احلي تعليق
عرض للطباعة
السلام عليكم جميعآ على فكرة انا لسا مشترى m11 وانا لسا مستلمها من المعرض ورايح امونها من البنزينة حصل نفس العيب بس انا اخت الموضوع عادى بتحصل فى اى سيارة تقفيل مصرى مش شرط تكون صينى او كورى ورحت تانى يوم توكيل الصفوة وعملوه كان عايز ضبطة خفيفة وبقا زى الفل انا دلوقتى عامل 1600 ك والعربية زى الفل وماتزعلش نفسك كويس انها جت فى غطا التنك فى مشاكل فى عربيات ماركات اكبر من كدا بكتير
انا لسه شايف الموضوع دلوقتى وبجد موضوع مالوش اى لازمه وصاحب الموضوع خد الى كان عايزه بالضبط دخل قال كلمتين عشان عارف ان كارهى الصينى كتير اوى وبدون سبب هيدخلوا يخبطوا فى بعض وهو يتفرج عليهم ويضحك بدل ما يروح مسرح ويدفع تذكره غاليه
انا معايا a113 بعد اسبوعين السماعه الشمال قدام وقفت ومعدتش بتشتغل ما جبتش بقى شاكوش ونزلت فوق العربيه ولما رحت صيانه الالف فنى هناك عملها فى 3 دقائق
غير انه واضح ان الموضوع دا كان قبل مشكله تويوتا وسحب عربياتها الى فيها عيوب وماركات تانيه زى فورد وهوندا كمان ياريت بقى نسمع اصوات الناس الى هاجمت الصينى فى الموضوع دا فى موضوع التويوتا مع انى واثق انهم بيتكلموا عن العربيات بسبب سمعتها وماركتها وليس بسب تجربه سابقه او تجربه حتى واقعيه
من ساعة مبعت عربيتى التيجو وانا كرهت الصين بس مش عارف ليه دخلت اواسى الناس اللى معاها صينى ------نصيحه لوجه الله كله يحذر من اى حاجه صينى ----الاوبترا 1600 سى سى برقبة الف تيجو لو حتى 5000 سى سى وعن تجربه وعزائى لاهل الصين لان معايير الجوده عندهم زيرووو
الرجل نفسه صاحب الموضوع نفسه رد على كلامه قال انه كان غلطان فى حق العربية بس الناس بتشوف الى هى عيزة تشيفه بس.
منقول عن rotana cinema:
بسم الله الرحمن الرحيم
انا اسمي محمد 32 سنة من شبرا ده تليفوني 0111601005 للي يحب يستفسر عن اي شيئ انا مريت بيه أو جربته مع أسبرانزا m11 أولا انا كنت امتلك سيارة دايو لانوس كوري لونها نبيتي كانت من سنتين ونص هي السيارة الي علي قد فلوسي لأني أشترتها مستعملة لكن كانت والله زي الزيرو اشترتها من صديق لي يعمل بوزارة الخارجية دائم السفر والعربية كانت ممتازة كانت مانوال ولكن فيها من الكماليات الأتي سنتر لوك ووحدات رفع للزجاج وجنوط ماليزي جميل وقوي وكاسيت وسي دي كينوود و4 سماعات كينوود وشماسي اونها بني غامق علي الزجاج كانت تحفة بمعني الكلمة وهي اول بختي وعشقتها حبا وقديت فيها اجمل أوقات القيادة المهم بقي من تجربتي للانوس سنتين ونصف بدأت بعد الصيف الي فات وسفري الدائم للأسكندرية والعين السخنة في الانهيار من اول السنتر لوك غيرته اكتر من 3 مرات في السنتين وحدات الرفع كلها بتعلق ازاز يقفل وازاز لاء الكاسيت باظ السي دي بتاعه وبقي شرايط بس الشماسات غيرتها كتير جدا كل ما واحدة تقع من العربية أشتري طقم كامل عشان متتبعش قطاعي وعاديك بقي علي شغل العفشة كنت بغير جلب مقصات واظبط عفشة وأرصص كل 3 او 4 شهور ولو طنشت لمدة أطول الاقي العربية متشخرمة من كل حتة وبتحدف وماشية بتهيس غيرت المساعدين الخلفية وغيرت المارش بتاع العربية والبطارية والتكييف باظ الكومبروسر بتاعه كنت بشحنه كل شهر تقريبا في الصيف ب150 جنيه لحد مكبرت دماغي منه لأن الكومبروسر غالي عليا ب2000 جنيه لما سألت عليه عارفين بقا ايه لازمة كل الكلام ده هو ان العربية اتشخرمت جامد في سنتين وكانت واطية مهما تركب عليات لو ركب فيها 3 اصحابي وانا رابعهم مفيش مطب من غير ما الشكمان والعربية تتشخرم فيه من تحت وتعالي بقي وانا مسافر اسكندرية او رايح شغلي في 6 أكتوبر مكان عملي لو جبت 120 احس ان العربية بتحدف وهتطير من علي المحور لو جت تحتيه ظلطة أو زقها شوية هوا المهم خت قرار أعتقد انه من أصعب القرارات في حياتي وهوووووو بعت العربية الغالية عالية جدا رغم معاناني معاها الشديدة وانا دلوع اوي موش بحب الميكانيكية والقعاد عندهم بالساعات وشغلي مخليني بتخنق اوي من الروتين أو من شغل التصليح كل يوم وكل أسبوع تقريبا اشتريت بقي m11 من حوالي 3شهور تقريبا وكان قرار صعب جدااااااااااااا اتخذته اول مشترتها كنت مرعوب من الي بسمعه عن الصيني رغم شكر الناس فيها ومتابعتي لأخبارها علي المنتديات المهم اول مجبتها حصلي كام موقف خوفوني جدا منهم تنك البنزين مفتحش ومكنش معايا بنزين وروحت التوكيل وانا مدايق جدا جدا وكاره نفسي وكأن كلام الناس عن الصيني بدأ يتحقق معايا المهم الشهادة لله انا والله العظيم فخوووووور جدا جدا جدا بعربيتي أسبرانزا m11 قوة ورفاهية وثبات وفرامل ودفئ وتكييف والله كأني في أفخم عربية وبسعر موش غالي نصيحة لوجه الله أمتلك عربية جميلة m11 شافها اصحابي معايا وركبوها شافها ميكانيكية محترفين شافها ناس كتير جدا مكنوش يعرفو عنها غير اسمها او شفوها صور كلهم ركبوها معايا موش بسمع غير كلام شكر في العربية من اول شكلها لحد متانتها وقوتها وثباتها الرهيب وعلوها عن مطبات مصر الصعبة وموش مزعلني ومخوفني غير الحسد وعنين الناس والله بلاقي ناس راكبة عربيات فخمة جدا وبيبصو عليا وبيجو جمبي يتفرجو ويقفوني في الشارع ويسئلو عن سعرها الكل معجب بيها لدرجة مخوفاني اركبها من الحسد فيها انا نفسي بحسدها ركبت فيها جي ام قوي جدا وأربع سماعات كينوود وبازوكا JPL بقت تحفة لونها اسود شياكة فظيعة جدا ورواشة جامدة جداااااا مجنناني ومجننة الناس مع والله ثبات وقوة ورفاهية متناهية ورغم خوفي منها الي لحد دلوقتي شبه خوف قليل ألا أني سألت نفسي ايه الفرق في سعرها عن الانوس لاقيت مفيش فرق طب ايه الفرق الي يخوف مفيش مع ان الفرق شاسع شاسع شكلا وثبات ورفاهية وكل شيئ بجد فرق شاسع كأني في كيا كارينز او سوراتو او كروز عربية BMW صيني ب75000 جنيه مشاكلي كلها مع التوكيل والصيانة وشركة المصرية الحرامية لكن مع العربية والله العظيم بحمد ربنا وبشكر فضله ان ربنا وفقني في أختياري وكنت هجيب كمان التيجو لكن بحمد ربنا مكنتش موجودة وجبت الM11 لاني حاسس انها شكلا أنيقة جدا مجننة اصحابي ومجننة الموزز الي بيشوفوها ومخليه الناس بتهابها وتحترمها كانها BMW أتكلو علي الله وأشتروها بعيدا عن المصرية للسيارات ولو تحبو كمان أفضل توكيل عملي فيها مشكلة تنك البنزين لما مفتحش وصلحوه ب5 جنيه بس اديتهم للعامل الي مسح العربية توكيل أبو غالي الي في طومان باي مصر الجديدة وهتدعولي عربية تحفة وتوكيل تحفة وأحساس هتعرفوه لما بجد تشتروها هتحس بتميز واناقة وقوة ورفاهية وثبات وكل شيئ محتاجه وخوووووووف من عنين الناس الي هتحسدك بطريقة متوحشة بجد والله علي ما أقوله شهيد أخوكم محمد مخرج اعداد وتنفيذ في روتانا سينما وليس ميكانيكي او بشتغل في أسبرانزا والله دي شهادة لله وأسف طولت اوي عليكم لأني بطبعي رغاي سامحوني
نصائح
1 - أنا شحنت العجل نيتروجين مخلي الكاوتش زي المللبن مع المطبات ولا بيزيد ولا بيقل ويريح زي الهوا
2 - بدي الغيار حقه عشان السرعة وقوة السحب تزيد وانا اول مشتريت العربية مكونتش فاهم الموضوع ده
3 - اتعامل مع المطبات بحنية ولكن اطلع بكل قوة علي المطب متخفش العربية عالية
4 - أعمل غرز علي سرعات عالية من غير متغير الغيار الي انت عليه وأجري زي متحب الفرامل جامدة جدا وموش هتخلي العربية تنحرف او تتزحلق او حتي تزحف وتعمل صوت كأنك في حرب
5 - شغل فيها قرأن دائما لأنك هتاخد عين ربنا يستر عليك ههههههههههههههههههههههههه هههههههههههههههه
شكراااااااااااااااااااااا ااااااااا
منقول عن rotana cinema
انا بجد متشكر جدا ليك وأنا للعلم بس لما شتمت في العربية كان من سوء معاملة المصرية للسيارات ومن سوء التعامل مع أكتر من توكيل للأسبرانزا عبر التليفون مع خوفي الشديد من العربية الصيني كل ده كان له أثر في أثارة أعصابي وجعلي أقل عقل وحكمة من الأن وحكمت علي العربية من أول أسبوع وزعلي من الناس الي هنا له أسبابه
1 - موش كل المشتركين زي حلاتي كدة عندهم خبرة كبيرة بالسيارات وكمان ممكن عيب بسيط جدا بالنسبة للخبير بالسيارات يكون بمثابة خوف كبير جدا عند حد زي حلاتي موش خبير
2 - موش كل الناس زي بعضها في حد غاوي صيانة وفهم الصيانة وفي زي حلاتي عايز عربية متعطلش ولا يكون فيها عيب واحد ههههههه
3 - كل الي ردو عليا ردو كانهم خبراء في السيارات وكانت ردودهم يا اما سخرية من جهلي بعالم السيارات يا أما هجوم عليا عشان أشتكيت وجعي وألمي وخوفي
4 - محدش تعاطف معايا ولا حس بمشكلتي غير واحد او اتنين والكل هاجمني كأني أهنتهم وانا معرفهمش
5 - تم طردي من المنتدي لمجرد عاتبتهم والطرد كان بسبب أني قولت ألفاظ وأنا والله العظيم ما قولت أي لفظ يسئ لشخص وربنا الي يعلم لكن عاتبتهم بطريقة مهذبه وفهمتهم أني موش خبير لدرجة جعلتني أغضب من المنتدي وحسيت أني في توكيل أسبرانزا ولازم اشكر في العربية موش أقول فيها عيوب
6 - أنا موش متواجد كتير ولا هكون متواجد هنا كتير نظرا لظروف عملي لكن بجد حاسس دلوقتي اني مرتاح وقت الغضب غضبت ووقت الراحة قولت الحمد لله وحكيت تجربتي ولو أخطأت في حاجة أنا أسف لكل من أخطأت أليه حتي أسبرانزا كمااااااااان ويارب متطردش تاني لأني أطردت مدة كبيرة أوي أسبوعين عشان حاجة معملتهاش
علي فكرة يا استاز دة مش عيب عربية دة عيب تقفيل انا اول ما اشتريت اي 516 الريموت كان بايظ و السنتر معلق مبيفتحش و اصحابي فضلو يضحكو عليا شاري عربي جديدة مش طايقة تدخلي جواة اتصلت بخدمة ابو الفتوح قالو نبعت و نش بعتو الونش و خادوة تمن الونش عشان من عندهم 300 جنية مش خمسي كيلو و الراجل يقولي وانا مالي دي اسعار الشركة منهم لله و في الاخر يقولو انت وقعت المفتاح فتح ملقاش اصلا حجارة في المفتاح سكت و يقولي اتغبيت علي السنتر كسرتة و انا الي اغير علي حسابي بكام 200 جنية دة مش توكيل دي شلة نصب اي شي او معلومة عن اسبرانزا اي 516 انا في الخدمة و ايملي evramevram@yahoo.com
الاسلوب ده مش مقبول خالص الراجل اكيد ما كنش يقصد الى بتقوله ده هو شاف أن العربية وحشه وبيحذر الناس واحنا لازم نحسن الظن بالناس
والله العظيم أنا بكره الصناعه الصينى من الى شفته منها
بس اقسم بالله العظيم أنى اتمنى انى اكون غلطان فى كرهى للعربيات الصينى ويطلع كلامى مش مظبوط عشان فلوس الناس الى شقبت فيها ما تضعش
لان مفيش حد سوى من مصلحته أنه يخلى ناس دفعت دم قلبهم فى عربية يخزنوا عليها ويكدرهم الا لو أنسان مريض
يارب - واقسم بربى أنى بتكلم من قلبى - يارب اطلع غلطان
السلام عليكم ورحمة اللة وبركاتة، ياعضاء المنتدى الكرام،،،،،،،،،،،،،،،،
موش عارف لية حاسس ان اخوانى فى المنتدى بيكرهوا الصينى (((وخصوصا الاسبيرنزا))) اوى اوى اوى اوى اوى كدة لية،،زى ميكون بينهم وبينها ثار بايت،ودة بيبان فى الردود على المواضيع البتتكتب عنها،يعنى واحد غطاء تنك الm11بتاعتة علق ومفتحش ،الحرب الاهلية قامت على الاسبيرنزا، وفية مواضيع تانية عن عربيات كورى ويابانى موتيرها ولعت، بيكون التعليق، عادى دة ميعبش العربية؟؟؟؟؟؟؟؟؟؟؟؟؟؟؟؟؟؟ وبيكون العيب فى الراكبها موش فى العربية؟؟؟
طبعاً دة اراء وانا بحترم اى رأى ولولا اختلاف الاراء، لما كان هذا المنتدى الجميل،ولاكن انا رأى الشخصى وعن تجربة حوالى25 سنة مع السيارات منها اكتر من 3 سنوات مع الاسبيرنزا مع اكتر من موديل وطراز،انها ممكن متخدش درجة امتياز((حتى الان)) بس برضة متخدش درجة ردئية او سيئة، ممكن تأخذ درجة جيد جداً، او جيد مرتفع على اقل تقدير.
والجانب الاعظم من المشاكل القابلت العربية الاسبيرنزا كانت مشاكل التقفيل المصرى(((زى اى عربية بتتقفل فى مصر)))،بس المثل بيقول(حبيبك يبلعلق الزلط وعدوك يتمنالك الغلط).
على كل حال احنا متفقين انها اراء ولابد ان تحترم، بس نصيحتى ان الرأى بلاش يجى من كلمة او رأى حد او مقال منشور، خلى الراى يجى من تجربة افضل.
واشكركم جداً واسف على الاطالة،،،،
اسلوب ايه الى مش عاجب حضرتك؟ يعنى التحذير دا علق فى دماغ الناس كلها وكل الناس الى معاها العربيه وبتقول كويسه كله عدى الكلام بتاعهم يا سيدى الفاضل انا ما بقولكش ان العربيه دى ممتازه او سيئه العربيه مهما كان لسه جديده ومحدش يحكم عليها حكم نهائى دلوقتى ... الفكره ان كلام العضو الى عامل الموضوع واضح انه لحظه انفعال ولو كان هدى شويه مكنتش هتلاقى الموضوع بقى عامل كدا والحقيقه فعلا ان فى ناس كتير هنا فى المنتدى بسبب وبدون سبب بتشتم فى اى حاجه صينى ودا واضح من اول ما منتدى اسبرانزا اتفتح اصلا يعنى وانا بقولها تانى اهوه كاننا بنتفرج على مسرحيه ابطالها الناس الى بتدخل تشتم فى الصينى وخلاص مع ان كل المنتديات فى مشاكل كتير بتتكتب عن عربيات حتى البى ام لكن نفس الناس دى ولا كانها هنا
تبقى مسرحيه ولا لا
عموما دارأى الشخصى فى الموضوع واختلاف الرأى لا يفسد للود قضيه