محتاج مساعدتكم في اختيار السيارة المناسبة .. بارك الله فيكم

السلام عليكم و رحمة الله و بركاته ..
اخواني الكرام ..

عايز سيارة تكون بالمواصفات التالية:

• سعة الموتور: 1600 سي سي
• موديل: ما يقلش عن 2004 و ما يزيدش عن 2007
• نقل الحركة: اوتوماتيك
• استهلاك البنزين: ما يقلش عن 300 كيلو مثلا في الصفيحة
• ثبات على الطريق و خصوصا على السرعات العالية
• قطع غيار سعرها معقول
• سهلة الصيانه
• سعرها ما يزيدش عن 65 الف جنيه

الحقيقة انا بقترح السيارات التالية:

1. لانسر
2. ماتريكس
3. نيسان سني
4. هيونداي الينترا
5. كيا سيراتو

و محتاج من اخواني الكرام انهم يدوني خبراتهم و نصايحهم في السيارات السابقه من حيث المواصفات المطلوبة في السيارة .

جزاكم الله كل خير مقدما

بالسعر دة و المواصفات المطلوبة مفيش غير صني بس استهلاكها في البنزين عالي

اقتباس:

---

المشاركة الأصلية كتبت بواسطة fouad nour

بالسعر دة و المواصفات المطلوبة مفيش غير صني بس استهلاكها في البنزين عالي

---

جزاكم الله خيرا اخي fouad nour على اهتمامك و مشاركتك .. استهلاك الصني بيكون قد ايه تقريبا في الصفيحة؟ و هل بيفرق الاستهلاك من مانيوال لأوتوماتيك؟ و لو زودت المبلغ ل 70 الف .. برضو مش حيكون قدامي غير الصني؟

الاستهلاك طبعا بيزيد شوية في الاتوماتيك بالنسبة للصني بتعمل 200 في وسط البلد و 270 على السريع تقريبا
لو زودت المبلغ ل 70 ممكن تجيب لانسر 1600 2005
او 1300 2007

اقتباس:

---

المشاركة الأصلية كتبت بواسطة fouad nour

الاستهلاك طبعا بيزيد شوية في الاتوماتيك بالنسبة للصني بتعمل 200 في وسط البلد و 270 على السريع تقريبا
لو زودت المبلغ ل 70 ممكن تجيب لانسر 1600 2005
او 1300 2007

---

ربنا يبارك فيك .. استفسار اخير: لو بنفاضل بين اللانسر و الالنترا , مين يكسب في حالة تساوي الحالة العامة السيارتين؟ لان فيه ناس نصحتني بالالنترا .

اقتباس:

---

المشاركة الأصلية كتبت بواسطة hawkeye

ربنا يبارك فيك .. استفسار اخير: لو بنفاضل بين اللانسر و الالنترا , مين يكسب في حالة تساوي الحالة العامة السيارتين؟ لان فيه ناس نصحتني بالالنترا .

---

انا افضل الانسر دية حاجة ترجعلك اركب الاثنين و شوف انت مستريح لاية

شوف لانسر هتلقي فيها طلباتك بس طبعا زود المبلغ شويه

الحقيقة انا بقالي كام يوم بضور على لانسر بحالة ممتازة و كإني بضور على إبرة في كوم قش!! النضيف منه مبالغ في سعره "جدا" .. و طبعا التجار البشوات بيتحكموا في الاسعار بشكل رهيب .. نزلت السوق الجمعه اللي فاتت و زودت المبلغ المخصص لشراء السيارة ل 70 الف زي ما الاخوة نصحوني و لكن تخيلوا ان الكلاسيك 2006 مطلوب فيها 77-80 الف و ال 2007 لحد 83 الف !!!
ياريت ياخوانا اللي يعرف لانسر 2006 او 2007 فابريكة برة و جوة و حالتها ممتازة و سعرها مش مغالى فيه يبلغني و لكم مني جزيل الشكر و العرفان .