يا باشا ربنا يكرمك ان شاء الله
تفائلوا خيرا تجدوه بس متنساش بقى تدينا لفة :)
عرض للطباعة
الف مبروك مقدما على العربية وان شاء الله فترة وتعدى وتكمل حقها
ربنا معك 10 شهور مش كتير اوى انا فضلت 23 شهر ونص بالتحديد
وكمان بعت عربيتى القديمة يعنى كنت بهدلة
بس مع اول ركوبة فى العربية نسيت الشهور دى كلها
فى بس كام نقطة محتاجة توضيح العداد فى الجين اخرة 240 مش 200
مقاس الكوتش 195/65 مش 195/60
واخيرا ان شاء الله كدا احتمال كبير هتاخد موديل 2011 والف مبروك مقدما مرة تانية
يا باشا مفيش حاجة بعيدة على ربنا انت ممكن فى خلال شهرين او تلاتة يكون معك تمن العربية او 80 % منة والله مش بهزار بس لو على الحسابات يبقا انا دلوقتى المفروض انى لسة حتى محجزتش والمفروض انى هحجز اول 3 تخيل بقا انى استلمت فى اخر 10 يعنى فرق 5 شهور عن المعاد وبصراحة مكنتش مصدق
تفائل خير وجربة بجد مش هتخسر انا يوم ما كنت بحجز وبعد ما جمعت تمن العربية بطلوع الروح قولتهم ان شاء الله هستلم بكرة ايمن حتى كان بيقول انت مالك متافل اوى كدا لية وفعلا حصل وكنت الحمدلله اول حد يستلم جين مانويل
يعنى تفائل كدا وان شاء الله نشوف توبيك قريب عن الاستلام
جميل التقرير ده
شكرا ليك عليه
وان شاء الله تحجز وتستلم على خير
واللون الازرق حلو (معايا على فكره )
بس مادام انت هتستنى الفتره دي كلها يبقى احتمال تجيب 2011 بما انك ممكن تستنى شهر او اكتر على الميعاد المحدد
ربنا يدلك على الل فيه الخير
يااه 23 شهر بحالهم, بس الحمد لله إنك جبتها في الآخر, إن شاء الله أنا مستني اليوم اللي اجيبها واركبها برده :)
بنسبة للعداد, كان 200 كيلو بس واللهِ انهارده وانا بشوفها حتى أنا استغربت جدا وقلت إزاي و ال Lanos عدادها 220 كيلو, وال كاوتش برده كان Good Year 195/60/R15. أنا بفكر اعدي عالتوكيل تاني وانا رايح الشغل في مرة عشان أتأكد من الكلام ده يمكن تكون عيني خدعتني بس أنا متأكد.
واللهِ إنت خلتني كلي أمل إني اجيبها بدري عن المعاد ده, ربنا يكرم كده إن شاء الله ويتقبل دعائك ودعائي واجيبها بدري إن شاء الرحمن. :ask:
ألف شكر يا باشا ده من ذوقك والله... وانا فعلا عارف إنك معاك اللون الأزرق من بعد المواضيع اللي قريتها في القسم هنا, ربنا يباركلك فيها إن شاء الله. :)
بنسبة لإستلام 2010 أو 2011, ربنا يكتب اللي فيه الخير إن شاء الله.
وألف شكر على ردودكم جميعا.
انا هعلق على كلامك
اولا عدادها كان ومازال 240 وكل الاعضاء هتقوللك كده
ولكن السرعه القصوى عن تجربه 185 كم للاوتوماتيك
190 للمانيوال
الثبات تحفه والحمدلله
الكاوتش الجود يير جامد جدا وانضف من السيلفر ستون بمراااااااحل
الصاج جامد والحمد لله فعلا
العربيه زي الفل من كله والله
وعموما كل تأخيره وفيها خيره يمكن ان شاء الله 2011 يكون نزل حاجه جديده لان 2009 و 2010 مافيش جديد بالعكس شالوا حاجات من القديم 2007 و 2008
تحياتي وربنا يقدملك اللي فيه الخير
ربنا يكرمك يا باشا وتجيبها
انا من احسن الحاجات الي عجباني في العربية ان عدادها فردي مش زوجي
يعني 10 - 30 - 50
تحس انها مختلفة عن الجميع
ربنا يكرمك وتجيب الموديل الي فيه الخير ليك
انا جبت 2008 في شهر 11 وكان فيه 2009 ساعتها
بس عملت استخارة وربنا كرمني بيها
بالتوفيق ان شاء الله