الانذار اللي بيدور العربية_للنوبيرا
السلام عليكم
يا جماعة انا بفكر اركب الانذار اللي بيدور العربية انا سالت عنة قالولي 350 جنيه
بس ناس خوفتني منة بيقولوا انة بيقرص جامد علي المارش في الدوارة و هيبوظه.... انا عاوز اعرف فكرة تشغيلة ايه
يعني هوا بيدي أوردر للمارش انة يشتغل... و بيلغي الاوردر ده امتا؟؟ هل بتايمر يعني يشغل المارش 5 ثواني مثلا.... ولا بيجيلو سيجنال معينة تعرفة ان العربية دارت و لو كده منين بتيجي تالسيجنال دي
و هل هوا غلبة في تركيبة... يعني الكهربائية هيعكعكو كتير؟؟
انا عاوزة عشان انا دايما بنزل الصبح الشغل مستعجل و مش بسخن خاالص و صعبان عليا العربية... و انا ساكن في الدور الأول و العربية تحت الشباك علي طول..فممكن ادور اول ما اصحا و علي ما البس و انزل تكون سخنت
معلش طولت و حكيتلكم قصة حياتي تقريبا
في انتظار ردكم و خصوصا باشمهندس سمير عياد زميلي في هيئة قناة السويس مع احترام الأقدميات طبعا