الموضوع: أسبرانزا m11 حسبي الله ونعم الوكيل

والله ا اعرف واحد معاه عربيه اسبرانزا الي هيا ٢٠٠٠سي سي و كل يوم يروح بيها التوكيل عشان عيب مختلف المهم الي ينرفز انه كل ما يشتكلهم في التوكيل يقلولو انت راكب عربيه صيني لازم تكون تتوقع ده!!
وبيشد في شعره منها هو الظاهر أني كل العربيات الصيني كده

المشاركة الأصلية كتبت بواسطة human12

مع انى شايف ان ده تريقه على العضو

بس هوه كان خايف على العربيه و الله اعلم باللى كان حاسه

و مش كل الناس ممكن تفكر نفس التفكير اكيد هوه عنده الظروف اللى خلته يفكر كده

الواقعه ان عربيه 1400 كيلو تنك البنزين مافتحش و مركز الخدمه اتعامل معاه باستخفاف و ماحدش لحقه ولا نجده - هوه ده الموضوع و الراجل قرفان منهم و من العربيه

.

اولا ان لا اتتريق.
ثانيا. الراجل لم يقل مركز الخدمة عمل معاة ايه هو قال انه لم يستطيع ايجاد رقم مركز الخدمة بسهولة.و حتي الان لم يذكر مركز الخدمة قال سبب المشكلة او طريقة الحل
ثالثا ابو غالي عندة مركز خدمة في 6 اكتوبر
رابعا انا الحمد لله لم اشتري السيارة او سيارة صيني حتي الان علشان ادافع من دون مبرر
و اخيرا. اللي حصلة موقف مشابه يقول ان عمل كدا خصوصا ان المشي بالسيارة في هذة الحاله لا يؤثر عليهااطلاقا

السلام عليكم

أنا نفسي بس صاحب الموضوع يكمل ايه اللي حصل و ايه باقي العيوب اللي في العربيه عشان نفهم بس و ياريت يوضح هوا ليه مراحش بيها التوكيل اللي كان على بعد 20 كم من اكتوبر (الفرع الرئيسي)

و انا ملاحظ ان في اعضاء مش طايقين الاسبرانزا زي Human و Mafia

وده واضح في كل مشراكاتهم فا ياريت بس يشرحوا ايه مشكلتهم مع الاسبرانزا غير انها صيني

أنا بالأمانه ركبت ال 516 و فيرنا و لانوس و حسيت ان ال 516 احسنهم في كل حاجه و تقفيلها كويس رغم ان في ناس هنا بتقول عليها مش عربيه لمجرد انها صيني

انا من كام سنه ركبت بي ام 318 اوتوماتيك و كنت لما اركب لانوس اقول عليها مش عربيه بالنسبه ل 318 لكن لما ركبت ليجانزا اللي دايو هيا اللي عاملاها محستش بفرق يمكن الليجانزا كمان كانت احسن و فرق السعر كمان

عايز اقول حاجه يمكن محدش يصدقها انا اعرف ناس جابوا بي ام زيرو طالعين من المعرض موتور المرايات اتحرق و غيروه في الضمان و اعرف واحد غير علبة دركسيون في الضمان بعد 5000 كم ده ميعبش في ال بي ام لكن لو العيب ده في الاسبرانزا حيتقال انها عربيه زباله

مع ان التوكيل واضح في اي سياره بيديك عليها ضمان يعني اي مشكله تحصل و تكون عيب صناعه هوا لازم يحلها و الخطأ البشري وارد جدا في اي صناعه

يعني لو رحت اشتريت تليفزيون باناسونيك و طلع فيه عيب صناعه يبقى كل الباناسونيك وحش؟ اكيد مش شرط

السلام عليكم يا اخواني
والله ليكم وحشة

كلاكيت عاشر مرة: واحد يدخل يرمي قنبلة في حق السيارات الصيني و يختفي و يسيبكم بتخبطوا في الحيط و في بعض!!!

يا جماعة....انا بصراحة شايف انه لو كل طوبة اترمت علي الصيني جرينا عملنا موضوع مش حنخلص
الموضوع كله بصراحة مش منطقي و لما نشوف موضوع كدة نطنش تماما و نشوف لو صاحب الموضوع جاد يبقي حيكمله و يقول تفاصيل و ايه اللي حصل و العيب ايه و كدة......ولا ايه ؟!
و كمان لما قريت حسيت الكلام غريب اوي.....انا لو تنك البنزين مفتحش عندي اكسره و اجيب غطاء تاني ب100 جنيه بس متبهدلش في الشارع و اجيب ونش و (تتكسر العربية علي الونش !!!!!!!!) و ادفع قد كدة للنقل و التصليح و القرف و البهدلة!!

و كمان يا سيدي لو الموضوع فعلا صدق يبقي في كلام كتير ناقص لازم يتقال.....ببساطة هل احكم علي سيارة و توكيلها عشان الغطاء مفتحش؟!! امال الشركات الكبيرة اللي بتسحب الاف السيارات من الاسواق عشان عيب صناعة و تفضل بعد كدة محافظة علي سمعتها و مكانتها دي تبقي ايه بقي ؟!! شركات اوروصينية و لا صينوامريكية ؟!!

انا رأيي تنسوا المداخلة دي تماما لأنها مش منطقية و مش كاملة و مش عادلة و لو عاوز تنتقد عربية يبقي بفكر ناضج و بخبرة و بمعلومات عن الكفاءة و الاداء و الصيانة و كدة.....

و ربنا يهدي و يوفق الجميع
و السلام عليكم