-
أستلمت sx4 الحمد لله
الحمد لله إستلمت sx4 سيدان :10D5C8~1107:
وبشكر كل عضو فى المنتدى ساعدنى وبخاصة أ / كريم على زوقه وإحترامه وتفهمه لكل حاجه أنا سألته عليها . :hlopaet_prv:
العربيه محترمه ورائعة جدآ بجد بدون مبالغه
لكن فى مشكله عندى أنا مش فى العربيه لو حد يقدر يحلها أكون شاكر جدآ وهى إن أبعاد العربية مش واضحة وبالذات مقدمة العربية أنا مش شايفها خالص وحتى بعد ما عليت الكرسى لأخر حاجه يا ريت لو حد معاه العربيه ووجهته نفس المشكله وعرف يحلها يعرفنى ضرورى ............ :dzey:
-
الف مبروك وكل العربيات الجديدة مابتبقاش شايف مقدمة السيارة والحل هو انك تدرب نفسك على حفظ ابعادها وممكن بمساعدة حد ومع الوقت هاتلاقيك عرفت ابعادها من غير ماتشوف الكبوت ولا حاجة
-
الف مبروك على العربية و ربنا يباركلك فيها
فعلا موضوع انك تشوف مقدمة السيارة ده انتهى من زمان
و بالنسبة للشنطة ممكن تركب باركيبنج سينسور
-
الف مبروك وربنا يباركللك فيها
-
ألف مبروك....و مقدمة السيارة اختفت من فترة...و اللى يلاقيها يقولنا :U_thin1[1]:أزاى...
-
ألف مبروك على العربية الهايلة دى ... إختيار موفق جدا
ربنا يديك خيرها و يكفيك شرها إن شاء الله
-
الف مبروك
و عموما لما تيجى تركن استعمل النور و على اساس قوة تركيز النور على العربية اللى قدامك حا تعرف مع الوقت ابعاد مقدمة العربية
-
alf milion mabrooooook walahi fere7telak gedan
rabena yebareklak feha w yekfeek sharaha
fe3lan sx4 3arabeya mo7tarama gedan w excellent value for money
belnesba lel ab3ad fe3lan kol el geded keda w wa7da wa7da hata5od 3aleha bs fe3lan me7taga parking sensors darory
ya tara gebtaha loon eh ???
i'm so sorry i haven't arabic in keyboard now , sorry again
-
الف الف مبروك وربنا يعطيك خيرها ويكفيك شرها
بالنسبة لموضوع الابعاد ده حقولك تعمل ايه
انا معايا بولو 99 وبردوا مهما عملت مش بشوف الاكصدام عندى او وش السيار الا لو لذقت الكرسى فى الدريسكون وحورات فالحل ايه ال ما جبتها بقيت مش الذق فى الى قدامى واسيب مسافة كويسة عان مش حافظ ابعاد السيارة لغاية ما حفظت ابعاد عربيتى ودلوقتى برجع الكرسى لورا اوىىى ومش بشوف الكابوت اصلا وبلذق فى اللى قدامى عادى لانها مسالة تعود وحتى بردوا بتلخبط لو سوقت عربية بكابوت طويل وعريض لغاية ما اتعود عليها فالمسائلة مسالة تعود بسيطة اوىىى
ومة تانية الف الف مبروك على العربية وفعلا عربية رائع بسعر محترم وفيها كل الامكانيات ومتخليش حد يقولك ويكسر مقاديفك فى مسالة ان قطع الغيار سعرها غالى والكلام ده لان كل حاجة بقة غالية فى الزمن ده وميش حاجة بقة رخيصة وكمان الحاجة اللى حطتها وتغيرها فى الميكانيكا حتكون بعد فترة انشاء الله كبية ويكون الاسعار نزلت وغير كدا متنساش القطعة اللى بتغيرها مش حتغيرها دايما عشان يابانى وقطع غيار اليابانى معمرة
والف الف مبروك وعقبالى يارب
-
شكرآ وأرجو المساعدة
شكرآ ليكم يا جماعة وانا مقدرش انكر انكم كلكم اصحاب فضل عليا فى شراء العربيه لأنى أستفد كتير من كلمكم عليها وبخاصة أ / كريم و د / سمارت المحترمين :hlopaet_prv:
لكن سيبونى أقولكم إنطباعى عن العربيه فى أول يومين معايا :-
العربية ثابتة جدآ على الطريق / مريحة / العفشة نشفة حاجة بسيطه / الفرامل قويه / واسعة من جوة وشنطة بحر ما شاء الله ....... العربيه لونها فضى :biggrin2:
لكن عايز أستفسر على حاجة أنا روحت أغسل العربية امبارح ومكنتش فتحت الكبوت قبل كده ساعه الإستلام فوجئت أنا فيه صدأ على خفيف فى جسم الموتور وبيزيد شوية على الشكمان وبيزيد أكتر على لوح الصاج الى مربوط فيه الموتور / وكمان لاحظت أن العجل الخلفى طنبيره من جوه مصدية / الفانوس اليمين بارز لبره حوالى 5 سم ياريت لو حد يعرفنى ده عادى ويتعالج أزاى وأعمل إيه :H_angry[1]: :mad2:
عايز برضه أسأل عن حاجة كنت عايز أزود كماليات فى العربيه وهى :-
- فرش جلد : فى التوكيل التلبيسة للكراسى فقط سعرها 550 جنيه وبره التوكيل يتراوح سعرها بين 750 إلى 1000 جنيه بس فرش جلد بجد ومحمل وأشكال مختلفه + فرش للأرضيه برده
- كونسول ( مخدع ) : فى التوكيل 550 جنيه لونه رمادى / معرفش سعره بره بكام وهل التوكيل أحسن ولا لأ
- سنسيور بارك : فى التوكيل بيعمل 400 جنيه شامل التركيب والصيانة مع أنه بره التوكيل النضيف قوى بيعمل بتركيبه 250 جنيه لاكن أنا بفضل أعمله فى التوكيل علشان الضمان
- جهاز إنذار : فى التوكيل سعره 650 جنيه شامل تركيب وصيانه وبيشتغل على المفتاح ومن غير ريموت ودى ميزه وبره سعره حوالى 250 جنيه وبريموت خارجى وانا برضه بفضل التوكيل
- وحدة رفع : فى التوكيل نوعين أندونيسى 350 جنيه ضمان سنه وإيطالى 700 جنيه ضمان 3 سنين شا مله التركيب والصيانه لأربع أبواب / بره التوكيل بتركبه وسعرها حوالى 200 جنيه وأنا بفضل التوكيل
- زينون للفوجات : فى التوكيل 1250 جنيه شامل تركيب وصيانه ومعرفش سعرها كام بره لاكن أنا بفضل التوكيل برضه
- إكسسوار مقابض وتلبيسه شكمان : 300 جنيه فى التوكيل
- كنت نفسى أركب مرايا بلوتوث بكاميرا خلفيه طلع سعرها فى التوكيل 2500 جنيه مع إنها بره التوكيل لا يتعدى سعرها 700 جنيه فلغيت فكره تركيبها علشان غاليه قوى ومش عايز أركبها بره التوكيل واستبدلتها بالسينسور بارك
يعنى أنا ممكن أعمل الفرش والكونسول خارج التوكيل وباقى الكماليات بفضل أركبها وأشتريها من التوكيل علشان الضمان والصيانه وكمان مش عايز أشترى حاجه من بره وأخلى التوكيل يركبها علشان الحاجه إلى عنده اكيد انضف من بره فأنتم إيه رأيكم ويا ترى فى كماليات تانيه ممكن أركبها للعربيه ولا لأ ..............:10D5C8~1107:
وشكرآ ليكم جدآ......... أخوكم : مجدى
Content Relevant URLs by
vBSEO 3.6.0 PL2