هو صوت تزييق الفرامل بتاع الميجان طبيعي ؟
السلام عليكم
الفرامل عندي بحس انها بتزيق والميكانيكي فاللي هي الميجان كده هل ده صحيح انا شفت اكسنت كانت بتزيق كده برضو ... ده اول سؤال
السؤال التاني ... بسمع صوت صفاره مع الفرمله بس علي السرعات البطيئه بس او لو بتحرك وبقف و مش دايما لكن السرعات العاليه لأ ... انا لسا مغير تيل الفرامل الخلفي من شهر والامامي من حوالي 5 شهور ... فايه ممكن تكون المشكله و جزاكم الله خير يا وحوش
الف الف شكر علي تفاعلكم يا وحوش
اقتباس:
المشاركة الأصلية كتبت بواسطة human12
هيه كده
بس فرامل تلحقك -
و التيل احسبه بالكيلومتر مش بالشهور
هي الفرامل كويسه جدا بس التيل يادوب عامل 5000 كيلو
اقتباس:
المشاركة الأصلية كتبت بواسطة cementman
أولا تقصد ايه ب" الفرامل بتزيق"
ثانيا :
موضوع الصفارة على السرعة البطيئة سببه ممكن يكون : التيل نفسه خامته ناشفة
أو يكون فى حبيبات رمل صغيرة بين التيل و الطنبورة
جرب اغسل الطنابير و التيل
لو الصوت زى ما هو يبقى التيل خامته غير نقية
اقتباس:
المشاركة الأصلية كتبت بواسطة ahmed a.maksoud
متغسلش الطنابير و هى سخنة
ده غير أن المياه ممكن تكون سبب للصفارة أصلاً.
بس خلينا نشوف مشكلة التزييق دى الأول
بتحصل أمتى ؟
سؤال تانى هل دى أو عربية أوتوماتيك تسوقها ؟
انا سقت قبل كده مازدا 3 لقتره طويله في السعوديه بس مكانتش بتزيق كده و كان واحد صاحبي معاه اكسنت و كانت بتزيق ... التزييقه بتحصل لو بتدوس جامد فرامل و تسيب براحه تحس كده ان في خشونه و صوت تزييق
الصفاره بتحصل علي السرعات البطيئه بس يعني علي الغيار الاول تقريبا والتيل لسا يادوب عامل 5000
اقتباس:
المشاركة الأصلية كتبت بواسطة cdkareem
انا عندى نفس المشكلة فى الاكسنت وفعلاً الصوت بيطلع فى السرعات الهادية بس ، وروحت للمكيانكيى غسله وضبطة وبعد يومين رجع تانى مع ان التيل لسه جديد ، العربية اوتومتك 0
انا جربت اكسنت في السعوديه و كانت بتزيق مع انها كانت جديده
اقتباس:
المشاركة الأصلية كتبت بواسطة col. Eng. Khaled
تيل الفابريكة كان بيعمل معايا كدا (غاسل / مش غاسل العربية) ، بعد تغيير التيل بماركة (رمسا) الإسباني الصوت إختفى و الدوسة أنعم .
الفكره ان التيل ليا يا دوب 5000 .... ممكن يكون الراجل غشني فيه ؟
اقتباس:
المشاركة الأصلية كتبت بواسطة elshinawy80
انا عندى الصوت ده على السرعات الهادية رغم انها لسه جديدة و ماشية 100000كم
اقتباس:
المشاركة الأصلية كتبت بواسطة abasse
بس مش أنتى لسة مغير العفشة بيتهالى صعبة تكون من العفشة
لا ما اظنش عفشه ... دي ليا بتقول يا هادي
الف الف شكر يا جماعه علي ردودكم
عاش نايل موتورز عاش وحوش الميجان