقد ده طبيعي ... بيتهيئلي يعني) لأن العربيات اللى حوالية كلها بلا إستثناء بيعدوا ويبصوا ويتريئوا .. وياسلام لو كنت حبست حد ورايا ممكن أسمع من الألفاظ ما يسر

بس في مشكلة على فكرة في الإشارات في مصر خصوصا بتاعت وسط البلد ... عمرها ما بتمشي صح ... لأن اللى أنا أعرفه (على حسب فهمي البسيط طبعا) إن الإشارات في الشارع كله بطوله المفروض يا إما كلها حمراء أو كلها خضراء يعني بمعنى تاني يا يكون الشارع كله ماشي أو كله واقف ودي الفرصة لشارع آخر يكون برضه كله ماشي

لكن اللى بيحصل هنا إن ممكن تلاقي إشارة حمراء في أول الشارع وفي نصه واحدة خضراء وفي آخره واحده حمراء تاني ... وده إهدار للوقت وإرباك للمرور بصورة أكيد بتوع المرور عندنا إستحالة تخطر على بالهم أصلا

ده غير إن أصلا اللون الأصفر في الإشارة دايما ملغي ... يعني تلاقي الإشارة من الأخضر للأحمر على طول ... تقريبا عباقرة المرور عندنا حسوا إنه مالوش لازمة

يللا أهي منظومة كلها فاشلة وبرضه لما حب يعمل نظام فيه كاميرا وشغال بإسلوب مراقبة وغرفة العمليات معرفوش يعملوها وبرضه شالو منه اللون الأصفر

-

-

الموضوع: سؤال هام بتلتزم بحارتك وانت بتاخد الملف على سرعات عاليه ؟

LinkBack

أدوات الموضوع

عرض

-

-

-

-

-

المواضيع المتشابهه

نيو اكسنت غربله علي سرعات عاليه مع الفرامل

اكتر موقف نرفزك وانت سايق وخلاك كنت ((هتفطر)) وانت ((صايم))؟؟

مقارنة علمية وعملية لفتيس ال 6 سرعات و الفروق بينه وبين 4 سرعات

نفسى اشوف دارج ما بين سيراتو 4 سرعات و 6 سرعات

الناس بتلتزم و تستخدم المثلث العاكس حاجة غريبة

الكلمات الدلالية لهذا الموضوع

المفضلات

المفضلات

ضوابط المشاركة