-
الطارق أم eit !؟
الأخوة الأعزاء أنا على وشك حجز الكارينز الأوتوماتيك إن شاء الله
وذهبت عند الطارق بكارفور بالاسكندرية والحجز عندة بـ 5000 جنية والتسليم بعد 6 شهور وأكيد طبعا عندة مشاكل فى التسليم (بإعتراف رجال المبيعات فى الطارق)
وذهبت للتوكيل eit فى دون تاون والحجز بـ 20000 جنية والتسليم بعد 6 أشهر ويوجد برضة مشاكل فى التسليم (بإعتراف ا/أحمد الكشورى مدير المبيعات ولكن متوقع زيادة الحصة فى العام الجديد)
وعلى ذلك راى حضراتكم إية ولماذا وتقبلوا ارق تحياتى
-
تاخير بتاحير يبقي التوكيل
-
ربنا يكرمك بيها يا رب
احنا يوم المقابلة شفنا عربيتين من اللى بيشيلوا العربيات كانوا كلهم كارينز جميع الالوان
بجد نفسي في نفس عربيتك ربنا يديك خيرها ويكفيك شرها يا رب
بس هقولك حاجة انا شفت عن قريب اللون الابيض والاسود بس
نصيحة خليك في الاسود مالهاش حل
-
شكرا لردودكم وأنا بميل للطارق لسبب ان المقدمة قليلة بالمقارنة بالتوكيل بس برضة منتظر رد شباب الكارينز اللى لهم تجربة حجز سواء مع التوكيل او الطارق
-
محمد زكى احسن من الاتنين بصفة عامة
اسال عنده
19420
هو موزع معتمد لكيا
-
هل فيه فرق سعر بين الطارق و التوكيل او فيه اوفر برايس
-
لايوجد فرق فى السعر بين التوكيل والطارق 112000 للاتوماتيك حجز 6 شهور ولكن الطارق عندة بضاعة حاضرة بـ 121000 دة بعد عمل الواجب
-
ابعد عن الطارق نصيحه طالما مش مضطر خليك مع التوكيل احسن
وفى عند الطارق بضاعه حاضره اليوم باوفر برايس بس بكام ؟الكارينز المانيوال ب109 تصدقوااااااا
-
ابعد عن الطارق خالص حتغلط غلطتى
متفرحش بالمقدم الصغير بيديلك وصل تاخده و تبله و تشرب ميته مش حيكتبلك معاد تسليم ولا تمن العربية و مش حيسلمك فى المعاد الى قالهولك ابدا
و اتعملت معايا انا شخصيا و طلع عنيا مع انى شارى منهم اكتر من عربية
الاغلبية بتشكر فى محمد ذكى خليك معاه او مع الوكيل انما الطارق بكل امانة بقى هو و المصرية وجهان لعملة واحدة
من الاخر حيمرهمك لحد ما ياخد ال 5000 منك بعد كده تقوله فين العربية حيقولك لسه و تبقى شايفها وقفا و بتسلم كمان و كل الى يقولهولك واحد حاجز قبل منك بالنسبة للسعر جهاز حماية المستهلك نفسه قالى ساعتها انه مايقدرش يلزم حد يبيع بالسعر الرسمى مع انى شرطت عليه انه يكتب (بالسعر الرسمى وقت التسليم)
هو بيلم فلوس و يحطها فى البنك و بياخد عليها فايدة بتتحسب باليوم غير انه بيشغل الفلوس فى حاجات تانية
و ابعد عنهم خالص فى اى ماركة دول رحيتهم طلعت فى اسكندرية خلاص
-
على حد علمى الطارق بياخد اوفر برايس عشان يسلمك على طول
Content Relevant URLs by
vBSEO 3.6.0 PL2