-
أنا عاجباني العربية دي...و أما شفتها في المعرض امبارح حبيتها بالرغم من شكلها القديم شوية و صالونها اللي بيعود لل تسعينات...بس كموتور و عفشة و كماليات هيه ممتازة...
ميمو باشا..انا محتار بين المنوال و الأوتوماتيك...الأوتو خايف منه عشان 3 سرعات بس و خايف لا يبقي مش مطاوع في الجري ...يعني ده لما اعوز أسقط نقله هروح فين يعني:)
ياريت تحكيلي علي أداءها و صوت الموتور عالي ولا لأ علي السرعات زي 90-100 مثلا...و العفشة ناعمة ولا بتهبد؟
-
هى يا نادر عربية حلوة جدا مقارنة السعر بالإمكانيات و الآداء
العفشة حلوة و ناعمة الموتور صوته عالى سنه ماتنساش إنه 3 سلندر و أعتقد إنه ممكن بعد صيانة اللف الصووت ينعم حبه
الجرى دى مش معمولة للجرى أوى يعنى سيتى كار آخرك بيها 120 لما تقرص أكثر من كده بتظلم العربية
خامات الصالون صراحة حلوة و التقفيل لحد دلوقت شايفه مناسب و كويس الحمد لله
أنا كلامى على الأوتوماتيك المانيوال ماسوقتهاش
-
صوت الموتور عالي في التسارع و كده و لا قصدك علي سرعة ثابتة 90 مثلا؟؟
أنا عارف ان العربية دي مش للجري بس أقصد هل ال 3 غيارات كافيين؟؟ يعني لو أنا علي 90 و كبست بنزين معقولة هتنزل للتاني؟؟؟ أصل كده أعتقد قدرتها علي السحب هتبقي ضعيفة مقارنة بالمانوال...
-
و الله يا نادر أنا ماسوقتش العربية غير مرتين لحد دلوقت ده غير إنها فى التليين دى حاجة
الحاجة التانية العربية على ما أتذكر 4 غيار مش 3
لو تقصد الكيك داون العربية بتجرى مابتقولش لأ بس لازم تراعى إنها أكثر من 120 يبقى كثير عليها
الأوتو بتاعها حلو و التكييف مابيحطش علي الموتور و لو نويت إتوكل على الله العربية حلوة
-
هيه تقريبا 4 غيار فعلا...أصل علي النت أنا شايف كله بيقول انها 3 سرعات و بلاش تجيبها أوتو عشان بيقلل السحب :(
بس انا عاجباني أكتر من الألتو شكلا و موضوعا و ان كان الاتنين في نفس السعر.
هل عملت الصيانة ولا لسة؟؟؟ و ايه أخبارهم فيها؟
متعرفش فين ممكن اتفرج عليها غير التوكيل اللي في الصحراوي؟
-
هو التوكيل مش فى الصحراوى
التوكيل قبل مدينة العبور و بعد الحرفيين جنب توكيل شيرى
الصيانة لسه والله بس روحت و شوفت المنظر هناك و قابلت ناس عملاء و إتكلمت معاهم
التوكيل مش بطال و الحاجة متوفرة عندهم و سمعت إن فيه فصال شوية فى أسعار قطع الغيار يعنى مش من أول كلمة ودى حاجة جديدة عليا صراحة :)
و الناس أجمعوا إن العربية مشاكلها نادرة و عملية
ممكن لو عرفت أجيبها يوم فى مقابلة أوريهالك بس ماوعدكش لأن أختى بتحتاجها و صعب أخدها يوم جمعه منها ممكن لو إنت نازل مدينة نصر فى أى وقت بعد مواعيد العمل أو جمعه و سبت عرفنى قبلها بيوم و أحاول أنسق معاك تشوفها إن شاء الله
-
كنت هبعتلك علي الخاص أطلب الطلب ده :)
بس ان شاء الله كمان اسبوعين كده اكون خلصت إجزامز:)
-
أى وقت يا نادر :) أنا موجود إن شاء الله
-
أنا لسه عامل صيانة الالف من إسبوع تقريبا .... التوكيل معملتوا ظريفة .. عملين مكان خاص لأصحاب العربيات الملاكى (الكليسا طبعا علشان معندهمش غيرها:D) و مكان منفصل للأوتوبسات ..... أنا أعدت ساعتين تقريبا:( بغير زيت و أعدل الطارة علشان كانت معوجة شوية ... المهم لما خرجت على الطريق لقيتها معوجا أكتر بس:mad: معرفتش ألف و أرجعلهم تاني في نفس اليوم .. الدنيا كانت زحما و وهما بقفلوا الساعة 5 ...
المهم ناوى أن أشاء الله أرحلهم على الخميس الجاي علشان حوار الطارة دة و العربية بعد ال 120 كيلو الطارة بتتهز جامد ... مش عارف ترصيص دة ولا إية ...:rolleyes:
قطع الغيار
المرايا الجانية الواحدة ب 500 جنية
الكشاف الأمامي ب 450 جنية تقريبا و الخلفي ب 220 جنية
فلتر الزيت ب 35 جنية
بس العربية جملية فعلا و سحبها تحفة مشاء الله
و أعتقد أنا ممكن تقفل الامبير بتعها بسهولة بس مجربتش الحقيقة :cool:
و صوت الموتر بقي أنعم نسبيا بعد التلين ... التلين بعد 1600 كليو مش 1000
و التكييف ملوش تاثير على سحب العربية .. أو انا عن نفس مش بحس بية مع أن بحب أجري بالعربية علشان كل مشواري يا أما دائري أو المحور
و شكرا
-
هل التوكيل بيقسط يا جماعه
Content Relevant URLs by
vBSEO 3.6.0 PL2