طلب تسعير سيارة صديق - كرولا موديل 2001

تيوتا كورولا 2001 اللون ذهبى

فتيس اوتوماتك - تكييف و باور و زجاج كهرباء

151 الف كيلو

تعمل كام العربية دى النهاردة؟

MMamdouh

أعتقد لو سليمة من غير أي دهان (و ده طبعا صعب علشان الموديل 2001) في حدود من 70 الي 75
بس المهم تكشف عليها كويس علشان قطع غيارها مش رخيصة أبدا.
و تقبل تحياتي.

ارأى الشخصى لا تزيد عن 65 الف لو فابريقة كاملة و حالتها نضيفة و وفول اوبشن

اقتباس:

---

المشاركة الأصلية كتبت بواسطة tito29

أعتقد لو سليمة من غير أي دهان (و ده طبعا صعب علشان الموديل 2001) في حدود من 70 الي 75
بس المهم تكشف عليها كويس علشان قطع غيارها مش رخيصة أبدا.
و تقبل تحياتي.

---

بالظبط كده فعلا
لو هيا فابريكة تعملها فعلا من 70 الى 75 الف مش أقل من كده دي لو حالة جيدة جدا

انا معايا كورولا 2002 عامله 190 الف راشه بره نظافه ومجنطه وفرش جلد ومغيره كل حاجه في التوكيل وكاوتش وبطاريات جداد والنس بتكلمني قي 65 مش فاهم ده قليل بقا كدا والا ايه مع ان منزلتش بيها اسواق ولا غيره

لو فابرقة برة و جوة بتعمل 70 لو راشة برة تعمل 68 الف

اقتباس:

---

المشاركة الأصلية كتبت بواسطة sharky

رأى الشخصى لا تزيد عن 65 الف لو فابريقة كامله و حالتها نضيفه و وفول أوبشن

---

تمام

أنا بقالى سنة ببيع واحدة 2002 على 60 ألف بس مانيوال
تكييف وباور وكاسيت وسنتر وانذار وفرش جلد وصيانة فى التوكيل ورشه أجزاء منها مش كلها

اقتباس:

---

المشاركة الأصلية كتبت بواسطة party_0000

انا معايا كورولا 2002 عامله 190 الف راشه بره نظافه ومجنطه وفرش جلد ومغيره كل حاجه في التوكيل وكاوتش وبطاريات جداد والنس بتكلمني قي 65 مش فاهم ده قليل بقا كدا والا ايه مع ان منزلتش بيها اسواق ولا غيره

---

لو أتوماتيك هو دا متوسط سعرها فى السوق
و ولو مش مصدق مكن تنزل السوق تسأل

اقتباس:

---

المشاركة الأصلية كتبت بواسطة sharky

لو اتوماتيك هو دا متوسط سعرها فى السوق
و ولو مش مصدق مكن تنزل السوق تسأل

---

هو الموضوع مش حكايه مش مصدق او مصدق اصلي مش مصدوم يعني من السعر
انما حكايه الواحد مادام منزلش السوق يبقا لازم يسال
ويعدين العربيات المستعمله اكيد حالات يعني السعر بيتفاوت من واحده للتانيه

اقتباس:

---

المشاركة الأصلية كتبت بواسطة party_0000

هو الموضوع مش حكايه مش مصدق او مصدق اصلي مش مصدوم يعني من السعر
انما حكايه الواحد مادام منزلش السوق يبقا لازم يسال
ويعدين العربيات المستعمله اكيد حالات يعني السعر بيتفاوت من واحده للتانيه

---

مافيش مشكلة
بس دا مايمنعش برضه انك تسأل فى السوق علشان تعرف سعر بيعها
إن شاء الله تبيعها بسعر كويس

السلام عليكم
أعتقد 65 الف
وادخل هذا الموقع Car100100 - Used Cars - سيارات مستعملة

اقتباس:

---

المشاركة الأصلية كتبت بواسطة mmamdouh

تيوتا كورولا 2001 اللون ذهبى

فتيس اوتوماتك - تكييف و باور و زجاج كهرباء

151 الف كيلو

تعمل كام العربية دى النهاردة؟

mmamdouh

---

انا شوفت العربيه دي وهي فضي مش دهبي عربيه كويسه بس رشه بره وفيها شغل سمكرة من قدام ومعروضه علي 60 الف بس في راي كتير عليها قوييييييييي

2001 !!!!
يعنى عربية فات عليها 9 سنين !!!

وبتتكلموا فى 70 الف !!

انا مرداش ادفع فيها اكثر من 60 او 55 الف وهبقى زعلان كمان ..
ايه يا جماعة الناس فى مصر هنا بتتكلم عن الكورولا وكانها مرسيدس !!

والله حتى لو مرسيدس مش هيبقى كده كمان ...!!!

والا الانسر البومة دى كمان الى مسخرة !!!

بجد الشعب المصرى جاهل با امتياز فى العربيات ..!!
على عكس ما كنت متصور زمان .

يعنى كورولا 2007 اغلى من كورولا الشكل الجديد !!

والانسر البومة الى هى عربية قديمة وتكنولوجى قديم وشكل عفا عليه الزمن بتتباع بثمن الشارك !!!!

وغير دا كله العربيات الاوروبى سعرها اساسا اصبح قريب جدا من اليابانى والكورى ...

الصراحة انا بقيت مركز مع فيات وفولكس وانا ملاحظ ان دول اكثر شركتين محترمين بجد..
كا اسعار وكقيمة مقابل الثمن ..

بس لو لقيت كورولا ام ام تى ب90 الف طبعا هخلص على طول ...

هل هي العيون ؟ ولا الشكل قبل الحالى ؟

الشكل قبل الحالى يا دوك

متوسط سعر العربية من 60 ل 65 وبالنسبة لحالة العربية ال حضرتك عارضها كويس اوي عليها 60 وممكن تنزل 500 جنية كمان.. متنساش انها ماشية كيلو متر كتير.. الكلام دا من واقع خبرتي في اسعار الكورولا بالذات لاني كنت بشتري العربية دي وفضلت شهرين ما بين معارض واسواق وتليفونات وماقع انترنت .. ورأي الشخصي انك تشوف واحدة 2002 حالتها نظيفة وكيلو متر فليل وصيانتها في التوكيل سعرها من 65 ل 70