عايز واحد يقول لنا انه غير موتور الفكترا 1600 الأسود القديم بواحد تانى ايكوتيك 2000 ممكن ولا لأ فيه ناس بتقول مش بالسهولة
عرض للطباعة
عايز واحد يقول لنا انه غير موتور الفكترا 1600 الأسود القديم بواحد تانى ايكوتيك 2000 ممكن ولا لأ فيه ناس بتقول مش بالسهولة
ممكن طبعا بس صعب ومقرف ولوازمه كتيره هتغير سوست امامي لان الموتور الجديد اثقل وزنا وتابلوه بالدفيره وفرامل خلفيه سكاكين بدل الطنابير وقواعد موتور وشكمان وقاعده الفتيس الاوتو ورادياتير....لو الموتور اللي معاك تاعبك اعمله صيانه لو انت باقي عليه واكتر واحد يفيدك عني زميلنا العزيز محمد مختار وهو بالمناسبه عامل موضوع عن تغيير الموتور من الاسود للايكوتيك .
الله ينور ليك يا فادى
ده غير قرف الصنايعية و احتمالات حاجة تضرب
انا رأيي تاشخصى فى الحوار ده بيع و هات عربية على ابوها
اوافقك الراي
انا عملت الحوار ده فى عربيتى ولو عندك اى استفسار اسألنى وانا هجاوبك ان شاء الله
يا ريت تديني شويه تفاصيل عشان الاستفاده وشكرا
بصوا يارجالة...الموتور ال2000 الايكوتيك لو هتركبه بدل الموتور ال1600 العادى يبقى هتغير الكومبيوتر والعدادات وهتجيب فحماية واوموبلايزر والموتورهتجيبه بالضفيرة بتاعته وهتغير القاعدة بتاعت الفتيس وهتجيب راداتير اوتوماتيك غير اللى عندك وهتغير الشكمان كله لأن فيه وصلة بيبقى فيها حساس شكمان(مش موجود فى ال1600) وكمان العلبتين التانيين اوسع شوية من علب ال1600 عشان الدفعة بتاعت الشكمان اكبر طبعا فى الموتور ال2000 الايكوتيك....بالنسبة للضفيرة هتقابلك فيها مشكلة انك مش هتلاقى ضفيرة طالعة من عربية شمال بدون تعديل خصوصا الاوتوماتيك....هى ضفيرة واحدة اللى كنت لاقتها وكانت عند هانى اوبل فى فيصل بس سعرها كانت نااااااااااااااااار...بالن بة للفحماية والاوموبلايزر لازم يكونوا بتوع بعض يعنى مش كل قطعة من عربية شكل عشان تقدر تكودهم على بعض.....الكومبيوتر بيتغير لأن الوحدة بتاعت الايكوتيك مختلفة عن الوحدة العادية...الفتيس الاوتوماتيك بييجى معاه الضفيرة بتاعته والوحدة بتاعته...بالنسبة للعفشة هتحتاج مساعدين استيراد بتوع الموتور ده(مش موجودين جديد) اسمهم مساعدين 5خرم تقريبا...وسعرهم كاملين بالياى بالبطاحة حوالى 350 جنيه عند محمد سوسو فى الوكالة....الموتور بفتيسه بالوحدة بتاعته بوحدة الفتيس بالكومبيوتر والفحماية والاوموبلايز والعدادات ووصلة الشكمان والرادتير بيعملوا حوالى من 5500 لحد 6000 جنيه حسب شطارتك وحسب جودة الحاجة....بالنسبة للفرامل انا الصراحة مغيرتهاش عندى ومقابلتش فيها اى نوع من المشاكل...مش عارف ناقص ايه تانى اوضحه بس لو فيه حاجة معينة اسأل وانا اوضحلك فى حدود معرفتى ان شاء الله
تماااااام
حضرتك عربيتك كانت 1600 وحولتها 2000 والوضع ماشي معاك زي الفل ؟؟الحمدلله
اه ياباشا الحمدلله الوضع تمام...دانا كمان عملت اللى اصعب من كدة...اول مانزلت الموتور ده نزلته على الفتيس الكبير اللى هو مارشليه خلفى مانيوال....وبعد كدة راحت طالعة فى دماغى تانى وركبت الاوتوماتيك والحمدلله مفيش مشاكل تذكر عندى
الحمدلله ربنا يباركلك بيها
بس مصروف البنزين عامل ازي معاك
مش هتصدقنى لو قلت لك ان استهلاك البنزين فيها على الطريق السريع افضل كثيرااا جدا من استهلاك ال1600 الاسود العادى برغم فرق القوة بينهم....يعنى على سبيل المثال المسافة عندنا من بنى سويف لحد اسكندرية حوالى 370 كيلو...انا اخدتها فى ساعتين ونص ومتوسط سرعة من 200-220 وتكييف شغال واستهلكت بنزين 28 لتر بنزين بس.....الموتور القديم كان بيستهلك 33-35 لتر فى المشوار ده طبعا دا غير فرق الكفائة....اما جوة البلد فهى عادية زى اى موتور 1600 اتنين كامة زى الالنترا مثلا
تماااااااااااام ياباشا استهلاك معقول بجد ربنا يباركلك بيها
واتشرفت بمعرفت
ياباشا ربنا يخليك انا اللى ليا الشرف اكتر والله
شكرا لحضرتك
بالنسبه لموضوع استهلاك البنزين انا هقول علي 3 تجارب حصلت معايا شخصيا انا جيت ب3 عربيات من مصر الي سوهاج يعني حوالي 500 كم مسافه وانا الللي سايق وال3 عربيات في 3 اسابيع متتاليه
1-اسبيرانزا تيييييجو 1600 متوسط السرعه 100الي 120 خدت معايا 10 لتر كل 100 كيلو بالتكيف
2-دايو لانوس 1500 سيسي خدت 6.5 لتر كل 100 كيلو بدون تكييف متوسط سرعه من 100 الي 120
3-اوبل فيكترا 2000 سي سي ايكوتيك خدت حوالي 7.5 لتر كل 100 كيلو متوسط سرعه من 140الي 160
عموما استهلاك الموتور ده اقل من استهلاك موتور النوبيرا ال1600 للبنزين
شكراااااااا
صح الكلام ده سليم فعلا....والموتور ده لو مظبوط فعلا هيكون اوفر من النوبيرا جدااا خصوصا على الطرق السريعة....عكس ماالناس فاهمة وربنا يباركلك يااسلام باشا.....بالمناسبة انا اتصلت بمصنع جريش اللى فى العاشر وسألته على تغيير البربريز الامامى لقيته ب270 جنيه بالتركيب....واتصلت بالثلاثى وسألته لقيته عنده ب380 جنيه>>>طبعا الفرق واضح بين الاتنين وكمان الكفائة لصالح جريش اكيد
كده يبقا استهلاكها حلو اوي ماشاء الله يعني كده هاتخلوا الواحد يفكر يسقط الموتور ده في العربيه بقا :ma:
حي ام اصلي ؟؟ولا المصري
انا لسه مغير بردو البربريز الامامي للفكترا كان جي ام ايجيبت كلفني 320 بالتركيب
كويس يعني ؟؟
اه كويس شغال اهو بس ربنا يستر و ميتشرخش زي اللي قبله :ask:
ربنا يباركلك بيها
ييييييييييييياااااااااااا ا رب .. شكرا علي الدعاء :satelite:
لا بيتهيألي مش مصري هتأكد بكره وارد عليكم
مستنين ياباشا
القزاز جي ام اصلي ياجماعه
تماااااااااام يا اسلام بي
انا معايا العربية 2000 ايكوتيك ومانيوال كمان
كل اللي اقدر اقولهولك ان العربية في السحب والثبات واي شيء ممكن تتخيلة هتلاقية
غير ال 1600 خالص يعني ممكن تقول ان هي دة الاوبل في ال 2000 سي سي ومانيوال كمان
بس الخطورة هنا انك ممكن تروح تشتري قطع غيار ب 1000 جنية عادي جدا وتكون لحاجة صغيرة او حساس او او او لو مش هتفرق معاك وعملت التعديل هتعرف معني الاوبل الحقيقي
دكتور جريش 3طبقات...تريبلكس برده....ناس كتير شغالة فى اوبل نصحتنى ماغيرش جى ام واغير دكتور جريش احسن لأن كل القزاز الجى ام اللى موجود مضروب فى السوق ومش كويس زى جريش حاليا والفرق 110 جنيه..اعتقدلو هستهلك ب30 جنيه بنزين زيادة بس انا اولى ب80 جنيه الباقية وفى نفس الوقت تركيب مصنع جريش وتقفيله افضل من اى مركز عادى فى البلد
دكتور جريش اقوى و انضف من الجى ام عن تجارب
ايه دكتور جرش دامش فاهم حاجه