عرض للطباعة
السلام عليكم
انا عندي سيارة اتوماتيك2005 وفي مشكلة مشعارف ايه سببها
"عند تشغيل السيارة لاتستجيب فورا للكونتاكت وتفضل تزن حتى ابطلها واعيد التشغيل مره او مرتين –ذهبت للميكانيكي وعمل كشف كامل بالكمبيوتر وقالي السيارة سليمة تماما بس الشكمان(اكزوست) مسدود وعاوز تنضيف –علشان مسار الدخان مقفول –وبالفعل روحت نظفت الشكمان –بس ما زالت المشكلة موجوده مش عارف ايه الحل " يا ريت حد يساعدني
أكشف على توصيلات البطاريه والمارش أولا
شكرا م/ سمير على اهتمامك
انا بالفعل عملت تشيك كامل على السيارة وقالي ان الكهربا سليمة مفيش مشكلة-اظن في مشكلة تانية غير الكهربا
هى الزنه دى بتاعت طلمبه البنزين ولا زنه وانت بتدور؟؟؟ لو زنه طلمبه البنزين يبقى ممكن العيب من طبله الكونتاكت
مفيش زنة- ده صوت تدوير السيارة الطبيعي -ولمبة الزيت ما فيها مشكلة-سؤالي هو في اي عربيه تانيه بمجرد فتح الكونتاكت تدور السياره -عندي تاخد اكتر من 5 ثواني على ما تدور وممكن ما تدور وافصل وارجع اكرر تاني -مع العلم ان البطاريه جديده تماما -لاني شكيت ان البطاريه ضعيفة -اشتريت وحدة جديده
ممكن سكة البنزين مكتومة شوية سواء حقن او كربيراتير
"بيكات مسدودة جزئيا-إبر حقن مكتومة جزئيا-فلتر بنزين متسخ-طلمبة بنزين ضغطها ضعيف-خراطيم البنزين بتسرب هواء-جوانات الكربيراتيربتسرب هواء وتحتاج استبدال-الكربيراتير مش مربوط جامد في القاعدة-قاعدة الكربيراتير مطاطية وعمرها انتهي وتحتاج الاستبدال بأخري مصنوعة من التوتيا او الألومنيوم"
كل ده يعمل الأعراض اللى عندك
ممكن تبقي بطارية علي فكرة
و بعدين احنا في الشتا خد بالك، العربيات بتبقي مقرفة شوية في حكاية التدوير و تحديدا الصبح
متقلقش يعني دة طبيعي جدا
ممكن يكون فلتر البنزين متوسخ جامد وعامل سدد جزئي لمجرى البنزين بيخلي البنزين يتأخر على مايوصل للإنجكشن
جرب تفك فلتر البنزين وتشوف حالتة إيه لو محتاج تنظيف أو تغيير
ولو الفلتر تمام ممكن تكون الطرمبة نفسها ضعيفة شوية هو المفروض أصلا إنك لما بتفتح الكوناكت بتستنى حوالي 2 إلى 3 ثواني لو في مكان هادي هتسمع صوت الطرمبة بتشتغل لحد ما تحضر البنزين ويوصل للرشاشات وبعدين الصوت يسكت وبعد كدة تدور
لو أنت فعلا بتستنى لحد ما الطرمبة تخلص وبعد كدة بتدور الموتور وبردة بيغيب على مايشتغل يبقى ممكن تكون الرشاشات بتسيل وعايزة تتغير
ممكن تبقى الطرمبة ضعيفة حتى لو بتسمع صوتها مع تشغيل الكونتاكت مش بتقدر توصل البنزين الكافى للعربية فى اكتر وقت بتكون العربية محتاجة لكمية بنزين عالية عن اى وقت تانى وهية فترة الصباح او لما بتكون العربية باردة تماما لفترة طويلة
طيب بعد كدة لما العربية بتسخن معاك وبتبقى كويسة ومثلا بطلتها لمدة ساعة وجيت تانى تدورها هل بتعمل كدة بردة ؟
والله أعلم المارش
انا حصلي الموضوع ده قبل كده في الدايووو.
فكيت المارش واتنضف عند الكهربائي..وكان محتاج يروح المخرطه ( مش عارف ليه )
الموضوع مخدش ساعه
وكانت المشكله اتحلت
ترس المارش عندك عايز يتغير يا باشا من الاخر
كان عندى نفس المشكله وطلع ترس المارش
يعنى الكهربائى هيفك المارش ويغير الترس ومتقلقش مش موضوع يعنى