الموضوع: أشترى كروز ولا سيراتو؟ رجاءا النصيحه خالصة

على فكره نسيت اقولك انا معايا مانيوال ومعنديش ولا سخونه ولا حدفه والعفشه عاديه مع جنط 15 والحمد لله وربنا يحفظهالنا جميعا

[QUOTE=mastr_n;3872192898]اتكل على اللة وهات سيراتو مش هاتندم[/

ربنا يسهل لسه كنت عند معرض وبصيت على الخليجى وكله بيقولى الخليجى مفهوش مشاكل ربنا يستر بس ارسى على حاجه بعد الاستخارة وخير ان شاء الله

المشاركة الأصلية كتبت بواسطة beeso

بص يا باشا عشان اجيبلك المفيد أول حاجى تعملها إنك طبعا تصلي استخارة وكذا مرة متكاسلش بنسبة للسيراتو بقى فأنا ححاول الخصحلك في كام نقطة :

• موضوع العفشة الناشفة : ده أغلب الناس اللي بتشتكي منه دول اللي معاهم sx زي حالتي (أنا معايا sx ومبشتكش من العافشه) وده راجع إن العربية نازلة بظنط 17 وكاوتش low-profile وده ليه حلول كتير منها إنك تغير مقاس الكاوتش يعني تخلي elprofile أكبر أو تغير الجنط لماقص اصغر يعني 16 أو 15 ساعتها كل المشاكل حتروح انشالله (أنا بصراحة معنديش مشكلة في-17 عشان بيدلك ثبات أكتر) وفيه موضوع كامل على الجنط بس
• موضوع الحدفة الشمال: وده أنا شايفه موجود عند بعد الأعضاء وانا كنت واحد منهم لحد منقلت الفردتين اللي قدام مكان بعض والحمدلله المشكلة راحت بس لحد النهاردة أنا مسمعتش كلام مقنع ليها. بعد كل اللي قلته ده برده أرجع واقولك مش كل الناس بتشكي من موضوع الحدفة ده ... في بقى نقطة مهمة جدا جدا جداااااااا إني لما كانت العربية بتاعتي فيها الحدفة ده عمرها ماقصرت على توازن العربية خالص ولا في الملفات مع الجري بس كل المشكلة إنها كانت مضياني بس لما بسيب الدركسيون ملاخر لو إنت ماسك الدركسيون بصباع واحد مش حتحس بيها خالص وده عن تجربه
• موضوع الحوادث : ده باقى في قضاء وقدر وكلام كتير قوي وممكن يكون في عيب في عربيات معينة عشان كل الأعضاء اللي اتكلموا في الموضوع ده ناس محترمة وبيحكو تجربة وعاوزين يفيده الناس من تجاربهم (طبعا تسمع لكلام الناس ملاك العربية اوقع) أنا ماشالله تجربتي مع العربية لحد دلوقتي حلوة بس موضوع الحدفة اللي كان عندي ده لسة علمت استفهام عشان أنا مهندس وفضولي حيموتني مش أكتر إنما لم تسبب أي مشاكل ليَّ خالص الحمدلله
• موضوع سخنة التابلوه : ده كله كلام بسيط يعني مايعبش أي عربية

أنا عن رأي إن لو حتجيب سيراتو هات ال (full option (ex /sx عشان منوال فاضية خالص (أنا عن نفسي كن نفسي أجيبهـا عشان بحب سواقة المنوال بس لقيتهم منفضينها خالص من كل الكامليات )

أنا كده بيتهيألي لخصتلك كل خبرتي مع السيراتو اللي عمل بيها 3400km ومعايا من حولي شهرين

بسنبة بقى للكروز فأنا ماقدرش انكر إنها شكلها جميل وانا كنت بفكر فيها قبل مجيب عربيتي بس لازم قبل ماتقارن تقارن حاجتين زي بعض في مثل بيقولك (compare apples to apples ) يعني مقارنة ظالمة للسيراتو المنال الفاضية بالكروز

أنا مش حعرف اقولك رأي في الكروز زي السيراتو عشان أنا مركبتيهاش خالص وزي ماقلتلك صلِّي استخارة وربنا يوفقك بس أنا لحد دلوقتي الحمدلله مش ندمان على اختياري في السيراتو

اسف للاطالة وأرجو أكون افدتك إنت وكل اللي عاوزين يعرفه اخبار السيراتو إيه

ربنا يكرمك اطالة ايه بس ده انت كتر الف خير حضرتك ---لسه شايف الخليجى رئيك ايه؟ من غير ضمان يعنى مفيش قلق وسعرها 96 الف جنيه

وهصلى استخارة طبعا كتير لان برضو لسه فحيرة بين الكروز والسيراتو ---كنت فالمعرض النهارده والكروز برضو عربيه مبهرة اوى وبصيت للعفشه تحت كده ماشاء الله والشنطه واسعه جدا ماشاء الله --نصيحتك برضو معانا لحد منركز على حاجه

المشاركة الأصلية كتبت بواسطة m_s_h_a

بص يا سيدى كما قال اغلب الاعضاء وتقريبا كلنا كنا فى نفس الحيره المهم وجهة نظرى المتواضعه وقرارى كان كالتالى على فكره دى مش مقارنه هىبس كان تفكيري انا كده
اولا الاتنين مانيوال مش فارقه
الشكل الداخلى الكروز افضل لكن ليس بالفرق الشاسع لان بردوا الخامات بلاستيك لكن فيها بعض القماش اللى بيقولوا عليها سطوفه واعتقد لوكان جلد كان يبقى احلى
الشكل الكروز اكتر فخامه
سيراتو اكتر شبابيه ورياضيه
الموتور طبعا السيراتو افضل وخاصة تكنولوجيا cvvt الاقتصاديه جدا فى البنزين ودى نقطه مؤثره
الوسع الداخلى مش فارق قوى
لكن فى زيادات فى الكروز مفتاح ريموت وفوج لايت والكاسيت mp3
السعر الفرق فى حدود 14000 كتير
التوكيل الاتنين من وجهة نظرى مش وحشين عن تجربه ولكن كيا افضل قليلا اللى سؤ سمعة شيفروليه هى الافيو


اما اللينيا عربيه محترمه واوبشن كويس زى الميجان اغلب السيفتى والاوبشنز موجودين والاتنين تقفيل تركى

اللينيا سعر اعادة البيع ؟؟
الاهم من كل ده هو صلاة الاستخاره ووفقك الله لما فيه الخير

لاتنسوا دعاء الركوب

ربنا يباركلك فعربيتك يارب ويكفيك شرها --كلامك مقنع جدا ومقارنتك مفيهاش كلام بس مش برضو حيرة ولا انا موسوس من بعد التيجو ولا ايه يعنى لان برضو ال 25 الف الى خسرتهم مش شويه وبصراحه لو خسرتهم تانى هركب عجل بعد كده وربنا يستر دعواتك ونصيحتك برضو

هل السيراتو خليجى فيها اى قلق؟؟؟؟؟؟؟؟؟؟؟؟ علما بان سعرها 96 الف

المشاركة الأصلية كتبت بواسطة aboomarr

هل السيراتو خليجى فيها اى قلق؟؟؟؟؟؟؟؟؟؟؟؟ علما بان سعرها 96 الف

يا باشا والتوكيل مفيهاش حاجه وزى الفل وانصحك تجيبها وكيل

[QUOTE=m_s_h_a;3872193618]يا باشا والتوكيل مفيهاش حاجه وزى الفل وانصحك تجيبها وكيل

منا سالت النهارده على الوكيل ومفيش فالوكيل وسعرها برة ازيد 4 الاف جنيه عموما هسال تانى لو استقريت عليها وشكرا لردك جدااااااااااااااااااا