سؤال مستعجل لأيمن باشا عن الساجا

السلام عليكم المهندس أيمن وكل الناس المحترمه في منتدى بروتون

امبارح رحت على معرض عز العرب في العجوزه وشفت الساجا كان في عربيه واحده اوتوماتيك بصراحه حاجه تشرح القلب اقتنعت بيها على طول من اول نظره بصيت على خامات الطبلوه والدركسيون وبخبرتي المتواضعه اقدر اقول انها افضل من البيرسونا والجين 2 بالنسبه للنقطه دي ودلوقت انا قررت حجز الساجا لكن عندي سؤالين مهمين:
1 - هل في الساجا فعلا مشكله في نعومة الباور ستيرينج زي ما الناس قالوا
2 - هل يوجد امكانيه للحصول على خصم في الساجا زي البيرسونا ولا صعب وازاي اقدر اقابل المهندس ايمن يعني ممكن اجيلك على التوكيل على مصر اسكندريه الصحراوي واتوكل على الله واشتري الساجا ولا اضغط على نفسي شويه واشتري برسونا

انا متشكر ليك جدا محتاج ترد عليا لاني عايز احجزها سريعا هذا الاسبوع

اقتباس:

---

خامات الطبلوه والدركسيون وبخبرتي المتواضعه اقدر اقول انها افضل من البيرسونا والجين

---

:N_no[1]::N_no[1]:

اقتباس:

---

المشاركة الأصلية كتبت بواسطة eslam_wega

:n_no[1]::n_no[1]:

---

ليه ؟؟
تروح معايا يوم الخميس التوكيل نتفرج عليها ؟
أنا أقتنعت بيها العربيه ديه وغصب عنك هخليك تقتنع .:44:

انا عايز الناس الي هاتروح تتفرج على الساجا تقارن دركسيونها بدركسيون البيرسونا او الجين وتقول رايها بامانه الخامات اتحسنت كتيير فعلا

الخامات بتاعة الساجا زيها زي الافيو مثلا ويمكن تكون قريبه من الفيرنا او زيها مش قادر احدد لاني بقالي كتير مركبتش فيرنا
موضوع الدركسيون ده اكيد الناس اللي معاها العربيه هي اللي تقدر تحكم وبس
مش حد تاني

اقتباس:

---

المشاركة الأصلية كتبت بواسطة ahmed_h_g

ليه ؟؟
تروح معايا يوم الخميس التوكيل نتفرج عليها ؟
أنا أقتنعت بيها العربيه ديه وغصب عنك هخليك تقتنع .:44:

---

اوك يوم الخميس ونتقابل بردوا عند السندباد ان شاء الله

اقتباس:

---

المشاركة الأصلية كتبت بواسطة musiccairo

الخامات بتاعة الساجا زيها زي الافيو مثلا ويمكن تكون قريبه من الفيرنا او زيها مش قادر احدد لاني بقالي كتير مركبتش فيرنا

---

الكلام ده صح 100%.... أنا حاجز واحدة ساجا و عارف كويس قوي شكل تابلوه الأفيو و الفيرنا ... الساجا شبه الأفيو بنسبة كبيره

ده تابلوه الأفيو
http://l.yimg.com/dv/izp/chevrolet_a..._dashboard.jpg


وده تابلوه الساجا
http://img51.imageshack.us/img51/8851/protonsagase3.jpg
http://star-motoring.com/archives/20...terior%201.jpg
http://l.yimg.com/g/images/spaceball.gif
http://carphotos.cardomain.com/ride_...0028_large.jpg
http://star-motoring.com/archives/20...ior%20side.jpg
http://star-motoring.com/archives/20...%20console.jpg
http://terato.com/cars/blog/proton/2...lminterior.jpg
http://paultan.org/photo/albums/Prot...saga-ev-18.JPG

اقتباس:

---

المشاركة الأصلية كتبت بواسطة musiccairo

موضوع الدركسيون ده اكيد الناس اللي معاها العربيه هي اللي تقدر تحكم وبس
مش حد تاني

---

بالنسبة لموضوع الباور بتاع الدركسيون ده .... أنا عملتلها Test Drive في التوكيل لما روحت حجزتها لقيت إن الباور بتاع الساجا زي الباور بتاع الجين2 بالضبط ( أنا معايا جين2 موديل 2006) .... وكلنا طبعا عارفين إن الباور بتاع الجين تقيل شوية ( يعني مش سايب زي اللانوس كده ( أنا معايا لانوس برضو ).....) وطبعا التقل ده هو اللي بيخلي العربية ثابتة على السرعات العالية )

ياريت يكون فيه موضوع مثبت عن الساجا أسوة ببقية عائلة بروتون.