مساعده في لاب ايسر 5738 g

السلام عليكم
اشتريت لابتوب ايسر 5738 G جديد من هايبر وان الشيخ زايد وانا مكونتش ناوي فجأه كده قررت اجيب لاب توب ولقيت ده سعره معقول 4500 وامكانياته ممتازه بالنسبه للسعر وابن خالتي معه ايسر ومبهدله واللاب مستحمل قلت علي البركه
المهم انا لسه اول مره اشغل عليه لعبه واتصدمت ان الالعاب بتشتغل في نصفالشاشه فقط:H_angry[1]:
والافلام وكل حاجهبتظهر ف نص الشاشه فقط وهتجنن مش لاقي اي اوبشن اظبطه
مش عارف هو ده كده ولا ده عيب فيه ولا يه بالظبط عشان ان الصراحه اتعقدت اوي لما لقيت الموضوع ده :dzey:
ياتري ليها حل ولا ايه الجهاز شاشته جميله ونقيه بس بجد حاجه تجنن العب في نص الشاشه وكمان الافلام واي حاجه يعني مفيش حاجه اسمها full screeen ولا ايه ؟!

هو الججهاز نازل ب win 7 home 64
واصلا ده لوحدهمشكله لاني متعود علي الxp sp2 3
وعمري ما شاتغلت علي الفيستا حتى وعشان كده انا تاااااااااااايه ومش ارف اعمل اي حاجه
المهم بس ده كله يعدي وهنزله xp بسيارب بس يكون المشكله دي لها حل
حد يلحقنيييييييييييييييييييي ييي:36_1_40[1]:

حضرتك خوش عال Desktop Properties, بعد كده settings وخلي ال Resolution 1366X768. هتبقى Full Screen إن شاء الله

العيب ده عيب فى تعريف كارت الشاشه او ان كارت الشاشه فى مشكله

جرب الاول العاب جديده مش قديمه
زى
fifa 2010
او اى حاجه 2009 او 2010

وكمان ايه نظامه مع تشغيل الافلام ؟

جرب وانا فى الخدمه لو محتاج اى استفسار

يامايكل بيقوبك المشكله دى كمان موجوده فى الميديا مش فى الالعاب بس

كده يحاول انه يدخل على السيستم باستعمال بوت سي (Hiren's BootCD) ودي فيها حاجه اسمها (Mini Windows) لو فتح يمقى مشكله تعريف (95%) لو ما فتحش يبقى فى عيب فى الهارد وير

وبرده محتاج تجرب تنزل ويندوز تانى ويكون معاك تعريفاتك

ياجماعة عيب هارد وير مين بس الحكاية كلها ان الشاشة
wide screen

يعني الجهاز بيشغل ال reslotion اللي عندو بس في اللعبة

بلاش افتكاسات والنبي ياجماعة انا معايا الجهاز ده اصلا

يا ريس انا اشتريت واحد برضة ايسر من شهر وبة كارت شاشة ati 500M وبرضة حصل معايا مشكلتين الاولى انة بيتعرف على كارت الشاشة ال BUILT IN فقط و دة 128 و دى المشكلة اتحلت وكان عايز تعريف لانة بيعمل SWITCHABLE لكارت الشاشة اللى هوه عايزة حسب البرنامج اللى شغال , و المشكلة التانية هى ان الالعاب بتشتغل فى نص الشاشة ورحت لمهندس الصيانة لتوكيل الشركة و حاول لقينا ان الاعدادات ليس بها اختيارات لل resolution اعلى لملأ الشاشة و قمنا بتوصيل اللابتوب على شاشة اكبر 17 بوصة وجدنا الاعدادات موجودة و الصورة ملت الشاشة . و بالتالى قم بهذة التجربة ووصل اللاب توب على شاشة خارجية كبيرة و شوف

عيب اوى كلمه افتكاسات دى وبعدين انا ذكرت ان العيب فى التعريف او فى كارت الشاشه نفسه

يا جماعه براحه بس
اولا انا جربت underground 2
اللبعه شغاله بالطول في نص الشاشه(ملحوظه الشاشه عندي wide screen( يعني مستطليه مش مربعه زي التليفزيونات الLCD
وبرده الفيديو نفس الحكايه بيشتغل برده بالطول في نص الشاشه
وفيه حاجه كمان كارت الشاشه نفس مش متظبط عشان لما بجيب الproperties بتاعه الشاشه والريزيوليوشن بيبقي مش قاري كارت الشاشه الATI وبقولت detect بيجيبه بس مش شغال
اعمل ايه المشكله اصلا ان انا مش منزل ويندوز هو جاي بويندوز 7 وبينزل بكل التعرفات بتاعته انا مبعملش اي حاجه

شوف اقدم تعريف لنوع كارت الشاشه بتاع الجهاز او احدث تعريف وان شاء الله واحد من الاتنين لازم يشتغل

بس عموما الويندز 7 لا يتعامل مع كروت ati فنصيحه تحميل نسخه xp بروفيشنال sp3 والتعريفات من ع النت ده لو انت عاوز الجهاز يقرا التعريف بطريقه سليمه
والويندز 7 بيتعامل مع كروت شاشه جى فورس

طيب ازاي باشا ده هو جاي عليه النسخه دي مش انا اللي منزلها

طيب انا اللي معايا حاليا نسخه xp sp2 32 bit
ممكن انزلها عادي بجانب الوندوز 7 ده ولا ايه

الفيرجن بتاع 7 اقوى من xp بالتالى مش هايسمح له بالتحميل فالافضل انك تنزل xp لوحده

طيب ممكن اعرف ازاي انزله اصلا انا اول ما بفتح الجهاز علي طول الويندوز بيحمل مفيش فرصه اني اعمل اي حاجه

لو ماسبقش ليك عمليه تحميل نسخه ويندوز شوف حد متخصص وقبل ما تنزل النسخه جمع التعريفات بالكامل علشان تعريفاته كتير جدا

انا بنزل ويندوز عادي بس اللي كان معايا قبل كده كان free dos
فكنت عادي بنزله ويندوز زي الجهاز العادي
لكن المشكله في ده انه عليه نسخه

شوف البوت بتاعه هو تقريبا f10 او f12 مش متذكر

اقتباس:

---

المشاركة الأصلية كتبت بواسطة mohamedezat

شوف اقدم تعريف لنوع كارت الشاشه بتاع الجهاز او احدث تعريف وان شاء الله واحد من الاتنين لازم يشتغل

بس عموما الويندز 7 لا يتعامل مع كروت ati فنصيحه تحميل نسخه xp بروفيشنال sp3 والتعريفات من ع النت ده لو انت عاوز الجهاز يقرا التعريف بطريقه سليمه
والويندز 7 بيتعامل مع كروت شاشه جى فورس

---

ازاى حضرتك ميشتغلش؟؟ انا معايا HD4890 Toxic و شغال زى الفل مع ويندوز 7 .

يا جماعه بالعقل كده الجهاز فيه ويندوز 7 نسخه اصلى ازاااااااااااااااااى مايشتغلش كارت الشاشه؟؟؟؟؟
حضرتك غير الresolution مانفعش
ارجع ل هايبر و قول لهم شغلوه
ماعرفوش قولوهم الجهاز ده تبع شركة ايه و قولى و انا ان شاء الله هاقدر افيدك

هل الجهاز معه اسطوانة تعريفات؟؟
لو معاه يبقى تسطب تعريف كارت الشاشه
لو مش معاه ادخل على النت ..موقع الشركه ..ونزل تعريف كارت الشاشه
ياريت تعمل ده قبل ماتشيل الويندوز 7 لانك كده بتخسر حوالى 600 جنيه من ثمن الجهاز

معلش بصراحه مش فاهم انت مكسل ليه تروح للتوكيل او حتى لهايبر و حد منهم يبص على الجهاز على فكره ويندوز 7 رائع بمعنى الكلمه ولما حا تجربه مش حا تقول xp تانى فخساره انك تشيله. فاضل نقطه واحده بس انت بتقول ان نسخة الويندوز 64 بت فاخلى بالك اغل صحن كل التطبيقات كمان تكون 64 بت علشان تشتغل كويس معاه

سبحان الله انا قلتلك من الاول ماليش فية هات المودم على الاقل مش هيحتج تعريف
يلا كلة من عند ربنا علشان مقلتليش
هاهاهاهاهاهاهاهاها انت قلت بكام

ياااااااااااااااااااااااا اااا جماعة الجهاذ نازل بنسخة ويندوز 7 64بت
وعاااااااااااااااه ال license بتاعتة وبالسريال وفي حاجة عندك اسمها acer up date ده وظيفتة بببيشوف كل التعريفااااات اللي عندك علي الجهاز وينزل اخر اصدار ليها فماتجيش تقولي نزل xp مع احترامي للجميع
ال xp بقت نسخة قديمة وضعيفة جدا واي فيرس عبببيط ممكن يوقعها
الموضوع كولو بسيط جدا
لو عندك مكتب 10سم *10سم واتحط في غرفة 15سم*15سم
اكيد هايسيب فراغات حوالية لان الغرفة واسعة
الموضع ان الشاشة wide screen
ومعني ال wide screen ان الشاشة مستطيلة
في لاب توبات تانية بيكون فيها الشاشة مربعة دي بقي اللعب فيها بتشتغل بكل الشاشة
ارجو قد اكون وفقت ونصيحة مني ليك ولمصلحتك والله وعلشان ماحدش ياخد منك فلوس ويقوللك نزل نسخة والكلام الفاضي ده

وماحدش يزعل من كلمة افتكاسات واي حد زعلان حقو عليا:44:

طيب اا عملت باك اب للنسخه اللي جايه مع الجهاز ونزلت ويندوز 7 برده بس ultimate مش home وكمان 32 عشان تشغل معظم البرامج بس طبعا لسه هنزل التعريفات بتاعتها من النت
mrwho هوانتعندك نفس المشكله دي يعني ولا ايه ؟!!

رغم انى مازلت عند رائيى وهو ان كروت ati لا تتعامل مع ويندوز 7 الا انى اتمنى اتمنى اتمنى انى اكون غلطان لانى ساعتها هاكون عرفت معلومه جديده

سالتزم الصمت الا ان تنتهى حل المشكله

متاااااابع

بص يامان انت لوفتحت عندل في اي كارت شاشة بيكون ليه opengl & direct 3d

في ويندوز 7 كليك يمين في وسط ال desktop

ثم اتبع الاتي

personalize ..disply..change disply setting..advanced setting..ati catalyst control

ده اكبر دليل علي تعريف كارت الشاشة

مكان التعريفات

Service & Support

وفي الخدمة ومابحبش حد يزعل مني

محمد عزت باشا منقدرش علي زعلك بس صحيح ازاي يكون الويندوز مش بيشغل كروت ATI والجهاز نازل بها وكمان الموقع الرسمي لايسر حاطط التعريفات لويندوز 7
mrwho برده مرضيتش عليه انت عندك نفس الحوار ده في الالعاب
علي فكره لما نزلت افلام وسطبت الكودك الافلام بيقيت شغاله عادي wide screen
المشكله لسه قائمه في االالعب اللي انا جربتها وهي underground 2 & most wanted
اعلي ريزوليوشن في اللعبتين 1024 * 768
لكن الجهاز شغال علي 1366 * 768
الريزليوشن اللي في للعبه دي مش مخليه اللعبه wide screen لكن مخلياها مربعه هل فيه حل بقه ولا ايه النظام وياريت ياmrwho تقولي عندك كده برده ولا ايه

اقتباس:

---

المشاركة الأصلية كتبت بواسطة mohamedezat

رغم انى مازلت عند رائيى وهو ان كروت ati لا تتعامل مع ويندوز 7 الا انى اتمنى اتمنى اتمنى انى اكون غلطان لانى ساعتها هاكون عرفت معلومه جديده

سالتزم الصمت الا ان تنتهى حل المشكله

متاااااابع

---

انا عندي فى الشغل لاب توب سامسنج وفيه فيجا ati ونزلت عليه ويندوز 7 وشغال حلاوه وايد عادي خالص

اقتباس:

---

المشاركة الأصلية كتبت بواسطة mohamedezat

رغم انى مازلت عند رائيى وهو ان كروت ati لا تتعامل مع ويندوز 7 الا انى اتمنى اتمنى اتمنى انى اكون غلطان لانى ساعتها هاكون عرفت معلومه جديده

سالتزم الصمت الا ان تنتهى حل المشكله

متاااااابع

---

عشان حضرتك تتأكد, من جهازى:

http://img96.imageshack.us/img96/899/captureiio.jpg

خلاص يا جماعه مش مهم امري لله هتأقلم معه الوضع ده
الافلام فول سكرين الجيمز بس هي اللي بتظهر بحجم شاشه 14 مثلا من الشاشات العاديه مش صغيره اوي يعني بس هي الفكره كانت في ان انا كان نفسي تبقي بعرض الشاشه كلها
عموما لو حد عرف حل يقولي برده
بس في حاجه تانيه انا لما نزلت التعريفات من موقع ايسر وعرفت كل حاجه وكله تمام ماعد\ا حاجه وحده
انا كان في النسخه الريكفري اللي كانت عليه كنت لما اعلي او اوطي الصوت كان بيظهرلي مايك ومعه الحد بتاع الصوت اللي انا عليه ونفس االكلام مع البلوتوث او الويرلس لما اشغلها تظهر علامه علي لشاشه ان كان شغل او مطفي
الميزه دي راحت ومش عارف اجبها ازاي ياريت لو حد يعرف يقولي او اذذا كان لها تعريف لوحدها حد يقولي اسمه ايه عشان انزلو من النت

اقتباس:

---

المشاركة الأصلية كتبت بواسطة bmya

خلاص يا جماعه مش مهم امري لله هتأقلم معه الوضع ده
الافلام فول سكرين الجيمز بس هي اللي بتظهر بحجم شاشه 14 مثلا من الشاشات العاديه مش صغيره اوي يعني بس هي الفكره كانت في ان انا كان نفسي تبقي بعرض الشاشه كلها
عموما لو حد عرف حل يقولي برده
بس في حاجه تانيه انا لما نزلت التعريفات من موقع ايسر وعرفت كل حاجه وكله تمام ماعد\ا حاجه وحده
انا كان في النسخه الريكفري اللي كانت عليه كنت لما اعلي او اوطي الصوت كان بيظهرلي مايك ومعه الحد بتاع الصوت اللي انا عليه ونفس االكلام مع البلوتوث او الويرلس لما اشغلها تظهر علامه علي لشاشه ان كان شغل او مطفي
الميزه دي راحت ومش عارف اجبها ازاي ياريت لو حد يعرف يقولي او اذذا كان لها تعريف لوحدها حد يقولي اسمه ايه عشان انزلو من النت

---

بص يا رايس

انا من بدري اوي متابع موضوعك

بس مش عارف ارد لاني محتار في كذا حاجه

بص باختصار انا كانت عندي نفس المشكله دي بظبط في جهاز ديل بس كان ويندوز اكس بي

ولاقيت الحل بالصدفه

انا هقولك ازاي عملتها وانتا شوف بقي في ويندوز 7 هتوصلها ازاي لاني بصراحه مشتغلتش علي 7 نهائي

دوس كلك يمين بتلاقي في الاكس بي غير properties. الاخيره دي في واحده تاني خاصه بكارت الشاشه بتدوس عليها بتطلعلك menu تاني فرعيه بتختار منها ان كنت عايز الشاشه wide او full او اختيار تالت مش فاكره

لان الجهاز اشتغلت عليه شويه ومكنلش معايا وقت كبير

وفعلا المشكله كانت في الالعاب وكانت كمان في لوجو الويندوز من بره كان صغير

بعدين بقي خلاص عادي الصفحه بتاعة الوجو بحجم الشاشه بالكامل

جرب كده الموضوع ده وشوف يمكن تلاقي حل لمشكلتك

A.Yakout

احمد باشا 1000 شكر ليك بس انا اصلا مش لاقي الكلام اللي حضرتك قلت عليه لانه الويندوز 7 مختلف تماما عن الxp
'طيب البرنامج اللي بيظهر العلامات بتاعت الصوت والبلوتوث والويرلس علي الشاشه اسمه اييييييييه

غالبا لازم تدور عليه في موقع ايسر هيكون acer tools او manager او حاجه زي كده هو كان زمان عندي ايسر قديم فكان بينزل فيه البرنامج دا في اسطوانه التعريف

شكرا يا باشا
طيب يا جماعه انا نزلت لعبه تانيه واشتغلت فول اسكرين وزي الفل يبقي كده ايه بقه لعب تشتغل ولعب لاء مع العلم ابن خالتي معاه نفس الجهاز مع اختلاف الكروت انا ati وهو انتل والالعاب شغاله عنده مع ان الكارت بتاعي اعلى منه وفيه العاب مش شغاله عنده كمان واللبعه اللي نزلتها دي مش شغاله عندده غير علي الmedium quality فهو بيقولي جايز عشان كارت الشاشه بتاعي هو اللي عالي والالعاب دي قديمه انا عندي 512 اب تو 1790 والاعاب دي معظمها محتاج 128
ولا اييييييييييييه