انا شاريها من شهر بالظبط وبصراحه عاجبانى جدا جدا العربية شكلها من برة تحفة ومن جوة فى منتهى الشياكة وواسعة واللى قاعد فى الكنبة مستريح... انا مقيم فى القاهرة لكن عيلتى فى الزقازيق وبصراحة انا شديت على العربية من الاول يعنى سافرت بيها 3 مرات و على طول راكب معاى اتنين او تلاته وماحسيتش ان سحبها بيتاثر.. العفشة ناعمة والثبات كويس جدا خصوصا انها جنوط 16.. ده غير الكماليات اللى انت أكيد عارفها كويس...بصراحة الحمد لله ماندمتش على الختيار على الاقل لغاية دلوقت وربنا يستر.....
عيوب العربية من وجهة نظرى و دى ممكن تكون لأنى مش حريف سواقة ان العربية ابعادها مش باينه خالص يعنى وانت سايق مستحيل تشوف اخر العربية .. تانى حاجة مراياتها كبيره شويه وساعات لوماشى فى شارع ضيق لازم تضمها الاول.. تالت حاجة خامة اكرة الباب الخلفى حاسس انها ضعيفة شوية ..يعنى لو حد شدها بعنف ممكن تتكسر..
المفضلات