FRV 1.6 Automatic F/O هل مازالت موجوده؟

اخواني الاعزاء اعضاء المنتدى الكرام
ارجو الافاده بخصوص سؤالي هذا حيث اني لاحظت نزول الموديل الجديد من ال FRV واللي هي اسمها كروس اوفر Cross Over واللي نازله 1500سي سي مانيوال بس
هل الموديل القديم حيفضل ينزل منه اوتوماتيك ولا حيوقفوا تصنيع الموديل ده؟
ياريت لو حد عنده فكرة عن الموضوع ده يطمني لاني ناوي اشتري الاوتوماتيك بس كمان شهرين تلاته تقريبا باذن الله وخايف لما اقرر اشتريها ما الاقيهاش
وسؤال تاني على السريع
هل الموديل الجديد اللي هو كروس اوفر مش حينزل غير مانيوال بس ولا ممكن ينزل منه اوتوماتيك بعد كام شهر ؟
معلش طولت عليكم بس ياريت حد يفيدني بمعلومات عن الاسئلة دي

بص يا ريس ,الى نزل السوق دلوقتى 1500 سى سى دة مانيول موديل 2010 والكروس ايضا مانيول 1500 سىسى
سوف يتم نزول الاوتوماتيك خلال معرض اتوماك الشهر القادم يس 1500 سى سى
انا اشتريت المانيول 1500 سى سى العادى مش الكروس
بس كل الاختلاف انها اعلى شوية و كل الرفارف عليها بلاستيك
العادى الى معايا فيها جنوط فاوانيس شبورة 2 زجاج كهرباء و المريات كهرباء
الوتوماتيك الكروس 4 زجاج كهرباء و المنيول 2 زجاج
frv m 79000 model 2010,cross m 85500

اشكرك يا ايمان على ردك السريع
وربنا يباركلك في العربية
بس انت متاكده من معلومة ان الكروس نازله الشهر الجاي اوتوماتيك ؟
لان الراجل اللي في معرض البافاريه قاللي انسى انها تنزل اوتوماتيك دلوقت خالص ولمدة سنه
وهل الاوتوماتيك حتكون فيها مرايات كهرباء وزجاج الابواب الخلفيه كهرباء وجنوط وفوج لايت ولا حيعملوا برده زي ما عملوا في ال 1600 فول اوتوماتيك لما رحت اشوفها فوجئت انها فول اوبشن وجير اوتوماتيك ومافيهاش زجاج كهربائي خلفي ولا مرايات كهرباء ولا فوج ولا جنوط ولا ريموت
تخيلوا يا جماعه عربية فول اوبشن مافيهاش الكلام ده كله
ولما سالته قاللي ان ده بسبب سياسة الشركه لانها مش عاوزة تعللي سعر العربيه فبيشيلوا الكلام الفارغ ده كله علشان السعر يبقى رخيص
مع العلم بان سعرها 90000 يبقى رخيص ازاي؟
امال لما يحطوا الاوبشنز دي بقى يبقى سعرها حيوصل كام؟
طيب وهل ده منطقي في عربية صيني مقارنة مثلا مع الكيا سيراتو اللي ب 128000 او اكتر بسيط وفيها كل الاوبشنز اللي تتخيليها؟
بصراحه انا لحد الوقت مش قادر اقنع نفسي ان العربية ب 90 الف ومافيهاش الاوبشنز دي مع العلم بانها موجوده في موديل المانيوال
والله شيء يغييييييييييييييييييييييي ييييظ جدا