بقولك اييييييييييييه لا عروسة ولا جاموسة انا اعرف ان الجموسة ده خبطني هههههههههههه
هو كده فعلا
عرض للطباعة
بقولك اييييييييييييه لا عروسة ولا جاموسة انا اعرف ان الجموسة ده خبطني هههههههههههه
هو كده فعلا
لا حول ولا قوة الا بالله ,,, وفى دول الخليج العسكرى بيخلص كل حاجة وانت واقف
العب فى هولاء السائقين ده انت ماشوفتش بتوع الهرم وفيصل لازم تكون سائق دبابه
أحكيلكم برضووو على موقف مع سواق سيرفيس ميكروباص
.
كنت نازل من كوبري الجامعه - قدام السفاره في العماره- داخل يمين إتجاه الدقي
كان معايا دكتور صاحبي ومراته ..
بكل بساطه باخد يميني عشان اروح الدقي
خدوا بالكم ..داخل يمين
حسيت فجأه صوت تخبيط وتكسير -كانت اول مره تحصلي حادثه-
الي حصل ان - عيل صغير-سايق سيرفيس جابلي جمب العربيه ..البابين الي ناحيه السواق المرايه والرفرف القدماني
مخي اتلغى وشديت الهاند بريك- في نازله الكوبري وهوا زحمه- ونزلت شتيمه وزعيق ..ده طبعا لما شوفت جمب العربيه الدايو بتاعتي متخرشم
المرور وقف..والناس قالولي طيب اركن عشان المرور
المهم
ركن انا وسواق الميكروباص بعد الكوبري
وانا نازل زعيق وشتيمه في العيل الصغير الي كان سايق
الواد كان مرعوب(كان يدوبك 13 سنه بالكتير)
وييجي العسكري بتاع المرور يقولي معلش يابيه ..ده عيل صغير برضووو
مفيش دقيقه ..وصاحب العربيه جه ..شكله بلطجي صرف ..البشله في وشه
جه يزعقلي ويقولي انت خبطت عربيتي
قولتله وحياه أمـ.... لازم نروح القسم انا والعيل الصغير الي كان سايق ده
وقعد يجع جع ويهلل ..ويقولي مانتوا فلوسكم دي مش تعبانين فيها
قولتله وحياه أمـ.... ..انت فاكرني افندي..المهم
عشان كان معايا الدكتور صاحبي ومراته ..والعسكري يقولي معلش يابيه
ووجع دماغ
مشيت
وكنت هموت من الغيظ..عشان انا عارف اني لو رحت القسم..برضوووو مش هاخد حقي
خلصت مصلحتي في القاهره وأخدت الطريق الزراعي..ربنا رزقنا بزحمه .والطريق اقفل ..كنا في عز الصيف ..وكنت خارج من القاهره الظهر ..والتكييف فصل
كان يوم
.
اقتباس:
وبعدين حصل ايه
اظن ولا شئ غير العطله والبهدله
هي فعلا كانت عطلة بس الموضوع كان الهدف منه حاجتين :اقتباس:
يا باشا و حصل اية بعد المحضر؟؟؟ هل حقك رجعلك فى البلد دية؟؟ يا ريت تقولنا اية اللى حصل بعد كدة علشان نستفاد من تجربتك
1- أني اثبت لسواق الميكروباص أنه ممكن يتبهدل و يتعطل نتيجة لأستهتاره خاصة ان امناء الشرطة كانوا ناويين يخدموا لأنه كان غلطان
2- أثبت حقي للتأمين علشان مايكونش فيه أي ثغرة يهربوا منها زي ماحصل قبل كده
و فعلا التأمين صلح العربية و في التوكيل كمان أما سواق الميكروباص فشاف أن فيه ناس ممكن يأخدوا حقهم منه بهدوء و بالقانون و يقدروا يكسبوا القسم في صفهم طالما يقدروا خاصة لما بلغت شرطة النجدة بالتليفون و قولت لهم أني بأسجل المكالمة علي الموبايل فكان ده سبب انهم ييجوا بسرعة (حوالي 20 دقيقة) و ظابط النجدة نفسه كلمني علي التليفون علشان يتأكد من مكان الحادثة
صدقوني لو عارفين حقوقنا و أزاي نقدر نأخدها الامور هاتكون سهلة مش صعبة لكن أحنا بنعقد الدنيا بأخطائنا و تهاونا في أبسط حقوقنا
حضرتك قولت وانت بتبلغ عن الحادث فى التلفيفون انا بسجل المكالمة ولا انا فاهم غلط
المشكلة مش في سواقين الميكروباظ .... المشكلة في اللي سايب العربجية دي تسوق و المشكلة افي اللي بيطلع رخص للمصريين من غير تعليم سواقة و قوانين سواقة و المشكلة في عدم تطبيق قوانين و المشكلة في عدم دراية أغلب القائمين على القانون بوجود قانون و المشكلة في تصميم الطرق الغبي و المنعطفات ( اليو ترن ) و المشكلة في العساكر اللي واقفة في الشارع و مش عارفة تقرأ و تكتب و المشكلة و المشكلة ...
ده المرور في مصر كارثة من كوارث الزمن و نقطة سوداء في تاريخ أمة كان يفترض بها أن تكون في مصاف الدول المتقدمة كما كان أجدادها الأوائل في كل شئ و كانوا بداية الحضارات ,,,,
و حسبي الله و نعم الوكيل ....
أنا بقى تأكدت بما لا يدع مجال للشك أن حاميها .... موجود ديكور بس .
أنا أتهددت أدام ظابط و 3 أمناء شرطة و صولين من سواق ميكروباظ ...... و قلتلهم تشهدوا معايا ... قالولي ملناش دعوة ... أصطفل أنت و هو .... و أخرنا نعملكم محضر .... و المحضر مش هايعمل حاجة ..... يعني بيقولولي كبر دماغك و غور من هنا مش ناقصين وجع دماغ ...
يا سلام يا سلام على الحماية .......
لنا الله