صور لطريقة حفر شارعنا في الرياض !!

**human** · 15-12-2009 10:55 AM

سفلتوا الشارع من سنه
و بعدين بكام شهر كسروا عشان الغاز
ز باظ الشارع
و بعدين كسروا عشان كهربا
و بعدين كسروا تانى كهربا
و الشارع لما كان مش متسفلت كان ارحم
و مش عارفين يعدلوا البلاعه فالشارع بقى متاكل منه البلاعه و تعتبرها اذى فى الطريق و تتجنبها
و ممكن تسمع الساعه 3 الفجر واحد لبس فيها و جابتله الزيت و عمال يشتم و يقول ام ---- و ام ---- و ميتين ----- تيييت تيييت

لنا الله

هانت-- كلها كام شهر و يموت

**Ashraf_Ashraf** · 15-12-2009 11:06 AM

والله انت بتهرج ايش جاب السعوديه المتخلفه لينا امال العمال اللى هيكسروا وناتج التكسير اللى هيترمى فى الشوارع والحفر والمطبات اللى هتحصل نتيجه الحفر ولما بعد كام شهر يفكروا يرصفوا مطرح الحفر تطلع مطبات جديده من الاسفلت
بقى عاوزنا نخسر كل ده ونلاقى حد بيفهم وشوارعنا تبقى نظيف ومظبوطه علشان نبقى زيهم الله يسامحك
بجد الله يسامحك قلبت علينا المواجع

**zanativich** · 15-12-2009 11:21 AM

فعلا انت جبت من الاخر هما وصلونا الى هذا المستو ى
ان العادى هو وساخة الشوارع
هما , ضمير عائد على اعضاء مجاس ادارة مصر

**emadkamel** · 15-12-2009 12:46 PM

الله يسامحك ... احنا ناقصين تعقيد

**N.a.j.d** · 15-12-2009 12:53 PM

ايه الطريقه دي اول مره اشوفها

**kareemhisham** · 15-12-2009 01:02 PM

دة انا كان لازم اصورلك بقا لما كانوا بيحفروا فى المعادى عندنا هنا ..

احب اقولك على حاجة الاول و هى ان احنا اتفقنا مع بتوع الجاز من حاجة بتاعت سنتين .. و اعدنا فترة مشفناش منهم حاجة .. ولا حفر و لا اى حاجة ..

و بعديها بشوية جيه مستشار كدة و قرر انه يعيش فى شارع اللاسلكى العمودى على شارع النصر .. و تانى يوم جيه .. الركن و الانتظار بقة ممنوع فى شارع النصر و شارع اللاسلكى :) .. و مفيش بعديها باسبوعين بدأت اعمال الحفر بكل همة و نشاط ..

و بعد الانتهاء من الحفر .. نلاقى ايه بقااااااا ..

الاسفلت محطوط فوق مكان الحفر كأنهم كانوا قاعدين على البحر و بيلعبوا بالرملة هههههههههههههه .. و نلاقى مطب بطول الشارع كدة على الجنب ههههههههههههههههه ..

و لكن طبعا الحتة التحت بيت المستشار متمهدة تمهيد .. تقولش جابوا فريق متخصص من اوروبا عشان برصفوا الحتة دى :)

**MoToRiZeR** · 15-12-2009 01:08 PM

المشاركة الأصلية كتبت بواسطة kareemhisham

دة انا كان لازم اصورلك بقا لما كانوا بيحفروا فى المعادى عندنا هنا ..

احب اقولك على حاجة الاول و هى ان احنا اتفقنا مع بتوع الجاز من حاجة بتاعت سنتين .. و اعدنا فترة مشفناش منهم حاجة .. ولا حفر و لا اى حاجة ..

و بعديها بشوية جيه مستشار كدة و قرر انه يعيش فى شارع اللاسلكى العمودى على شارع النصر .. و تانى يوم جيه .. الركن و الانتظار بقة ممنوع فى شارع النصر و شارع اللاسلكى :) .. و مفيش بعديها باسبوعين بدأت اعمال الحفر بكل همة و نشاط ..

و بعد الانتهاء من الحفر .. نلاقى ايه بقااااااا ..

الاسفلت محطوط فوق مكان الحفر كأنهم كانوا قاعدين على البحر و بيلعبوا بالرملة هههههههههههههه .. و نلاقى مطب بطول الشارع كدة على الجنب ههههههههههههههههه ..

و لكن طبعا الحتة التحت بيت المستشار متمهدة تمهيد .. تقولش جابوا فريق متخصص من اوروبا عشان برصفوا الحتة دى :)

و ده لأننا دولة أشخاص و ماشية بال trs !
ده نظام مصري معروف زي ال gps كدة

مش مهم منطقة كاملة تولع بس المهم سعادته يبقي مبسوط.
لأنه من ساعة ما بيوصل للكرسي بتبقي دي مهمته .. يبقي مبسوط و يبسط اللي أعلي منه عشان يسيبوه مبسوط .. و كل اللي عالكراسي مبسوطين.

**osamaos20022** · 15-12-2009 01:09 PM

حسب ما انا فاكر من 15 سنه كنت في احد دول اوروبا الرصف عباره عن طبقه من الخرسانه تعلوها الاسفلت والقطع يتم بعد التحديد الدقيق

**mirage8582** · 15-12-2009 01:15 PM

يا ريت تيجى على الاسفلت وبس انما ده كل حاجة خربانه
وسمعنى الدنيا خربانة ....ياعم خربانة

**ashraf229** · 15-12-2009 02:05 PM

المشاركة الأصلية كتبت بواسطة mirage8582

يا ريت تيجى على الاسفلت وبس انما ده كل حاجة خربانه
وسمعنى الدنيا خربانة ....ياعم خربانة

من عينينا بس انته تغني و احنا معاك......

المشاركة الأصلية كتبت بواسطة emadkamel

الله يسامحك ... احنا ناقصين تعقيد

والله ما أقصد يا بيه و بعدين تعقيد ليه طالما الحاجة ما عمرها هتكون عندك ولا في بلدك خلاص انساها و ازهد فيها وخلاص

المشاركة الأصلية كتبت بواسطة zanativich

فعلا انت جبت من الاخر هما وصلونا الى هذا المستو ى
ان العادى هو وساخة الشوارع
هما , ضمير عائد على اعضاء مجاس ادارة مصر

لأ هما تعود على كل موظف مرتشي و قليل الضمير و معدوم الأخلاق هوه و مديره و اللي أعلى منهم جميعا لأن الوزير أو المسؤول الفاسد مش بييجي لحد عندك يطلب منك ترمي كيس الزبالة في الشارع أو بيأمر الشعب انه يتبول عالأسوار و يقطع الزرع و يملى سور جامعة القاهرة أعلانات و ملصقات و يكسر الشارة و يسب بالأم و الأب ليل مع نهار و يديها كلاكسات من غير داعي و غيره كتير جدا...هما متخاذلين و فاسدين ما اختلفناش لكن سلوك الكثيرين مننا برضه بقى عدواني و مخرب و غير حضاري......الخلاصة كلانا مخطيء....

المشاركة الأصلية كتبت بواسطة egytamer

تعتقد لية الفرق دة بنا وبينهم فرق المستوي المادي ولا العلمي ولا الضمير

الفرق في المناخ ككل..فيه سيادة للقانون و تعود عالنظام و ثقافة مختلفة بدليل ان فه ناس كتير عايشة في الخليج أو أوروبا بيئى هيموت عايز ينزل مصر أجازة علشان ((يبرطع)) و يعمل ما بداله و يفك شوية من خنقة القانون و المخالفات و النظام.....للأسف احنا خدنا على الوحاشة في كل حاجة انشالله نتاجر بلحم بعض لو فيها مصلحة

المشاركة الأصلية كتبت بواسطة gomangy

انا يا باشا ملاحظ ان ده مش اسفلت وبعدين الدقه دي يبقي من الصبه الخرسانه اللي هما عملنها
لانها متجيش كده اصلا مهما كانت الدقه
لو ركزتو كده هتلاقو ان ده اسمنت خرسانه مش اسفلت
ولا ده هو الاسفلت بتاعهم هناك في المملكه

عيب يا بشمهندس ..........هأغشك يعني...ده احنا لسه بنقول يا فتاح يا عليم في الموضوع و لسه الصور ما بردتش...عالعموم هأصورهالك تاني من زاوية تانية بكرة ان شاء الله......
ومش معقول برضه ان شوارع المملكة الممتدة بعشرات أو ألاف الكيلومترات هتكون (خرسانة) ده الطرق بالألافات هنا عادي يعني من الرياض لجدة 1200 كلم و من الرياض لجيزان عند حدود اليمن حوالي 1600 كلم و هكذا.....الدمام والقصيم مثلا تعتبر قريبة جدا للرياض لأنهم بتاع 400 كلم بس!!!

عالعموم هأصورهالك من زاوية تانية و بعدين الحفر ده بالدقاق (الدريل) العادي ده ......بس بس بهدوء و احتراف

الموضوع: صور لطريقة حفر شارعنا في الرياض !!

LinkBack

أدوات الموضوع

عرض

-

-

-

-

-

-

-

-

المواضيع المتشابهه

Audi r8 في شارعنا !!!!!

مشكلة في شارعنا ومش عارفة اتصرف ازاي

أشتريت عداد rpm ومحتاج لطريقة تركيبه

شرح وافى جدا لطريقة عمل الفتيسcvtوالهيدروماتك

الكلمات الدلالية لهذا الموضوع

المفضلات

المفضلات

ضوابط المشاركة