السلام عليكم ورحمة الله وبركاته
ياجماعه انا اشتريت جولف 1 الحمد لله
بس فيها شوية حاجات ناقصه كده - عايز اشترى الاتى
1- فوانيس اماميه جولف 2
2- فوجات جولف 2
3- إشارات اماميه جولف 2
أجابه 1 و2 و3 هتدور فى الحرفيين
4- الهاند بريك شكلها عار .. عريانه .. حاسس كانى سايق وجمبى سنجه عايز يإما كونسول حواليها فيبر او اى حاجه عشان المنظر ده
بردو هتدور فى الحرفيين وهتاخد بتاعت جولف 2 بردو
5- هى فيها تابلوه جولف 2 .. بس صباح العار فيه ساعه وعداد كيلو متر .. عايز اشيل الساعه واركب rbm مكانها
هتشترى عداد جولف 2 وتشوف كهربائى محترم يوصلهولك عشان لو مفيش ضفيره خاصه بالأربى ام يعملهالك
6- عداد الكيلو متر مش شغال .. عايز واير تقريبا
يأما واير يأما ترس وياترى المكنه جولف 2 بردو ولا 1 يارب تكون 2 عشان ما تدوخش وتلاقى حاجتك
7- عايز اركب ماكينه إزاز كهرباء
ياريت اعرف الكلام ده اعمله فين وهيتكلف كام
وكمان ياريت سعر كل حاجه
أكثر حد ممكن يفيدك فى نوع المكنه بتوع قطع الغيار الأستيراد هيقولولك أذا كانت بتاعت الجولف 2 تركب ولا لأ
ولو ينفع تركب يبقى هاتها بضفيرتها بزرايرها الأسعار للأسف مش هقدر أفيدك لأنى ما تعملتش فيها قبل كدا
مبروك وربنا يوفقك ويباركلك فيها
المفضلات