+1
وأنا كمان ألف تحيه I take my hat off to him
عرض للطباعة
هو ده الكلام المفيد وانا كان حصل معايا نفس الموضوع واتصل بيا الاستاذ وائل الجيار مدير خدمة العملاء واقترح نفس الاقتراح وياريت بقى يا جماعه محدش يكسل انا للاسف من الاسكندريه ومش هقدر اكون معاكم ولكن البركه فيكم واعتقد ان اللى يقدر يروح يروح بصرف النظر عن العدد ويكون لقاء مفتوح للنقاش والتجربه وياريت اللى عندهم مشكله بالذات هما اللى يهتموا اكتر وياريت يكون التركيز على الموضوعات المثاره ويكون دى الحد النهائى للكلام فيها زى
1 مشكلة التعليق وامانها
2الحدفه واسبابها ومدى تاثيرها
3سخونة القنصل
بالرغم انى معنديش ولا مشكله بس نضع حد للاقاويل وفى النهايه بالتوفيق لرجال المنتدى الافاضل اللى هيكون نيابة عنا هناك وياريت الاستاذ صاحب الموضوع يضع رقم تليفونه علشان اللى مستعد للذهاب معاه يكلمه وجزاه الله خيرا عنا جميعا
لاتنسوا دعء الركوب والسفر
والله مجهود ممتاز, و نتيجه ممتازه...
اعتقد ان الزيارة دي مهمه جداااا لكل الناس, و ان شاء الله لو خلصت العلاج الطبيعي لكتفي اليمين, و قدرت امسك عكاز, عشان لسه مقدرش امشي, هنزل و اروح معاكوا لو محدش يمانع عشان عندي اسئله كتيييييييير جدااا و فرصه ان يكون بعض الأعضاء الكرام معانا و نسمع كلنا الكلام اللي هيردوا بيه علينا...
في كمان حاجه تانيه, سمعت من ناس و قريت في الجرنال ان السيراتو الخليجي بتنزل بنظام الثبات الالكتروني esp...!!! هل هذا الكلام صحيح؟؟؟؟؟ اصحاب الخليجي يقوللنا, لأن هما ادرى... و لو حد عايز يعرف فيهesp هيلاقي الاتي (زرار داخل العربيه في التابلوه مكتوب عليه "esp off" و هتلاقي لمبه عند العدادات جنب لمبة abs عليها علامة عربية و وراها خطين كده و لونها برتقالي) لو موجوده الحاجات دي... يبقى فيه esp في العربيه...
ممكن كمان نعمل حاجه تانيه بعيد عن التوكيل (او قبل ما الاعضاء تروح التوكيل).. اي حد من الأعضاء اللي معاه سيراتو خليجي sx يتفق مع احد الأعضاء اللي معاه سيراتو بس وكيل (مصري) sx بردو, و يتقابلوا و كل واحد فيهم يشوف هل فيه اي فروقات بين العربيتين من جوه او من بره, الكوتش, يشوفوا العربيات من تحت (مساعدين, مقصات,.....) و يكون موجود حد عنده خبره في الميكانيكا يقولنا, هل فيه اي فروقات في اي حاجه؟؟؟ يمكن ده هيوضح الصوره لناس كتيير بردو سواء في فرق او لأ...
و نحاول نتأكد و نوصل للكلام السليم علشان الكل يرتاح و يطمن...
شكراا على الموضوع, و على المجهود و الفكره الممتازه...
اولا احمد الله ان الموضوع لاقى استحسان بعض اعضاء المنتدى الافاضل
ثانيا رقم الهاتف 0101709953 وانا اخوكم في الله حسام الدين مصطفى المشطاوي
ثالثا بدات كتابة الاسئلة ودول اول ثلاث اسئلة من سعادتك
رابعا اقترح ان يكون احدنا مالك فعلي للسيارة يعني يكون عارفها وفاهمها الى حد ما ولاتكون الزيارة مثل الاذاعة الموجهه من طرف خدمة العملاء واّخر يكون عفريت كمبيوتر لان ان شاء الله سيكون عليه عبء كبير وهو عمل موضوع الزيارة ورفعه وما الى ذلك
خامسا دعاؤكم بالتوفيق وده الاهم
يامسهل
حمدا لله على سلامتك يااستاذي العزيز ياريت تكون معنا طبعا لانك السبب في حجزي للسيارة وانت فاهم السيارة جدا وانا اثق تماما في تقديرك للامور واثق انك لو وجدت الامور في صالح السيارة ستقول رغم ماحدث شفاك الله وعافاك وابدلك خيرا منها ولو اعرف عنوانك ورقم تليفونك لدراسة امكانية ذهابك اكون شاكر جدا لانك مستمر مع المنتدى لافادة اعضاؤه الكرام ولو ممكن عنوان ابورواش من google earth يكون كتر خيرك............ تحياتي ودعائي لك بالشفاء العاجل
احييك يااستاذ حسام على هذا المجهود الرائع ومراسلة شركة كيا الام
وكمان لازم اشكر كبا مصر على فكرة حضور ممثلين عن المندى لعرض جميع المشاكل ةلو تسمحولى ارشح المهندس/ غازى واادكتور/ احمد سامى يكونو مع حضرتك ياستاذ حسام انتو طبعا اقدر منى على تحديد انسب المشاركين فى هذة المقابلة ولكم تحياتى
خير الناس انفعهم للناس
لا يضيع حق وراءه مطالب
تقبل تحياتى
شكراا على كلامك الرائع و على ذوقك و على ثقتك اللي والله شايل مسؤليتها في رقبتي انت و ناس كتييير اشترت و هتشتري العربيه بسببي... ربنا يوفق الجميع للخير
و الله يا استاذي لو ثبت ان العربيه مافيهاش اي عيوب جوهريه في العفشه او خلافه او ان العربيه محتاجه تجهيزات زياده بالنسبة للسلامه... انا اول واحد هقول ده و هقول اني كنت غلطان في وجهة نظري و هقول الصح و بالتفصيل كمان...
انا ماليش اي مصلحه ان العربيه تطلع وحشه..!!! و يا رب تكون زي الفل و مافيهاش الهوا علشان الناس اللي دفعت فلوس من تعبها و اشترت او حتى حجزت...
و والله العظيم نفسي اروح علشان عندي كميه اسئله مش طبيعيه نفسي اسألها و يا رب الاقي حد بيرد رد منطقي و مقنع, مش بس كلام حلو و متزوق و ملوش اساس في الواقع (كعادة توكيلات مصر المحروسه كلها)...
يمكن العربيه قعدت معايا 6 شهور بس... بس عرفت فيها كل صغيره و كبيره, و رفعت العربيه و شوفتها من تحت, و تابعت الكوتش و انسب ضغط و استهلاك البنزين بكل اشكاله, و جربت العربيه على طريق العالمين و مصر اسكندريه الصحراوي (سافرت بيها اكتر من 8 مرات) و جربت الفتيس و الكيك داون و الستيبترونيك في حالات كتير جوه البلد و على الطريق و مع التكييف...... و غيره
و حصل معايا مواقف كتير في التوكيل و مع العربيه بره التوكيل بس متكلمتش فيها في المنتدى, نظرا لأن الناس زهقت من كتر المشاكل, و ابتديت احس ان ملوش لازمه الكلام و تسمع كلام سخيف من بعض الناس, و ان الناس كلها فاهمه العربيه 100% و مش محتاجين لأي حد...!!! في حين ان المنتدى هنا الهدف منه النقاش و توضيح وجهات النظر, يعني لو كل واحد اقتنع انه ممكن يكون صح و ممكن يكون غلط, و يتقبل الرأي الاخر مهما كان و لو فيه غلط يصلحه بالمنطق و باحترام, مش هيكون فيه اي مشاكل ابدا مع اي حد...
يا رب تكون العربيه زي الفل و مافيهاش اي مشاكل و الناس كلها تستمتع بيها و اللي عايز يشتري, يشتري بقلب جامد و يطمن ان شاء الله
شكراا و يا رب اقدر اكون معاكوا و لو منفعش, انا ساكن في الهرم, يعني في طريقكم, تشرفوني طبعا...