ياعنى ياجماعه عشان واحد سقط فى امتحان الرخصه فجأه بقت البلد مش بتاعتنا واحنا عايشين فيها غلط ومش عارف ايه
اشمعنا البلد دى كانت بتاعتنا يوم ماتش مصر والجزائر
أشمعنا البلد دى كانت بتاعتنا يوم وفاه مروه الشربينى ألخ ألخ ألخ .....
مش معنا ان فى ظابط فاسد فجأه الحكومه والبلد والنظام بقو هما السبب
دى الدنيا لما بتمطر دلوقتى بقينا نقول ربنا ياخد الحكومه بقى تعود
طيب منسأل نفسنا احنا عمرنا مكنا مقصرين فى شغلنا
احنا عمرنا ماجينا على حد فى تعاملتنا اليوميه
ارجع واقول الظابط ده فيوم وليله كان عيل اصبح حد ليه لاذمه والناس بتقوله ياباشا وكده
غصبا عنه بيبقى مغرور
وفى نفس الوقت لان انا مره عندنا فى اسكندريه كنت ناسى الرخصه فى البيت وقفونى والظابط قالى هات الرخصه من البيت وتعالى
واستنونى مش معنا كده ساعتها ان الحكومه هايله واحسن اختراع فى التاريخ لأ برضه
انا اللى عايز اقوله ان البلد عندنا ماشيه بفكرنا احنا غلط طول اليوم برامج عماله تجيب شوارع متنيله بستين نيله والمذيعين عشان يتشهرو وبرامجهم تجيب اعلانات اكتر عمالين يشتمو فى الحكومه وعمرى ماشفت حد شكر مثلا فى اتفاقيه جديده او شارع اتسفلت او راح غطى كوبرى اتفتح او اى حاجه حلوه حصلت فى البلد
مش عارف انا الوحيد اللى شايف بلدنا دى جميله ولا انا اللى بقيت عبيط
يعنى مثلا مطار القاهره بعد التجديد بقى من احسن 20 مطار فى العالم محدش اتكلم فى الموضوع ده ليه
الزباله مش هاقعد ققول ان احنا اللى بنرميها والكلام ده ومستنيين الحكومه تشلهالنا طب ما لو كل بواب عماره او واحد اتطوع من العماره انه يكنس بس يوم كل شهر قدام بيته فى دقيقه واحده هاتبقى مصر كلها مافيهاش زباله من غير مصاريف ولا الحكومه تقعد تعمل لجان برئاسه مش عارف مين
فى نفس الوقت الشارع بتاعك هاينضف وهايشلولك مصاريف الزباله من على وصل النور كمان احنا عندنا اسكندريه اغلبها نضف بالطريقه دى كل واحد بدء بنفسه
انا فاكروالله مره كنت واقف على البحر مستنى ناس وواحد ومراته وابنه ماشيين جمب صندوق الزباله وراح ابنه رامى كيس الشيبسى فى الارض رحت انا رايح واخد الكيس وراميه قدامه فى الصندوق الراجل اتحرج من الحركه دى قوى وجه اعتذرلى وقولتله عادى
والكلام ده بيحصل بينى وبين صحابى كمان عمر محد رمى حاجه على الارض
اقولكو على فكره برضه احنا فى الاول كانت الشتيمه فى بقنا زى اللبانه وكان الموضوع ده مدايقنى بس الموضوع تعود برده
لحد ماقررنا ان لما نتقابل كل اللى هاينسى ويقول اى لفظ خارج هما اللى هايدفعوحساب المكان اللى احنا قاعدين فيه
والفكره دى جايبه نتيجه ملهاااااااااش حل
انا عارف انا انا طولت اوى بس بجد الموضوع دايقنى
وبعتذر لصاحب الموضوع على الاطاله
المفضلات