الموضوع: أستلمت sx4 الحمد لله

المشاركة الأصلية كتبت بواسطة magdymahmoudelserafy

شكرآ ليكم يا جماعة وانا مقدرش انكر انكم كلكم اصحاب فضل عليا فى شراء العربيه لأنى أستفد كتير من كلمكم عليها وبخاصة أ / كريم و د / سمارت المحترمين
لكن سيبونى أقولكم إنطباعى عن العربيه فى أول يومين معايا :-
العربية ثابتة جدآ على الطريق / مريحة / العفشة نشفة حاجة بسيطه / الفرامل قويه / واسعة من جوة وشنطة بحر ما شاء الله ....... العربيه لونها فضى
لكن عايز أستفسر على حاجة أنا روحت أغسل العربية امبارح ومكنتش فتحت الكبوت قبل كده ساعه الإستلام فوجئت أنا فيه صدأ على خفيف فى جسم الموتور وبيزيد شوية على الشكمان وبيزيد أكتر على لوح الصاج الى مربوط فيه الموتور / وكمان لاحظت أن العجل الخلفى طنبيره من جوه مصدية / الفانوس اليمين بارز لبره حوالى 5 سم ياريت لو حد يعرفنى ده عادى ويتعالج أزاى وأعمل إيه
عايز برضه أسأل عن حاجة كنت عايز أزود كماليات فى العربيه وهى :-
- فرش جلد : فى التوكيل التلبيسة للكراسى فقط سعرها 550 جنيه وبره التوكيل يتراوح سعرها بين 750 إلى 1000 جنيه بس فرش جلد بجد ومحمل وأشكال مختلفه + فرش للأرضيه برده
- كونسول ( مخدع ) : فى التوكيل 550 جنيه لونه رمادى / معرفش سعره بره بكام وهل التوكيل أحسن ولا لأ
- سنسيور بارك : فى التوكيل بيعمل 400 جنيه شامل التركيب والصيانة مع أنه بره التوكيل النضيف قوى بيعمل بتركيبه 250 جنيه لاكن أنا بفضل أعمله فى التوكيل علشان الضمان
- جهاز إنذار : فى التوكيل سعره 650 جنيه شامل تركيب وصيانه وبيشتغل على المفتاح ومن غير ريموت ودى ميزه وبره سعره حوالى 250 جنيه وبريموت خارجى وانا برضه بفضل التوكيل
- وحدة رفع : فى التوكيل نوعين أندونيسى 350 جنيه ضمان سنه وإيطالى 700 جنيه ضمان 3 سنين شا مله التركيب والصيانه لأربع أبواب / بره التوكيل بتركبه وسعرها حوالى 200 جنيه وأنا بفضل التوكيل
- زينون للفوجات : فى التوكيل 1250 جنيه شامل تركيب وصيانه ومعرفش سعرها كام بره لاكن أنا بفضل التوكيل برضه
- إكسسوار مقابض وتلبيسه شكمان : 300 جنيه فى التوكيل
- كنت نفسى أركب مرايا بلوتوث بكاميرا خلفيه طلع سعرها فى التوكيل 2500 جنيه مع إنها بره التوكيل لا يتعدى سعرها 700 جنيه فلغيت فكره تركيبها علشان غاليه قوى ومش عايز أركبها بره التوكيل واستبدلتها بالسينسور بارك
يعنى أنا ممكن أعمل الفرش والكونسول خارج التوكيل وباقى الكماليات بفضل أركبها وأشتريها من التوكيل علشان الضمان والصيانه وكمان مش عايز أشترى حاجه من بره وأخلى التوكيل يركبها علشان الحاجه إلى عنده اكيد انضف من بره فأنتم إيه رأيكم ويا ترى فى كماليات تانيه ممكن أركبها للعربيه ولا لأ ..............:10D5C8~1107:

وشكرآ ليكم جدآ......... أخوكم : مجدى

awel 7aga shokran 3la zo2ak w rabena yebareklak fel sx4

i'm sorry eny mod6ar akteb frankoarab 3ashan mesh 3andy arabic letters now fel windows

el loon el silver gameel 3aleeha gedan me7'aleha menawarah , 3arabety is silver bardo w mesh beyban 3aleh el 7'odosh wel torab zay el 3'awame2

belnesba lel sada elly shoftoh da 3ady gedan ensah 7'ales

about accessories ... ana merakeb el console w we7det el raf3 fel tawkeel ( estalamt el 3arabeya beehom ) w tamam masha2 allah ... el console maksy geld 6abee3y sheek bs el plastic beta3o mesh awy laken 3moman se3ro 7elw fel tawkeel mesh 3'aly 5ales

about el farsh ... 7awel fe asra3 wa2t te3meloh 3ashan el farsh fate7 w beyban feh el bo2a3 3ashan te7afez 3aleh ... w e3meloh barah el tawkeel a7san ...

el parking sensors ana nawy 3aleh insha2 allah w 3'aleban hageboh men barah w arakeboh fel tawkeel , but ask el awel 3ashan seme3t enohom mesh beyerdo yerakebo 7aga enta gayebha men barah ... el enzar men el tawkeel a7san 3ashan mezet eno 3la nafs remote el 3arabeya

rabena yebareklak feha and keep in touch

المشاركة الأصلية كتبت بواسطة alfbaa

اسف لو كنت خرجت بره الموضوع بس هي الsx4 الاتوماتيك بكام دلوقتي لاني بفكر فيها

sedan auto full options 107,000