محتار بين عربية مستعملة ولا اجيب عربية جديدة بالقسط

**eng.3tya** · 29-11-2007 01:37 AM

[/img][/list][/b]

**eng.3tya** · 29-11-2007 01:38 AM

**Ahmed Anwer** · 29-11-2007 01:58 AM

طب وضح شوية ،،،

عشان نقدر بفيدك

**hazem_khidr** · 29-11-2007 03:32 AM

جديده !!!!!!!!!

**tutankhamoun** · 29-11-2007 04:15 AM

من الواضح إن صاحب الموضوع أكتفى بعنوانه و لم يكتب أي محتوى له !
:? :? :?
و لكن سأرد على العنوان و أقول
لو إمكانياتك المادية تسمح بشراء جديد بالقسط طبعا أفضل من المستعمل أما لو لم تسمح لك إمكانيتك بشراء بالقسط ........... فعليك بسيارة مستعملة حالة جيدة

**محمد عز** · 29-11-2007 07:58 AM

الحقيقة الموضوع ده يختلف من شخص للتانى، فيه واحد تلاقيه يكره القسط او انه يبقى عليه ديون وفيه ناس تانية بالنسبة ليها عاادى
ده من الناحية النفسية
لكن من ناحية المصاريف والصيانة طبعا الجديد انت بتريح دماغك 3 او 4 سنين لقدام ويدوبك بتعمل الصيانة الدورية لكن المستعمل انت وحظك وحسب حالته.

**ecybrarian** · 29-11-2007 09:13 AM

الجديد ليس هو الأحسن دائما..يعني BMW دبانة مستعملة ولا ميتركس زيرو (بشرط الحالة) ؟؟؟ أكيد الـBM طبعا..وبعدين الواحد(الكلام على نفسي وإللي زي) ما يعرفش يركب زيرو إللي ها يركبه مستعمل..يعني انت تقدر ب 86,000 تركب بي ام بس عمري ما هاعرف اركبها زيرو

في حالتي انا راكب عربية إللي زيها جديد بيزيد عن تمنها 50,000 جنيه ..يعني ابيع وخش في ديون وورق ووجع قلب وفي الآخر أركب عربية زي إللي معي...طب ليه بقى؟؟ وعلى فكرة ما فيش عربية مش محتاجة مصاريف صيانة حتى الزيرو وإلا ها تحافظ عليها إزاي؟؟؟

الميزة في الجديد ان العربية مضمونة يعني مش راكب لها نص ولا ربع ولا أي مصيبة من دول..والعيب في المستعمل انك ممكن تلبس عربية من دول (حوادث يعني)

والله أعلم

**eng.3tya** · 29-11-2007 11:53 PM

أنا متشكر ليكو بس الموضوع فعلا محير يعني أنا معيا مبلغ ميجبش زيرو كاش بس ينفع مقدمة لسيارة جديدة وهادفع قسط هو إلى حد ما مش كبير وكمان مع تامين علشان لقدر الله إنتوا عارفين خطأ الغير , وطبعا المستعمل إرتفع سعره ومصاريفه دوريه ومتعب ....وهل هناك تامين شامل على العربية يعني لاقدر الله لو حصل حاجة مدفعش حاجة فيه سواء المحضر لصالحي او العكس..... :(

**hazem_khidr** · 30-11-2007 04:21 AM

لو من سكان القاهره او اي مناطق مزدحمه و في امكانك انك تضغط نفسك و تجيب زيرو ما تترددش
ليه بقي؟؟
اولا حتبقي لسه عربيه ناعمه و سهله في السواقه في المناطق المزدحمه.
غير كده فيها تكييف جديد و مش حياثر علي العربيه و يسخنها و الافلام دي
كمان من المستبعد انها تعطل منك وسط الزحمه و تعملك مشاكل
ف انا رايي ان الجديد مفيش احسن منه لو في مقدره الواحد

**Ahmed Anwer** · 30-11-2007 04:32 AM

طيب بس وضح شوية

المبلغ ده كام .......... من غير حسد

يمكن الخبراء هنا ينصحوك بحاجة مستعملة نظيفة بدل الأقساط أو حتي حاجة زيرو بس أقل شوية

لأنك كاتب موضوعك في الياباني العام ،،، ممكن يكون يجيب كوري أو ماليزي زيرو بسعر الياباني المستعمل

شكل المبلغ اللي معاك 300 الف و عايز تقسط بقية ثمن الباجيرو ...........

:mrgreen: :mrgreen: :mrgreen:

الموضوع: محتار بين عربية مستعملة ولا اجيب عربية جديدة بالقسط

LinkBack

أدوات الموضوع

عرض

محتار بين عربية مستعملة ولا اجيب عربية جديدة بالقسط - انشر الموضوع فى :

-

-

-

-

المواضيع المتشابهه

نصائح استلام عربية جديدة او مستعملة

عايز عربية بالقسط جديدة ؟

عاوز اجيب عربية من دول بالقسط -- فارجو مشاركة الخبراء

هو ممكن حد يدخل البروتون2000 ويرا فى عربية جديدة بالقسط

عايز عربية مستعملة بالقسط...

الكلمات الدلالية لهذا الموضوع

المفضلات

المفضلات

ضوابط المشاركة