عرض للطباعة
اصدقائي الأعزاء
احد زملائي بالعمل عرض علي شراء سيارته والمواصفات كالاتي
دايهاتسو - تيريوس 1300 سى سى موديل 2000
العداد 111000 كم
اللون ابيض - مرايات كهربا - زجاج كهرباء امامي - تكييف - كاسيت
دواخل فبريقة والجوانب والكابوت والاكسدام الامامي تم رشها نتيجة حادث من فترة ترك شرح في علبة الفانوي الامامي
المطلوب مبدئيا ابداء الراي في السيارة وتسعيرها
ثانيا النصيحة بخصوص قطع الغيار لاني متخوف من ارتفاع تكلفتها للديهاتسو
تقبلوا تحياتي
الصراحه منصحكش بالعربيه
عربيخ مش ثابته خاالص و سةاقتها خطر و هتجبها بحوالى 50000 جنيه كتير اوى عليها بس ده سعرها و فى حاجات بى 50000 جنيه جامده اوى ممكن سيفيك 1993 عربيه جامده اووى و كمان التيريوس موتور 1300 و تعبان اوى و خطر الجرى بيها
بلاش العربية دي وكفاية انها 1300 سي سي وكمان تقدرتجيب حاجة احسن من كدة بكتير بي 50000
ممكن تجيب لانسر 2003 اوهوندا
لانسر 2003 بــ 50 الفاقتباس:
المشاركة الأصلية كتبت بواسطة felix
ده الكريستاه النضيفه تعمل السعر ده
انا متابع سعر السوق - مش بانتظام - وشوفت لانسر مكوه كتير
سعرها مش بيقل عن الـ 60
اللانسر ماسكه سعرها..وخصوصا لما سعر الين الياباني غلي قدام الدولار
وانا شفت عربيات كتير اتباعت قدامي واول مره اسمه الــ 50 الف دي
المهم
لصاحب الموضوع
بلاش العربيه دي
وبسعرها ..ممكن تجيب عربيه أحسن منها
ممكن تجيب كريستاله كامله ( سبويلر - فاتحه سقف - باور - نكييف - سنتر- زجاج كهربا )
او ممكن هوندا سيفيك بأقل من مبلغ الـ 50 الف ده
وانت ماقولتش هيا مخبوطه من قدام ومن الجنب..طيب رشة الحوض ولا لأ
انا شايف -والله اعلم - بلاش أحسن
فعلا يا احمد.....ازاي لانسر 2003؟.يمكن فيلكس كتبها بالغلط
وفعلا في حاجات تانية احسن .الا لو انت عايز دايهاتسو؟؟؟
العربية دى كويسة للاستخدام داخل المدينة لان موتورها موفر و كمان فيها ميزة الارتفاع عن الارض لو هتمشى فى حتت فيها مطبات كتير..... لكن بسبب قاعدة عجلاتها الصغيرة ففى السرعات العالية و الملفات لا تكون ثابتة بسبب ارتفاعها عن الارض.....
برضه ممكن تعمل جولة فى قسم الدايهاتسو اللى فيه مواضيع كتير بتتكلم عن التيريوس القديمة....
الاخ الكريم صحب الموضوع والدى معاه تيريوس 2000
جابها ب 52 فبريكا بره وجوه
المهم انها لو لحد عايز يجري فبلااااااااااااااااش خااااالص
لكن لو لواحد مش هيجري كويسة لانها موفرة ف البنزين بالاضافة لانها عربية عاليه وممكن تمشيفيها ف حتت مكسرة
ولكن.................
قطع الغيار غالية شوية
ولكنها معمرة
انا بسال على قطع الغيار
لانها ما شاء الله من ساعة ماجبها ف 2007
ومغيرلهاش حاجة الا فلاتر وزيت
السادة الافاضل الاعضاء والاصدقاء
انا شاكر جدا علي الاهامام والردود المفيدة
وبالتالي اسمحولي نتتاقش
استاذ modiabbas هو السعر المطلوب قي العربية 40 الف وده سعر مغري طبقا لكلام صاحبها وانا فضلت مكتبش السعر علشان اسيب فرصة لتقييم عادل من خلال الاعضاء واكتر حاجة مخوفاني هي اسعار قطع الغيار واعتقد ان المشكلة دي هي هي في الهوندااقتباس:
المشاركة الأصلية كتبت بواسطة modiabbas
اتمني اني اسمع راي حضرتك!
اقتباس:
المشاركة الأصلية كتبت بواسطة felix
هي مش راشة اي دواخلاقتباس:
المشاركة الأصلية كتبت بواسطة A7MED_PHARMA
فهل بعد المعطيات دي تبقي كويسة ولا لا كحالة وسعر؟
في الحقيقة مش بالضرورة ديهاتسواقتباس:
المشاركة الأصلية كتبت بواسطة Karim_Mohy
كلام سيادتك مضبوط 100%اقتباس:
المشاركة الأصلية كتبت بواسطة mahora
للاسف مفيش الكم الكافياقتباس:
المشاركة الأصلية كتبت بواسطة mahora
اشكرك علي النصيحةاقتباس:
المشاركة الأصلية كتبت بواسطة momo100010
وعموما انا مش من هواة الجري لكن الثبات مهم طبعاً
خلي بالك ان العربيه دي فيها اوبشن انك تمشي مقلوب!!
ربنا يسترها معاك بلاش دي وشوف حاجه تانيه لان العربيه دي بتعوم على ملفات عبيطه جداً وممكن تبقى ماشي في طريق على 90 مثلاً وتعدي جنبك عربيه بسرعه تحس انها اتحركت للجنب!!
استاذى الفاضل اياك وهذة العربية انا كان معى هذة العربية فهى عربية سيئة جدااا من ناحية الثبات فهى فاشلة جدا وكمان الصالون صغير جدا وارتفاعها غير طبيعى اما بخصوص صيانتها وقطع غيارها مؤلكش عذاب اربة زيت الفتيس دوخت عليها حتى لما جبتها مستعملة من الحرفيين ب كام 700 جنية وكمان التاجر بتاعها بيتنك عليك عشان حاجتها قليلة جدا - وعلى فكرة انا كنت شاريها من حوالى 5 شهور ب 40 الف من سوق السيارات يعنى مش لقطة و اياك والاوتوماتيك بتاعها بلالالالالالالاش ودى نصيحة لوجة اللة
ابعد عن التيريوس عربية فاشلة ومش راكزة على الطريق وبتتقلب على الطرق السريعة
بص يا جميل
انت هتجيب عربيه ..يعني هتدفع فلوس..فلوس
يعني تشوف أحسن خياراتك إيه
وبلاش العربيه دي ..
ولو 40000 الف ..
أنا ممكن أرشحلك شويه حاجات كده
دايو لانوس ...عربيه هايله هايله .
تجيب لانسر كريستاله ..من غير اوبشن خالص ..ودي برضوو عربيه حلوه جدا
ممكن تجيب سيفيك 92 بحاله نضيفه
وماتفتكرش ..أو ييجي في بالك ان في عربيه لقطه..نادر أوي لما تالاقي حاجه زي كده
هوا موجود ...بس نادر
المهم
أنا برشحلك الدايو كأختيار أول
أنا كان عندي لانوس 99 ..والله ماقصرت معايا نهائي طول مده 4 سنين قعدتهم معايا.
وربنا يوفقك للأحسن
.
فعلا يابااشا ابعد عن العربية دي خالص لاني والله بتعقد منها اوي لما اشوفها
لانها كنت سبب في حادثه لصديق ليا وربنا يكفينا شر الطريق
ابعد عن العربيه دي عن تجربه مع واحده 99