أشترى كروز ولا سيراتو؟ رجاءا النصيحه خالصة

**egyptianmafia** · 14-12-2009 01:22 AM

Cruze

**aboomarr** · 14-12-2009 01:24 AM

المشاركة الأصلية كتبت بواسطة normal

شوف لو عايز مانيوال
اعتقد الكروز افضلك (مع ان سعرها مبالغ فيه حبتين)
خامات افضل بكتير من جوه
وشكا انتريور افضل كمان
السيراتو فى الفئه دى (المانيوال) تعتبر فاضيه خالص
لو ركبتها طبعا و عجبتك اتكل على الله وانا شايف ان كل الى بيتقال عنها لا يتعدى خامات الانتريور والفقر فى الامكانيات
لو الكروز اولا اغلى من السيراتو
ثانيا منصور ناس بتقول وحش اوى و ناس بتقول عادى
انما هتلاقى امكانيات اعلى من السيراتو
يعنى فوجات
راديو سى دى + ام بى ثرى
انذار بريموت
وحبيت حاجات كده مش فى السيراتو المانيوال
اخيرا لو انا فى موقفك
هجيب الكروز
استخير و توكل على الله

شكرا لتعبك وردك ---انا ميال للكروز شوية لان شكلها افخم شوية بس هيا ضيقه طبعا عن السيراتو عموما لسه قدامى كام يوم ودعواتك--

**NoRmAl** · 14-12-2009 01:26 AM

المشاركة الأصلية كتبت بواسطة aboomarr

شكرا لتعبك وردك ---انا ميال للكروز شوية لان شكلها افخم شوية بس هيا ضيقه طبعا عن السيراتو عموما لسه قدامى كام يوم ودعواتك--

ربنا معاك و يوفقك للى فيه الخير ان شاء الله
واستنى كمان رأى الاعضاء هيفدوك كتير اوى

**aboomarr** · 14-12-2009 01:28 AM

المشاركة الأصلية كتبت بواسطة egyptianmafia

cruze

ليه يا استاذنا لو سمحت؟ليه كروز ومش ليه سيراتو؟

**Ralliart** · 14-12-2009 02:30 AM

طيب لو عايز مانيوال شوف الفيات لينيا في نفس رينج الاسعار دي
كمالياتها اكتر بكتير من السيراتو والكروز(العربيه بتتكلم!)وموتورها جبار 1400 تيربو واستهلاكه للبنزين اقل من ال1600
الحاجه الوحيده اللي تعيبها هي سعر اعادة البيع وده مش عيب العربيه ده عيب السوق

**elmoski** · 14-12-2009 02:58 AM

انا كنت في نفس حيرتك ومش عارف كروز ولا سيراتو لكن ناس كتير اقنعوني بالسيراتو واخرهم كان واحد تاجر سيارات كمان قالي ان السيراتو افضل ..ومن وجهة نظري كماليات السيراتو اعلي كمان ومتورها اقوي وخاماتها مش رضيئة زي ما الناس بتقول..

**aboomarr** · 14-12-2009 05:04 AM

المشاركة الأصلية كتبت بواسطة mostafa_elhussain

طيب لو عايز مانيوال شوف الفيات لينيا في نفس رينج الاسعار دي
كمالياتها اكتر بكتير من السيراتو والكروز(العربيه بتتكلم!)وموتورها جبار 1400 تيربو واستهلاكه للبنزين اقل من ال1600
الحاجه الوحيده اللي تعيبها هي سعر اعادة البيع وده مش عيب العربيه ده عيب السوق

طبعا ميعبش العربيه فعلا بس يعيب اللى هيشترى العربيه لان انا لو حضرتك لاحظت كان معايا تيجو واتعلمت انى اشترى ليا وللسوق

ربنا يكرمك يارب على ردك

**aboomarr** · 14-12-2009 05:07 AM

المشاركة الأصلية كتبت بواسطة elmoski

انا كنت في نفس حيرتك ومش عارف كروز ولا سيراتو لكن ناس كتير اقنعوني بالسيراتو واخرهم كان واحد تاجر سيارات كمان قالي ان السيراتو افضل ..ومن وجهة نظري كماليات السيراتو اعلي كمان ومتورها اقوي وخاماتها مش رضيئة زي ما الناس بتقول..

طيب انا بسمع كلام عنها بتحدف شمال ومش لاقيين حل؟ وبتسخن مش عارف منين كده؟ وكمان العفشه ناشفه ؟ يعنى ده اشياء ليها حل وطبيعيه؟

ياريت الافاده

**mastr_n** · 14-12-2009 07:53 AM

اتكل على اللة وهات سيراتو مش هاتندم

**Beeso** · 14-12-2009 08:28 AM

المشاركة الأصلية كتبت بواسطة aboomarr

طيب انا بسمع كلام عنها بتحدف شمال ومش لاقيين حل؟ وبتسخن مش عارف منين كده؟ وكمان العفشه ناشفه ؟ يعنى ده اشياء ليها حل وطبيعيه؟

ياريت الافاده

بص يا باشا عشان اجيبلك المفيد أول حاجى تعملها إنك طبعا تصلي استخارة وكذا مرة متكاسلش بنسبة للسيراتو بقى فأنا ححاول الخصحلك في كام نقطة :

موضوع العفشة الناشفة : ده أغلب الناس اللي بتشتكي منه دول اللي معاهم SX زي حالتي (أنا معايا SX ومبشتكش من العافشه) وده راجع إن العربية نازلة بظنط 17 وكاوتش low-profile وده ليه حلول كتير منها إنك تغير مقاس الكاوتش يعني تخلي elprofile أكبر أو تغير الجنط لماقص اصغر يعني 16 أو 15 ساعتها كل المشاكل حتروح انشالله (أنا بصراحة معنديش مشكلة في-17 عشان بيدلك ثبات أكتر) وفيه موضوع كامل على الجنط بس
موضوع الحدفة الشمال: وده أنا شايفه موجود عند بعد الأعضاء وانا كنت واحد منهم لحد منقلت الفردتين اللي قدام مكان بعض والحمدلله المشكلة راحت بس لحد النهاردة أنا مسمعتش كلام مقنع ليها. بعد كل اللي قلته ده برده أرجع واقولك مش كل الناس بتشكي من موضوع الحدفة ده ... في بقى نقطة مهمة جدا جدا جداااااااا إني لما كانت العربية بتاعتي فيها الحدفة ده عمرها ماقصرت على توازن العربية خالص ولا في الملفات مع الجري بس كل المشكلة إنها كانت مضياني بس لما بسيب الدركسيون ملاخر لو إنت ماسك الدركسيون بصباع واحد مش حتحس بيها خالص وده عن تجربه
موضوع الحوادث : ده باقى في قضاء وقدر وكلام كتير قوي وممكن يكون في عيب في عربيات معينة عشان كل الأعضاء اللي اتكلموا في الموضوع ده ناس محترمة وبيحكو تجربة وعاوزين يفيده الناس من تجاربهم (طبعا تسمع لكلام الناس ملاك العربية اوقع) أنا ماشالله تجربتي مع العربية لحد دلوقتي حلوة بس موضوع الحدفة اللي كان عندي ده لسة علمت استفهام عشان أنا مهندس وفضولي حيموتني مش أكتر إنما لم تسبب أي مشاكل ليَّ خالص الحمدلله
موضوع سخنة التابلوه : ده كله كلام بسيط يعني مايعبش أي عربية

أنا عن رأي إن لو حتجيب سيراتو هات ال (full option (Ex /SX عشان منوال فاضية خالص (أنا عن نفسي كن نفسي أجيبهـا عشان بحب سواقة المنوال بس لقيتهم منفضينها خالص من كل الكامليات )

أنا كده بيتهيألي لخصتلك كل خبرتي مع السيراتو اللي عمل بيها 3400km ومعايا من حولي شهرين

بسنبة بقى للكروز فأنا ماقدرش انكر إنها شكلها جميل وانا كنت بفكر فيها قبل مجيب عربيتي بس لازم قبل ماتقارن تقارن حاجتين زي بعض في مثل بيقولك (Compare apples to apples ) يعني مقارنة ظالمة للسيراتو المنال الفاضية بالكروز

أنا مش حعرف اقولك رأي في الكروز زي السيراتو عشان أنا مركبتيهاش خالص وزي ماقلتلك صلِّي استخارة وربنا يوفقك بس أنا لحد دلوقتي الحمدلله مش ندمان على اختياري في السيراتو

اسف للاطالة وأرجو أكون افدتك إنت وكل اللي عاوزين يعرفه اخبار السيراتو إيه