-
الحمد لله
الحمد لله, امبارح انا رايح الشغل وماشي علي طريق بلبيس العاشر ,الطريق كان فاضي وماشي حوالي 130كم دوست علي قطعه حديد علي الطريق سمعت صوت جامد في بطن العربيه والفرده اليمين الخلفيه فرقعت بس الحمد لله سيطرت علي العربيه ,طبعا الكاوتش ادمر بس نزلت النهارده اشتريت 4 فرد للعربيه علما انا معايا دايو ليجانزا.................
والله حرام اللي بنشوفه علي الطرق بتاعتنا , اسف للاطاله بس انا مخنوق
-
معلش يا باشا متزعلش نفسك قدرنا كده فى البلاد دى
-
الحمد لله علي كده.........وحمد لله علي سلامتك
-
الحمد لله أنها جت على قد كده
على فكرة بالرغم من أن الطريق ده لما يكون فاضي بيبقى مشجع للجري .بس بقلق منه برده لأن بيمشي عليه ... :36_1_1[1]:كتير
-
الحمدالله على سلامتك.......
انا برضة حصلي نفس الموضوع من كام سنة على الدائري بتاع المنيب ..كنت رايح كارفور القطامية ونزلت نزلة غلط ومفيهاش اضائة
-
الحمد لله انك طلعت سليم انت وعربيتك
فى ناس تانيه اهاليها بيقولوا ياخدوا فلوس الدنيا ويرجع اللى كان فيها ...
بالنسبه للطرق بلاش تتعب نفسك فى الكلام عن خرابها، علشان هاتحرق دمك عالفاضى
الفلوس اللى بتخرج لتوضيب الطريق، بيتوضب بيها حاجات تانيه اولى من الطريق :11:
-
الحمدالله على سلامتك.....انا حصلي نفس الموضوع لما كنت رايح كارفور القطامية ونزلت من فتحة غلط وكان الطريق ظلام في ظلام وفجاة سمعت صوت فرقعة جامده لكني كنت على سرعة منخضة لاني مكنتش شايف حاجة...المهم نزلت اشوف ايه اللي حصل لقيت العجلة الامامية قدام ولالخلفية يمين مفرقعين بمعنى الكلمة...ورحت ابص انا دوست على ايه لقيتها بلاعة مفتوحة ومعليهاش اي علامة تحضيرية او اضاءة...والطريق كان ظلمة ومفيهوش حد نهائي ...المهم ركبت الاستبن وركبيت عربية نصف نقل(ولاد حلال جدا الناس دول) واخذت معايا احد الكاوتشات عشان ممكن يتم اصلاحة او تركيب اطار داخلي لحد ما اروح للعمار .وسواق النقل بصراحة مسبنيش وصلني لاقرب بنزينة ورجعني تاني .....وكانت ليلة..
الحمدالله على سلامتك مرة اخرى....الواحد احيانا بيستحرم يجيب عربية نظيفة او حتى يظبط عربيتة من اللي بيشوفة من الشوارع الجميلة اللي في البلد؟؟؟
-
-
-
اهم حاجه السلامه
الحمدلله
Content Relevant URLs by
vBSEO 3.6.0 PL2