الموضوع: أرجو المساعدة جزاكم الله خيرا

يا جماعة أنا اشتريت عربية ريتمو ورخصتها فاضل فيها سنة والعربية تابعة لمرور أبيس وأنا رخة قيادتي تابعة لمرور محرم بك
أعمل إيه عشان أغير الرخصة باسمي وأروح أفحص في أي مرور اللي تابع له السيارة ولا اللي تبع عنواني وايه الاجراءات أرجو إفادة كاملة

سؤال تاني هل استنى لما السنة تخلص وأروح أفحص ولا أروح أغير دلوقت؟؟
ونبي فيديوني

بسم الله الرحمن الرحيم
بص يا عم محمود .. لغاية ما حد من افاضل المنتدي يفيدك بالتفصيل .. ممكن اقولك بعض المعلومات اللي افتكرها في هذا الموضوع ..
اولا .. اذا كنت شاري بتوكيل ( مش تسجيل ) فالعربية ممكن تقعد معاك السنة دي كاملة من غير ما تغير الرخصة باسمك ومن غير ماتعمل اي حاجة ..
ثانيا .. اذا كنت حتسجل العربية ( او ما كنتش حتسجل دلوقت لكن حتسجل كده كده بعد ما سنة التوكيل تخلص ) : بتروح المرور اللي تابعة ليه السيارة ( ابيس ) بتجيب ورقة اعتقد اسمها شهادة بيانات .. بيكون مثبت فيها رقم الشاسيه و الموتور و مواصفات العربية و بيكشف عليها مهندس هناك .. و طبعا شهادة المخالفات ... و بعدين بتروح بالعربية و الورق للمرور اللي انت تابع ليه ( محرم باشا) و بتديهم الورق ده و بيكشفوا تاني علي العربية ( الفحص ) و بياخد منك النمر القديمة .. و بتكمل بقية الاجراءات عادي جدا ..

للاسف انا مش فاكر كويس الخطوات بالضبط .. بس اعتقد ان الترتيب كده الي حد ما مظبوط .. و ان شاء الله اساتذة المنتدي يفيدوك كويس.
تحياتي