بتحافظ على عربيتك ازاى وهى راكنة؟
سلام عليكم
طبعا الركن مشاكله ملهاش حدود يعنى تكون راكن فى امان الله وتنزل تلاقيها مخبوطة ولا مجروحة
انا بركن فى جراج هو عبارة عن موقف كدا فى الشارع لكن برضو بلاقيها متجرحة وصاحب الجراج مربى كلاب بيطلعوا عليها يخربشوها
دا غير بقا انه تيجى تركن تلاقى الأماكن الفاضية ضيقة جدا تبقا داخل فيها بالعافية وموسع ناحية بابك وتيجى تفتح الباب عشان تنزل برضو ما تعرفش تفتح الباب
مش عارف الواحد احتار يعنى اعملها فتحة سقف عشان بعد ما اركن اعرف انزل ولا إيه
ولو فكرت اغطيها يا الغطا يتسرق يا يتقطع دا كدا وفى جراج امال لو ركنتها فى الشارع بقا :H_angry[1]:
يا ريت كل واحد يقولنا بيعمل إيه عشان يأمن عربية بعد ما بيستودع ربنا فيها :11:
وشكرا ليكم