احييك علي سردك للموضوع دة
احييك علي سردك للموضوع دة
انا شفت الموضوع دة اما نزل فى موقع أخر
وبصراحة معرفش دة شكلة بيكرة البرافو مووووووووووت
معرفش لية هو متحامل اوى اوى كدة عليها
وبعدين سبحان اللة اول لما الموضوع نزل المنتدى هنا
الاعضاء كرهو البرافو
اية ياجماعة انتو هتصدقو واحد و تكدبو مية
لية كدة
البرافو عربية محترمة من زماااااااان
والى مش متاكد يروح يشوف العربية بنفسة
مش يسمع كلام واحد زى دة
أسلوب شيق وممتع فى السرد وتتابع الأحداث
انا اتفق مع صاحب الموضوع فى أن قرار شراء سيارة بالمبلغ ده ليس بالهين بتاتا
وفعلا ما تستاهلش 150 الف ج ليه يعنى؟ ده فى الاول والاخر فيات مع احترامى للماركة العريقة !!!
أنا لو مكانه أجيب سكودا أوكتافيا أحسن ولا رينو ميجان ولا حتى سوبارو اللى الناس مطلعة فيها القطط الفاطسة عن البرافو دى
فعلا برافو إنه رجع فى قرار الشراء
إنت جربت تشوق الفيات الجديدة قبل كده لإنك لو سقتها مش هتقول في الأخر دي فيات
فيات المالك للفراري والألفا روميو والانشيا :khd:
شوف بره بيقولوا عليها إيه وبتقطع عربيات عاملة إزاي على الطريق (أنا طلعت باللينيا من السيفيك والجولف ال١٦٠٠ والa3 و......والقائمة طويلة)
الجولف الجديدة استهبال مش بس غالية 250 الف لية يعني ؟ مركب مرسيدس و تغور الجولف يعني اصل اللي يدفع 250 يدفع 290 و يجيب السي كلاس الجديدة و أنا اقول هي قاعدة لية و مش بشوفها في الشوارع
الأودي إية 3 تجيب العربية غالية و تيجي تبيع متسواش بسبب قطع غيارها و صيانتها المكلفة و تشترك معاها الفولفو سي 30 اللي في رأيي من أحلي العربيات الهاتشباك في السوق بس محدش بيسمع عنها خالص للأسف
العربية اللي فعلا حلوة جدا بس ملهاش حظ السوبارو الأمبريزا ، فظييييييييييعة و معلش الهاتشباك بتاعتها تضرب الجولف علي عينها بس للأسف حتقع في نفس المشكلة بتاعت اشتري غالي و يتخسف بيها الأرض لما تيجي تبيع
يافندم والله عارف اللى سعادتك تقصده وزود عليهم كمان مازيراتى وكرايسلر الامريكية مؤخرا بعد افلاسها
انا مش غبى للدرجة اللى تخلينى واقف عند العربيات اللى اولها واحد من الشمال بتاعت زمان
احنا بنتكلم فى مصر مش برة فى اوروبا ولا حتى من المحيط للخليج
وفى الاول والآخر احنا ما بنشتريش عربية سباق لا مؤاخذة يعنى
لا شوارع تنفع فى بلدك وحتى لو نفعت يبقى الأضرار حدث ولا حرج
أنا غرضى ان سعر العربية وامكانياتها وتوكيلها الضعيف فى مصر وسعر إعادة البيع وكوالتى خامات التقفيل وغيره من الملاحظات
كل دى نقاط ضعف وليس عيب لا سمح الله فى اسم فيات ولا كفاءتها العالمية
وتخلى أى حد يفكر أكتر من مرة قبل الإقدام على شراء سيارة فى مصر بهذا السعر
وعلى فكرة انا ركبت البونتو كلاسيك الجديدة وعربية كويسة ما شاء الله وبرضه اللينيا زى ما كتير اشتروها وركبوها فى المنتدى
أنا شايفها صفقة رابحة وسعرها معقول ومنافس بالنسبة للمنافسين فى السوق بس لنوعية معينة فقط من هواة عدم التغيير كل سنتين ولا ثلاثة
إنما أنا بأسجل اعتراضى على سعر البرافو المبالغ فيه مع احترامى
ومع ملاحظات صاحب الموضوع فى محلها
والعملية فى الاول والآخر اقتناع ورأى شخصى وليس فرض رأى على الآخرين فحسب
وشكرا ...
أنا بصراحة إحترمت رأيك بس أنا شايف إنها مش غاليه للدرجة دي
أما موضوع إننا مش بنجيب العربية عشان السباقات أنا معاك بس في نفس الوقت إستهلاك موتور الفيات الt-jet ممتاز داخل البلد وعلى الطرق السريعة
أما الخامات أنا حاسس إنه متحامل عليها قوي خمات العربية جيدة مش رديئة بالطريقة دي وهو نسي إن الي في المعرض بتبقى متبهدلة
وبصراحة عندك حق في إن التوكيل مش قد إسم فيات حاليا ويارب الوضع يتحسن
وقطع الغيار في كل العربيات الي قلتها ناااااار
والفيات في مصر صفقة رابحة للناس الي مبتحبش تغير عربيتها كل شويه
وأنا عمري ما أكون قصدت أقول إنكبسس للأسف في مصر فيه ناس كتير حريفة عربيات ويقولك فيات بتعطل على الكبري!!!! والي يقولك جيب ياريس أحسن من اللينيا التربو (مش عارف إزاي) على الأقل يباني مش عارف الناس نسيت إن الفيات إيطالي ليه!اقتباس:
انا مش غبى للدرجة اللى تخلينى واقف عند العربيات اللى اولها واحد من الشمال بتاعت زمان
معلش إعذرني بس أنا كلامي كلة (جي من إني عاشق للفيات حدى الي أولها واحد على الشمال معايا١٢٨ جمب اللينيا)
وأسف لو كلامي دايق حضرتك في أي حاجة
وياريت لو نزلت في مره تعدي وتبص على البرافو عشان تعرف إن كلامة عن العربية مبالغ فيه (وإن كان معاه حق في بعض الحاجات) وكمان كل الكلام الي قالة مبيعبش العربيه في موتور أو عفشة كله كلام عن النور(الي أنا شايف إنه ظالم ليه جدا أنا اللينيا معايا نرها جيد جدا) وحكايه البكرة عنده حق فيها بصراحة(ودايقتني أنا شخصيا)
يا باشا .. ولا يهمك خالص
سوء تفاهم بسيط وراح لحاله خلاص
وشكرا ليك ولتعصبك للعربية اللى بتحبها
أنا بأحترم ده جداااااااااااااا
لكن دون فرض رأى على أحد أيا كان من كان
لأنه فى الأول والأخر كلنا اخوات فى المنتدى الرائع ده
واختلاف الرأى لا يفسد للود قضية
وأنا فعلا شوفت البرافو أول ما نزلت ولما قعدت جواها فكرت انى قاعد جوة الفاروميو 147 (على فكرة هما الاتنين يعتبروا حاجة واحدة وشركاء فى حاجات كتييييييييييييرة)
والموتور التربو حكاية وثورة تقنية فى عالم السيارات المتوسطة والصغيرة .. معاك حق فعلا
لكن سوق بلدنا بيفرض علينا ركوب نوعية من العربيات محدودة خوفا من الغد والقوانين وسعر اعادة البيع
وعلى فكرة صدق من قال: "البائع دائما خسران"
والعملية مش فلوس وخلاص
فعلا شراء العربية دى زى الجواز بالضبط
ولما تبيع كأنك ..... وبتهون عليك العشرة
الا إذا كانت مطلعة عينيك وقرفت منها ومش طايق حد يجيب اسمها قدامك :dzey: