متابعة 3 موضوع تسريب المياة نوبيرا 2001 اتو

**shesho** · 14-12-2009 12:51 PM

طبعا انا دوشتكوا بالموضوع دة بس انا مليش غيركو ( بعد ربنا طبعا ) الموضوع ان بعد ماروحت لبتاع الرادياتير تانى عشان مكشلة التسريب المياة قالى عشان الهواء اللى فى دورة التربيد وفضى الهواء وقالى الخلاص مش هايبقى فى تسريب تانى وحضراتكم ايدو هذا الكلام لكن للاسف بعد يومين ببص على القربة لقيت القربة فصيت شوية هو مش زى الاول ولاحظت حاجة لما اجاى ادور السيارة الصبح اول لما الشتاء اتى عشان المؤشر الحرارة يتحرك كنت بنتظر حوالى 7 دقائق خصوصا فى الصباح لكن من يومين ببص على المؤشر لقيت الحرارة ارتفعت الى اقل من النصف اللى هو الطبيعى بتاعها فى وقت قياسى 3 دقائق هل هذا لى علاقة ولا لا افيدونى افادكم الله -انا عارف انى دوشتكم بالموضوع دة واسف على الاطالة

**mummy_47** · 14-12-2009 01:06 PM

هو انت بتملى القربة لاخرها........لازم تكون بين الmin وال max مش بعد الماكس ...والا الرديادتير يتخنق والميه متعرفش تجري في المحرك...
بعد ما تدور العربية روح افتح القربة شوية عشان لو كان فيه هواء مكتوم يخرج.
راجع على الوصلات والفايز وبص تحت العربية قبل ما تدور وبعد ما تدور...لو لقيت ميه يبقى فيه تسريب.

**shesho** · 14-12-2009 01:09 PM

شكرا على الرد -لكن عملنا كل اللى حضرتك قلت علية - وانا بحط مياة عند العلامة بالظبط وبرضة مفيش فايدة

**mummy_47** · 14-12-2009 01:12 PM

نسيت اقولك...ايه اخبار طلمبة الميه معاك....احتمال يكون فيها مشكلة...يعني بتسمع صوت نعرة في المحرك والموتور داير.

وفي انتظار كلام الخبراء

**mummy_47** · 14-12-2009 01:16 PM

وكمان ايه اخبار مروحة التبريد

**shesho** · 14-12-2009 01:24 PM

بالنسبة الى طلمبة المياة مش عارف الصوت دة - لكن مروحة التبريد شغالة كويسوفيش مشكلة

**mummy_47** · 14-12-2009 01:25 PM

المشاركة الأصلية كتبت بواسطة shesho

شكرا على الرد -لكن عملنا كل اللى حضرتك قلت علية - وانا بحط مياة عند العلامة بالظبط وبرضة مفيش فايدة

هي الميه مفروض متنقصش نقص كبير ..انا عندي في النوبيرا تقريبا لسه مزود الميه تقريبا بمقدار كوب مياه صغير وده بعد 75 الف كيلومتر........المفروض الميه بتسخن وبتتبرد فالفاقد فيها يكون ضئيل ...انت متاكد انك بتبص تحت العربية كويس..ممكن يكون فيه ميه واتبخرت...طيب مفيش تنشيع ميه بجانب القربة او عند الردياتير او عند المحرك..اكيد فيه تسريب...طيب بعد ما تركن ب 10 دقايق والعربية طافية...ابقى بص تحتيها..اكيد هتلاقي تسريب ....يا اما الردياتير عايز يتغيير وبيهرب حرارة ....او المروحة بايظة...او الثرموستات عايزة تتظبط...

وفي انتظار اراء الخبراء
مع تحياتي

**mummy_47** · 14-12-2009 01:29 PM

المشاركة الأصلية كتبت بواسطة shesho

بالنسبة الى طلمبة المياة مش عارف الصوت دة - لكن مروحة التبريد شغالة كويسوفيش مشكلة

طلمبة الميه ممكن تسرب ولو مش شغالة كويس هتعمل صوت النعرة ....هي مفروض تتغير على 80 الف طبقا لكلام أ.محمد ممدوح فلو مكنتش غيرتها..غيرها وشوف الاخبار ايه؟؟

**hosini2000** · 16-12-2009 10:06 PM

بسم الله الرحمن الرحيم
أخي الحبيب
دي أول مداخلة أو تعليق ليا في هذا المنتدى الجميل ..و بالمناسبة أنا داخل لأني كنت بدور على معلومات عن عدد من العربيات لأني بافكر أبيع النوبيرا بعد ما وريتني الويل و سواد اليلللللللل
أنا معايا نوبيرا 2001 أوتوماتيك و فيها أغلب المشاكل المذكورة في المنتدي و لأن كتر المصايب يعلم البكا فقد أصبحت خبير نوبيرا (إلى حد ما) من كتر اللف على الميكانيكية و التوكيل النصاب و فتي الناس..المهم
بالنسبة لمشكلتك يا ريت تراجع الخراطيم لأن نقص الميه يعني تسريب..و ده ممكن يكون من الخراطيم الموصلة (عندي المشكلة دي و مكسل أحلها..و ممكن تقول زهقت ) أو من حاجة كده جوة الموتور ورا الفرن..ناسي إسمها هي عاملة زي الكستبان بتاع الخياطة و تقريبا الواد الميكانيكي لما غيرهالي قاللي عليها اسمها الكستبان برضه..المهم دي لو مصدية أو مخرومة هتعمل تسريب

النوبيرا عربية جميلة في المجمل..بس ااااااااااااااااااااااااا ااااه منها لما تفتح كرشها..

بالمناسبة..من فترة اكتشفت او حسيت ان البنزينة اللي بحط منها بنزين بتغش ال90 ب 80.. و بيني و بينكم لما لاقيتها بايظة بايظة و كده كده هايغشوني بقيت بحط 80..و بصراحة هوا كويس مش وحش..هوا بيقلل عزم العربية شوية بس العربية لما اتعودت عليه أدمنته و فعلا لما أغيره ل 90 أو 92 باحسها زعلانه و بتدمر البنزين اللي فيها و تخلصه بسرعه شديدة علشان ترجع ل 80 تاني

ياااااااااااااااااااااااا ارب يصلحها و يهديها لحسن دي جننتني