استفسار بخصوص مدرسة النصر لتعليم القياده بغمرة
السلام عليكم ورحمة الله وبركاتة الاخوه الكرام عندى استفسار بخصوص مدرسة النصر فى غمره كان فى موضوع واحد بيسأل يطلع الرخصة ويتعلم ازاى فكان ده رد من احد الاخوه اقتباس:
مدرسة النصر للسيارات أحسن مدرسة لتعليم القيادة
اقتباس:
أنا شخصيا طلعت الرخصة عن طريقهم
العنوان 4 ش المنياوى بجوار محطة مترو غمرة
انا تبع مرور السلام لكن المدرسة هتخليك تمتحن فى مرور عبود و المرور هينقل الملف بتاعك لمرور السلام
كشف طبى باطنة و كشف نظر و صور و صورة المؤهل الدراسى دا اللى انا فكره من الأوراق المطلوبة
أكيد فى نظرى و كمان عملى
و انا كنت باخد العملى عند موقف أوتوبيس مساكن الشروق ده كان مكان التجمع
ربنا يوفقك و تطلع الرخصة
عندى كذا سؤال اولا يعنى ايه طلع الرخصة عن طريقهم يعنى بيساعدوه فى المرور والامتحان (كوسه يعنى) والا بياخدوا فلوس والا ايه ثانيا لو حد من الاخوه الكرام اتعامل معاهم قبل كده ياريت يحكلنا على تجربته ثالثا انا محتاج رقم تليفونهم ضرورى للى يعرفه عشان برده اسأل على المصاريف والاجراءات وخلافه رابعا لو الموضوع ده منفعش فانا عايز اعرف معلومات عن المدرسه الخاصة بالمرور مكانها ومصاريفها واطلع الرخصة فى خلال قد ايه لانى سمعت ان ممكن فتره الانتظار توصل ل 9 شهور واخيرا جزاكم الله خيرا واسف على الاطاله اخوكم ابو احمد