الموضوع: مشكله فى فتيس ال 128 ارجو النصيحه

يمكن يكون الدبرياج واطي روح لميكانيكي و خليه يعلي الدبرياج شويه

شكرا يا حازم باشا على ردك السريع
بس انت قصدك ايه بان الدبرياج واطى وعاوز يعلى ؟ لو انت تقصد ان مسافة مشوار الدبرياج مش كفايه هو فعلا اخره عند ارضيه العربيه بس انا ما باسمع صوت احتكاك التروس بالفتيس فى النقل و عشان كده اعتقد انه بيفصل التعشيق كويس و لا انت شايف ان لسه فيه جزء كمان وايه رايك فى ان زيت الفتيس عاوز يتزود ده ممكن يحل المشكله و افضل زيت فتيس ايه؟

خلى الميكانيكى يشوف مسمار المعلقة وقواعد الفتيس ويراجع على الزيت

شكرا يابو حميد على اهتمامك انا بكره حاروح للميكانيكى ويمكن تظهر اقتراحات تانيه من اخوانا الأفاضل فى المنتدى تكون برضه فى الحسبان عشان اتأكد ان الميكانيكى اخد باله من كل الأحتملات.

هيا غالبا المعلقه من تحت ممكن انت تشوفها حتى الموضوع بسيط جدا ليها صاموله من تحت لو ربطتها اتحلت المشكله بمفتاح 10

شكرا يا حازم باشا على ردك السريع
بس انت قصدك ايه بان الدبرياج واطى وعاوز يعلى ؟ لو انت تقصد ان مسافة مشوار الدبرياج مش كفايه هو فعلا اخره عند ارضيه العربيه بس انا ما باسمع صوت احتكاك التروس بالفتيس فى النقل و عشان كده اعتقد انه بيفصل التعشيق كويس و لا انت شايف ان لسه فيه جزء كمان وايه رايك فى ان زيت الفتيس عاوز يتزود ده ممكن يحل المشكله و افضل زيت فتيس ايه؟

الله يخليك يا باشا
انا اقصد بالدبرياج الواطي انه بيفصل و العربيه بتتحرك من اقل رفعه من علي الدبرياج و دا ممكن لو مش دايس دبرياج كويس يحليك الفتيس يطلع صوت.
و كمان زي ما الاخوه الافاضل قالولك ممكن تكون المعلقه بتفك لانها حصلت مره معايا في عربيه 128 و مكنتش بتاخد اي غيارات غير التالت و الرابع بس!!!!!!!!
و اتعود دايما لو جيت تاخد اي مصب في نص العربيه او طين عالي او ما شابه ذلك تاخده من علي اليمين يعني تبعد بقدر الامكان عن اليسار علشان المعلقه دي في الشمال و بتفك فعلا لو اخدت بيها مطبات جامده او حاجه حكت فيها

الله يخليك يا باشا
انا اقصد بالدبرياج الواطي انه بيفصل و العربيه بتتحرك من اقل رفعه من علي الدبرياج و دا ممكن لو مش دايس دبرياج كويس يحليك الفتيس يطلع صوت.
و كمان زي ما الاخوه الافاضل قالولك ممكن تكون المعلقه بتفك لانها حصلت مره معايا في عربيه 128 و مكنتش بتاخد اي غيارات غير التالت و الرابع بس!!!!!!!!
و اتعود دايما لو جيت تاخد اي مصب في نص العربيه او طين عالي او ما شابه ذلك تاخده من علي اليمين يعني تبعد بقدر الامكان عن اليسار علشان المعلقه دي في الشمال و بتفك فعلا لو اخدت بيها مطبات جامده او حاجه حكت فيها

فعلا احتمال تكون المعلقه لأنى زودت زيت الفتيس يوم الخميس بالليل اتحسنت الحاله شويه بس لسه المارشدير صعب كمان كان فيه حاجه ملا حظها العربيه عاوزه تبطل فى التانى و الأولانى اقوم الحاقها بالدبرياج لأنى مهما ادوس بنزين السحب ضعيف جدا و اقعد ادوس بنزين و بسرعه دبرياج عشان متبطلش بس فى التالت و الرابع ممتازه طبعا بطلت كذا مرة وزقيت و الحمد لله جت سليمه المهم الصبح النهارده مرضيتش تدور تماما و المارش كان تقيل جدا و جه الكهربائى فكه و قالى ان فيه موبينه وعاوز جلب طبعا انا لسه ماعرفش يعنى ايه الكلام ده بس انا باتعلم. بكره هيجيبه و ان شاء الله اروح للميكانيكى اشوف قصة الفتيس و اقول لكم الأخبار فيه حاجه كمان كان فيه حد بيسأل قبل كده عن صعوبة المارشدير زى ما كان بيحصل معايا من ضمن الردود اللى جت ان ممكن يكون فيه مشكله فى الغوايش و ان الأفضل انه يغير الفتيس بس لما يجيب اخره لأن التصليح ما بيدمش
شكرا تانى يا حازم على معلوماتك القيمه

انا وديت العربيه للميكانيكى وحل الفتيس و غير الجلب و ظبط الفتيس و الحمد لله النقل فيها بقى كويس جدا كمان لما كانت عاوزه تبطل على التانى و كنت بالحقها بالدبرياج اكتشفت ان التانى مش هو اللى بيجى ده كان الرابع و عشان كده العزم كان تعبان جدا و بتبطل بسرعه كمان غيرت البوجيهات و عملت جلب للمرش بقت ماشيه عال العال الحمد لله (امسكوا الخشب اول امبارح كان الخميس)