انفجار بطاريه العربيه!!!!!!!!!!!!!!!!
السلام عليكم ورحمه الله وبركاته
انا معايا دايو جوليت كامله 99
العربيه كان فيها فانوس شغال والتانى نوره ضعيف (زينون) رحت للكهربائي امبارح يمكن اكون مثلا عايز اغير اللمبه بس اول ما وصلت للكهربائي قالى دور كدا وقلب نور - لسه بدور العربيه مردتش تدور ابدااااااااااااا قاعد يشيل في القواشيط بتاعه البطاريه ويركبها تانى وانا عمال ادور معاه في نفس الوقت (للعلم لم يقم بتبديل القواشيط يعنى لم يعكس الاحمر مع الاسود ولا حاجه ) المهم مره واحده سمعت صوت فرقعه جامد جدا جدا ودخان جامد بيخرج من العربيه نزلت بسرعه ببص طبعا البطاريه انفجرت وايد الكهربائي اتحرقت والحمد لله البطاريه كدا مع السلامه:dzey:
رحت اشتريت بطاريه كورى جديده جافه (اللي كانت راكبه برده جافه) وقست شحن الدينامو طلع 16 الكهربائي قالى المفروض يبقي 14 كدا عالى قوى وهو دا السبب اللي حرق البطاريه لانها كانت مخزنه شحن
دلوقتى انا مش فاهم هو كلام الكهربائى كدا صح ولازم اضبط شحن الدينامو - طيب اغير الدينامو خالص ولا ممكن يضبط - ياريت لو فيه انواع كويسه تنصحونى بيها
حابب بس اضيف نقطه انا عندي لمبه check علي طول منوره دا قبل مدور المتور بعد مدور المتور بتطفي بس الكهربائي قالى عادي كل الكورى كدا و مدام بتطفي بعد مالمتور بيدور يبقي كله تمام صح كدا ولا ايه ؟؟؟؟!!!!!
برجاء الافاده