عرض للطباعة
حد استفذك.. نرفزك.. كسر عليك و قل أدبه.. تعدى على حق من حقوقك و عايز يفهمك انك انت اللي غلطان :khd:
لو حصل حاجة من دول مثلا و الشخص ده مستمر في الغلط و بيرد لك كل اللي بتعمله فيه و مافيش حد بيهدي ما بينكوا.. ممكن توصل معاه في الآخر لإيه؟
ممكن إنفعالك يوديك لحد فين؟ و هل بتفرمل نفسك و انت في قمة انفعالك عشان نفسك؟ صحتك؟ عشان معاك حريم في العربية و مش عايز تتخانق و همه معاك؟ بتفرمل نفسك لأي سبب؟ و لا بتسيب نفسك للآخر؟ و يا ترى إيه هو الآخر بتاعك؟
ممكن توصل بانفعالك لحد فين؟
اظن انفعال اي شخص عاقل علي حسب المشكله وعلي حسب الشخص الذي امامك اقوي اضعف شخصيه هامه شخص يعمل لديك اوتحت رئستك
انا الحمد لله بقيت تلج
لأن غير كدا مش هخلص
احلى كلام النلج هو اللى بينفع بس وبصراحه لو واحد مثلا خبط العربيه هاعد اتنطط وكده طيب ماهى كده كده مخبوطه يعنى الزعيق مش هايرجعها فكل اما تهدى الزعيق بيبقى احلى وتوفير للوقت وتعطيل الشارع ههههههههههه
حسب الموقف و مين اللي معايا و ربنا يستر لأني حاسس اني قريب جدا هولع في حد من الاغبياء اللي بيعملو الغلط و يحسسوك ان انت اللي غلطان و لازم تعتذرلهم كمان
كنت بشتم فى سرى , وبعدين بقيت اشرح للجنبى ان بص الاخ ده بيعمل ايه , وبعدين بقيت اشتم بالكلاكس والاشارات وبعدين بقيت اشتم بصوتى وبعدين بقيت اللى يرمى عليا ارمى عليه واللى يستغبى ابقى اغبى منه ووصل بى الموضوع فى النهايه انى كسرت واحد من الضرب بسبب انه رمى عليا والموضوع كبر ودخل فى اقسام ومحاضر ونيابه
ومن جديد عادت الدائره للهدوء وما لبست ان عادت للغضب مره اخرى بعد حوالى شهر , هى طاقه شحن ولازم تفضى كل فتره
في الأول كان علي حسب سير اليوم .. مرة واحد خبطني و نزلت له و انا بضحك و إيه يا راجل اللي إنت عملته ده و وقفنا دردشنا شوية و مشي .. ده لأنه كان يوم حلو و كان لسة حاصلي حاجة كويسة مسيطرة عليا فا مكانش في دماغي .. ما يخبطني !
فيه يوم بقي كان كله مشاكل و زعابيب واحد معلق الكلاكس ورايا قمت مبطل العربية و نزلت قلتله العربية عطلت صرف نفسك و قليت أدبي عليه .
بعد كدة علقت ستيكر علي المراية مكتوب عليه it's not worth it
و بقيت دايماَ أشغل أغنية قديمة كدة عملها مغني إسمه jimmy buffett قصتها إنه كان سايق العربية و واحد كسر عليه جامد و جري فا لقي إنه الغضب ملهوش فايدة مهو جري خلاص .. فا قرر يعمل أغنية كلها شتيمة في الراجل ده .. و تخيل لقصة حياته و إيه حصله في طفولته خلاه كدة و متجوز مين و عياله مين .. للأسف مينفعش أحط إسمها في المنتدي بس بشغلها و أقعد أغنيها معاه لأني علي طول بلاقي الراجل اللي بيغنيله في الشارع المصري.
لا انا بجد موتى وسمى اللى يجى عكس والله بدخل وش فى وش واللى خايف يوسع
بس فى مرة بجد مكنتش اتوقع انى ممكن اوصل للمرحلة انى انزل اتخانق
كنت ماشي عند القصر الجمهورى اللى فى القبة المهم واحد جى عكس الاتجاة راكب تاكسي لادا طبعا هو يقلب نور وانا ولا هنا لانى مش ممكن اوسعلة (لانى مش هانزل فى حفرة بسبب البية) المهم جة جنبيى وبيزعق متوسع شوية يا بنى ادم ابتسمت وقلتلة طريقى وانا حر فية راح شاتمنى باهلى وانا معا فى العربية امى واخواتى المهم لفيت وهاتك يا جرى وراه وجبت ورحت واقف قدامة بعرض الطريق ونزلت وقلتلة انت بتشتم لية قالى انا مشتمتكش قلتلة لا شتمت والناس اللى معايا فى العربية سمعوكك قالى دا انا كنت بقولك كل سنة وانت طيب قلتلة وانت تعرفنى علشان تقولى كل سنة وانت طيب وتانى مرة يا حلو لما تقول كلمة ياريت تكون قدها يا اما متقولهاش وهنا عمل مصيبة اكبر وخبطلى الرفرف اللى ورا واتطبق قلتلة بس انت يومك كدة اسود الرفرف دة هتصلحة قالى طيب انا اخويا سمكرى تعال ورايا ومشينا ناحية الكابلات ورحنا لقينا المحل مقفول يقول خلاص بقى كدة ملكش عندى حاجة واللى عندك اعملة قلتلة طيب خليك فاكر اللى انت قلتة علشا هتتعب فية قالى طيب
رحت على القسم وكلمت واحد قريبى فى مجلس الدولة وحكيتلة على اللى حصل قالى اعمل محضر وادينى رقمة عملت محضر انة سبنى علنى وخبطنى وهرب
على بليل لقيت رقم غريب بيتصل بيا انا سواق التاكسي يا بية وانا اسف جدا انت معرفتنيش على نفسك انت غلطان يابية والعربية انا هشدهالك كلها ولا تزعل نفسك ابوس رجلك خليهم يسبونى قلتلة مش انا قلتلك لما تقول كلمة ياريت تبقى قدها وانت قلتلى اللى عندى اعملة وانا لسة فى حجات تانى هعملها انا هعلمك تمشي تشتم فى خلق الله كلهم
بس بصراحة انا زعلان لانى مكنتش عايز الموضوع يكبر كدة بس بجد اضيقت انة شتم اهلى وولدتى غلطتنى فى الموضوع دة لانى المفروض مكنتش الف وارجعلة وقعدت فترة مبتكلمنيش بعدها
اول ما بدأت اسوق سقت بحذر
ولقيت اللي يرمي ويكسر ويخبط ويشتم ووووووووووو.........الخ
وانا مقدرتش اسيطر على انفعالاتي
بس دلوقتي بدأت اهدى خالص
وبحاول اكون بارد وارجع لاصلي
اصل الواحد مش هيخلص من الاغبياء اللي بيكونو حواليه
ولا ههيخلص من عدم النظام والتكدس الغير منطقي
بسوق هادي وبكرامتي بالقوانين المحترمه اللي بتطبق في العالم
ومش حابب اكون بلطجي واكون زيهم
انا باتنرفز لابسط سبب وعصبى بغباء وهبل واخر مرة اتخانقت مع الكاشير فى خير زمان اكتوبر
كنت جايب علبة بسكويت امريكانا وكنت هاكلها مع واحد صاحبى (اى نعم هانكلها كلها لوحدنا ههه) فقلت للكاشير بالحرف الواحد (براحة عليها لو سمحت علشان ماتكسرش البسكويت ) لقيتة بيبصلى بصة احتقار وحدف العلبة واتزحلقت ووقعت من فوق الكاشير واكييد البسكوت الى جواها اتفتفت
فقلتلة بدم بارد :طيب دلوقتى انت حبيت تستظرف وانا مش رايقلك فقوم هاتلى واحدة غيرها لانى مستعجل ومش طايق وشك
قالى : هوة انا هاشتغل عند اهلك (اكتر حاجة دايقتنى الكلمة دى لانة غلطان وبيستهبل)
رحت مسكت نظارتة من على وشة وحدفتها على الارض والنظارة اتكسرت
جة بقا المدير
واثناء وجودة
الواد بتاع الكاشيير قالى انت فاكر نفسك ميين اية ياعم انت .. هاتهالى بقا بدل ما اعملك عاهة فى وشك وقعد يبرطم
قلتلة (بكل فخر ) هوة انا هاشتغل عند الى جابوك بص على نفسك وبعدين ورينى نفسى يا حثالة )(مع انة يفصل اتنين منى بس وقتها كان معايا صاحبى وجارى كان واقف على كاشيير تانى )
جة المدير اتكلم وقال احنا اسفين وانا لسة مديهم خصومات فى المرتبات ومتدايقين ومش عارف اية وجابلى علبة تانية
بس مشييت وانا بجد متدايق لانى وصلت الموضوع لكدة وكان ممكن اخلص الموضوع لو بقيت تلج بس ماعرفتش ولحد دلوقتى لما باروح خير زمان بالاقية بيبصلى باحتقار وانا اروح باصص لية من فوق النظارة واضحك (هيا عادية بس اكييد دمة بيكون بيغلى )
يلا بقا مش مشكلة بس هوة الى غلط الاول والبادىء اظلم
انا بئى عن نفسى عصبى جدا وبوصل لدرجة نى ممكن اعمل بلاوى من كتر من انا متعصب ومتنرفز
المهم اخوكم لسة متعلم السواقة فى شهر 7 السنة دى يعنى لسة يادوبك على قدى
المهم كنت مع خالى بالنوبيرا بتاعتة ووانتوا عارفين اد اية هى كبير وعريضة المهم ماشى فى شارع عندناهو مش زحمة اوى بس فى اليوم دة كان فى ناس كتير عشان كانت وقفة العيد الصغير المهم انا ماشى فى حالى وبعدى من الشارع دة والمهم وانا ماشى واحد اين تيت بعربية نص نقل بتاعة الشركات ووعايز يزنقى عشان يعدى هوا وبعد كدة لما معرفش يعدى عشان انا رحت مرخم علية وموسعتش راح واقف مكانة وهو كان واقف غلط وانا مش هاينفع اعدى عشان االعربية كانت هاتتحك وفى عريبة مركونة جنبى واقفه خالص المهم يهديك يرضيك ارجع ورا سنة عشان اعدى والدنيا تمشى ابدن يقوولى لا تخيلوا المهم خالى راح
قالى بطل العربية وبعد كدة راح نازل قالى انزل وراح موقف العربية فى وسط الطريق سدة سدة سودة والدنيا ساعتها اتملت عربيات والشارع وقف
المهم راجل دة نازل يبطلج بئى ويقل ادبة عليا انا وخالى وهيعلى صوتة قلتله حيلك بس انت تتكلم عدل وبالصدفة لقيت واحد صاحبى راح جى وقف معايا والناس كلها اتلمت
وهو الراجل دة مش من القناطر بس شكلة استغفر الله العظيم رد سجون المهم اول مالاقى الناس اتلمت وكلة ها يعمل معاه الواجب راح كاش ولم نفسة فى لحظة ووسع زى الكلب
يعنى تخيلوا غلطان ويبزعق دة حاجة تعل :dzey:
أنا كنت مرة شفت فيلم أجنبي أبطاله غير معروفين، عبارة عن اتنين ستات السيناريو جايب لك يومهم من أوله كل واحدة على حدة و أد إيه اليوم اللي مروا بيه كان صعب. اتقابلوا في طريق، واحدة منهم مستعجلة عشان تسلم تقرير لو عجب مديرها هايديها ترقية و هي أصلا متأخرة ع المعاد، و التانية لسه طليقها واخد منها إبنها المعاق حركيا عشان يعيش معاه و مع مراته.
الاتنين سايقين عربياتهم في حارة واحدة ورا بعض.. المستعجلة هي اللي ورا و اللي طليقها أخد إبنها هي اللي قدام و هي اللي عربيتها اتعطلت و مش راضية تدور.. التانية بأه مش صابرة عشان مستعجلة و عمالة تديها كلاكسات.. راحت اللي قدام لما زهقت راحت و قالت لها انتي ما بتفهميش يمكن.. ما بتشوفيش كمان؟ مش شايفة العربية مش راضية تطلع؟ أعمل لك ايه انا دلوقتي؟ راحت قايلة لها تعملي أي حاجة المهم تطلعي الهبابة دي من قدامي عشان أعرف أمشي، و راحت طالعة بالعربية بعصبية و حارقة بنزين و تقريبا كانت هاتخبط الست اللي واقفة بتكلمها.
أم عربية عطلانة دمها فار و راحت تشغل العربية بإصرار قامت العربية دارت و دي وراها و فضلت تزنق عليها لحد ما وقفت قدامها و نزلت من العربية بالكوريك و طلعت غلها كله في تكسير العربية.. طبعا صاحبة العربية اتخضت و هنجت للحظات و بعدين راحت دايسة بنزين و كانت خلاص هاتدوس الست لولا إنها وسعت على آخر لحظة و ركبت عربيتها و طارت وراها و فضلت عايزة تخبطها لحد ما العربية بتاعة الست المستعجلة اتقلبت و عربيتها هي خبطت في عمود.
الست اللي طليقها أخد إبنها أخيرا حست انها ممكن تكون اتسببت في مصيبة و راحت لعربية الست اللي عربيتها اتقلبت عشان تطمن عليها انها لسه ما ماتتش و فضلت تنده عليها و التانية قافلة الإزاز و كانت الدينا بتمطر جامد فما سمعتهاش و هي بتسألها انتي كويسة؟ كل اللي شافته هي إنها بتحوم حوالين العربية و كل اللي جه في بالها إنها عايزة تموتها.. قامت مطلعة مسدس و ضرباها بيه!!
بعد كده نقلوا المشهد للمستشفى و جابوا الدكتور هو بيبلغ خبر وفاة الست لإبنها و طليقها و مشهد تاني للست المستعجلة و هي رجلها مبتورة و بتقول لولادها و جوزها إن كل اللي حصل ده ماكانش لازم يحصل خالص، و طبعا بتواجه تهمة قتل و مصايب سودة.
بعد الفيلم ده ما خلص قعدت كتير أفكر إزاي إنفعالنا و أفعالنا و ردود أفعالنا لو مشينا وراها ممكن تودينا لحد فين.
انا بفرمل نفسى احيان كتيره اختصارا للوقت
وانشغالى بما هو اهم
المشكلة فى قلة الذوق المتناهىالمتماسك بيه المواطن بإستماتهوتتلخص فى اعمل عبيط
انا شايف ان الوضوع مقتصر على العصبيه فى السواقه وبس بس انا عمرى ما وصلت انى اتخانق بسبب تصادم او ى سبب كله صاج غير مره واحده سواق ميكروباص كسرلى المرايا نزلت من العربيه وبكل هدؤ هاتدفع تمنها ياعنى هاتدفع تمنها ومن جوايا عارف انى مش هاقبلهم بس خليته فى نص هدومه من اسلوبى وطريقت كلامى
وواحد صاحبى عصبى موووووووووووووووووت مره عصبيته دى وصلته انه ضرب تامر عاشور فى الشارع ايوه ضربه ده مايعرفش ياعنى ايه خناقه ده بيضرب وبس لدرجه انى كنت فى جامعه الدول وهو راكب جانبى وقبل شارع شهاب واحد جاى من الشمال ومصمم يدخل يمين وبمجرد لما تخطانى شتم ودخل شهاب حظه الاسود والمنيل ان الشارع كان واقف انا مالقتش صاحبى جانبه والله العظيم لقيته واقف على باب عربيه الواد ونازل فيه ضرب والواد جوه العربيه لا حول ولا قوه والناس اتلمت وباقت مشكله انا سيبت العربيه ونزلت اجيبه والناس بتحوش ومحدش قادر يهديه والواد طبعا نزل من العربيه وكل اللى بيعمله انه بيشتم وصاحبى طبعا بيتزايد فى عصبيته لقيته نزل برجليه دغدغ رفرف العربيه وبعد ما مشيت حلفتله ان لو واحد شتمنى وانت معايا هاعمل نفسى ماسمعتش حاجه علشان اللى انت بتعمله ده
انا بعزه جدا وربنا يشفيه لان عصبيته دى وصلته لتعب القاولون وهو لسه فى مقتبل العمر
مساء الفل على عيونكم جميعا إخوتي وأخواتي
فى الحقيقة أنا موضوع الانفعال ده عندي نسبي يعني حسب الموقف وحسب الشخص وحسب مودي وقتها
بس فى الغالب انا بمتص غضبي لغاية ما اللى قدامي يهدا وبعدين اعرف أعاتبه وآخد حقي منه بالراحة ده طبعا لو قريب ...لكن لو حد مش بعرفه من قبل فالغالب انى مش هرد عليه ولا هنزل بمستوى تفكيري للرد على أى حماقات ممكن تصدر عنه واسيبه وامشي ...لو انسان بقى فعلا غلس
وربنا حطه قدامي فى وقت انا اصلا فيه زهقانة يبقى يتحمل بقى هههههههههههههههههههههه هو اللى جابه لنفسه بقول اللى يقدرنى عليه ربنا واللى يرجعنى هادية من تانى
((اتقي شر الحليم اذا غضب )) ـــــــ ميرسي علا على موضوعك ولك منى فائق احترامي