السلام عليكم
انا مسافر العاشر من رمضان بعد بكرة الأربعاء كنت بسمع ان الملابس هناك متميزة نوعا ما من حيث الجودة والتوكيلات والأسعار ياريت لو حد هناك يقولى على خلاصة تجربته او خبرته يبقا مشكور وياريت يحط رينج الأسعار واماكن البيع المتميزة سعرا و جودة
عرض للطباعة
السلام عليكم
انا مسافر العاشر من رمضان بعد بكرة الأربعاء كنت بسمع ان الملابس هناك متميزة نوعا ما من حيث الجودة والتوكيلات والأسعار ياريت لو حد هناك يقولى على خلاصة تجربته او خبرته يبقا مشكور وياريت يحط رينج الأسعار واماكن البيع المتميزة سعرا و جودة
انا ساكن في العاشر
و في اماكن مشهورة جدا بالنسبة للناس اللي مش من العاشر
عندك عرفة و دة فيه توكيل اديداس و ديادورا و جاي لاروش و حاجات تانية كتير .. و اسعاره احسن شوية من القاهرة
و عندك كمان كونكريت و براندز و جولدن تكس
و في كمان المنفذ الاوروبي .. بس تروح معرض الدرجة التانية لأن الدرجة الاولى فيه غالي شوية
كل اللي فاتوا دول في المنطقة الصناعية التالتة
عندك في المنطقة الصناعية التانية مصنع اسمه دايموند تكستايل Diamond ....ile
و دة بتاع بدل لورانزو Loranzo و دة اسعاره كويسة برضو
بس اشهر حاجة من الملابس تجيبها من العاشر هي البدل الرجالي
انا بجيب من لورنزو
هوة فى المنطقة التانية جنب ميلكى لاند
عندهم معرض ستوك وده بيكون فرز اول بس موسم فات
وفيه معرض درجة اولى
وفيه كلجوال
بس افحص الهدوم كويس
علشان مرة زميلى كان هيجيب من هناك والبنطلون فيه عيب
ممكن لو ملقتش حاجة تدى البياع فلوس وهيخش يجيبها لك من المصنع
بس مجربتش دى
بص يا سيدي
اغلب البدل اللي موجودة في القاهرة من مصانع العاشر
و هنا بتكون الاسعار اقل شوية من القاهرة بالذات لما بيكون في تصفيات او في معارض الدرجة التانية
كل الاماكن اللي قلتها في الاول هتلاقي فيها بدل و اسعارهم اقل من القاهرة بس ماعدا Concrete و BTM اسعارهم زي في القاهرة
كونكريت و تيد لاموند اسعارهم ثابتة لان دى توكيلات و انا دخلت دورت فيهم اول ما نزلت و معجبنيش فيهم غير بدلة واحدة فقط !
بس انت مقلتليش فى بدل حلوة هناك و لا زى القاهرة ! و لو نزلت اروح المنطقة الصناعية الاولى و لا التانية و لا فين :)
اعتقد الاستاذ Lord_Fouad قال المفيد كله
انا بس عاوز اقول ان Brands و Concrete فيهم حاجات حلوة كتير و اسعارها فعلا احسن من القاهرة
زي ماقلتلك
بدل القاهرة اغلبها جاي من العاشر ..
الفرق بس في السعر .. في العاشر اقل شوية
و موضوع التوكيلات دة مش زي مالناس متخيلاه
هو المصنع مجرد بياخد الاسم التجاري و التصميم و بس
بيطلع المنتج من عنده زي اي منتج مش معروف
يعني مثلا : كونكريت و براندز بيطلعوا من مصنع واحد و خامات واحدة و التصميم تقريبا واحد
و تلاقي بدلة كونكريت بـ 800 جنيه و بدلة براندز بـ 450 جنيه
و المعرضين لازقين في بعض
بس الفرق ان في ناس بتحب تلبس ماركة كونكريت عشان تاخد صورة و انطباع معين عند الناس
زي اللي بيشتري عربية mini بـ 350 الف جنيه
.
.
.
و لما تيجي تروح المنطقة الصناعية التالتة اللي هي على طريق اسماعيلية
و يا ريت يبقى معاك عربية عشان هما مش متجمعين جنب بعض ..
و بعدين ادخل المنطقة الصناعية التانية لو عايز حاجة من Loranzo او من BTM
و يا ريت تعمل حسابك في وقت .. لأن زي ماقلتلك المشوار مرهق شوية .. بس فرق السعر يستاهل
و اي خدمة انا تحت امرك :Oc_sun1[1]:
الف شكر ليكو يا رجاله
طب اخبار اللبس الكاجوال ايه؟
وماحدش قالنا رينج الأسعار لكل توكيل من دول
شــكــراً جـزيـلاً يا باشا ..
ان شاء الله هنزل قريب , حكاية الاسعار دى غريبة جدا فعلا .
لانى شفت بدلة عند جولدن مان هاوس ب 450 و شفتها فى محل قدامه اسمه Royal Club ب 850 ..
مش مشكلة حكاية السعر بس المشكلة فى المقاس لان اخوك رفيع شوية و طويل :)
ربنا يسهل ..