هأأو ابقى قابلني لو شفتها في الشارع, الصيني بقى اسبيرانزا و بيض اقصد بي واي دي وبريليانس
هأأو ابقى قابلني لو شفتها في الشارع, الصيني بقى اسبيرانزا و بيض اقصد بي واي دي وبريليانس
دى نفس التصميم بالضبط شوية شوية هيضربو البى ام
ما يمكن تتطلع عربيه حلوه
شكراً على الخبر و على الصور
في فعلاً عربيه دفع رباعي صيني فوانيسها شبه الx5 والشركه رفعت عليهم قضيه وخسرو والعربيه بتتصدر لاوروبا كمان ويا ريتهم عرفو يقلدوها
http://www.bmwblog.com/wp-......./up...se_bmw_580.jpg
دا غير العربيه اللي علامتها نجمه المنسوخه نسخ رديئ من الليكزس rx
ولا اللاند روك (صخرة الارض) المنسوخه من تويوتا برادو
علي فكره العربيه فعلا اعتماديه و عمليه جدا ودا كلام مش علي شان انا شغال في معرض سيارات لا بجد احنا موزعين لعز العرب في جريت ووال وفعلا العربيه عجبه ناس كتير و ثبته نفسها في السوق ودي دعوه مني لكل زوار نايل موتورز لمشاهدة جريت ووال فلوريد و كول بير علي الطبيعه وشوفوها و قولو رئيوكو و انا متاكد انكو هتحجزوها وانتو ماشيين مع الشكر
طب انا ممعيش فلوس. ححجزها ازاي؟ العربيات اللي زي دي ليها زبونها. و فعلا السوق بقت مشبعه و الازمه الاقتصاديه و ازمة السيارات و طبيعة السوق المصري متسمحش للسيارات دي. هنا اللي بيشتري جديد عاوز عربيه تقعد معاه 10 سنين زي الفل وز لما يبيعها يكسب فيها اكتر من ما اشتراها زيرو. هل العربيات دي بتحقق المعادله دي؟ على عكس الاسواق العالميه بيشتري سياره يعني لو عملت معاه 5 سنين يبقى عملت بتمنها و يرميها في الزباله او يبيعها لشاب مثلا عاوز يتعلم عليها, في حالتهم هما بيبصوا لمعاملات الامن و السلامه في المدى القصير
:36_1_37[1]:
طيب ليه الشتيمة يعنى إدارة المنتدى شغالة على الأدب و الأخلاق و البطيخ و الناس شغالة شتيمة بمنتهى راحة الضمير فقط لأنهم أصحاب أصحاب المنتدى , المنتدى بتاعنا فنشتم فيه براحتنا ما هو إحنا الكل فى الكل هنا و الكبار و وداعا للمبادئ و التحضر و الرقى فى الحوار و عجبى
لعلمك العربية اللى مش عجباك دية انا حاجز الأوتوماتيك منها فى شهر يونيو القادم إن شاء الله لأنها عربية محترمة - و أحسن من الأوروبى اللى بندفع فيه 10 أضعاف تمنه الحقيقى و متخيلين ان الغالى تمنه فيه - و حاصلة على خمس جوائز فى استفتاء أفضل سيارة صينية الصنع فى الصين أجراه التلفزيزن الوطنى الصينى , اللى بينقل أخبار الصين لمليار و نص بنى آدم بالإضافة لمليارين من متابعى البرامج الصينية حول العالم.
فياريت قبل الكلام العشوائى نتأكد من مصادرنا و نراعى الأدب فى الحوار.
الكلام مش عشوائي ولا اي حاجة وانا لم اذم في السيارة , ياريت تقرا كويس ..
السيارة اسمها ؟؟
coolbear
ال bear ده عبارة عن ايه حضرتك ؟
عبارة عن دب
و الدب ده ايه ؟
حيوان !
بس ! و دي نكتة يعني مش اكتر .
انا مقلتش كلمة واحدة في العربية سواء جيدة او سيئة لاني لم اراها على الطبيعة .
فياريت قبل ماتدافع بس كدة لمجرد انك حاجز تستني و تقرى كويس.
وكويس انك قلتلي خبر الاوتوماتيك ده علشان انا ايه رايك بقى اني معجب بيها :)
بس نفسي في سيارة اوتوماتيك .
الموضوع للسخرية من شركة فاكرة نفسها بتصمم سيارات و تقولك دي بقالها 3-4 سنين بتتصمم و هي مسروقة سرقة علنية .. كون السيارة وحشة ام جيدة ده مش موضوعي هنا و مش حيبان الا كمان 3-4 سنين .
وياريت نشوفها فعلا لاني لما اري ولا سيارة كول بير ولا فلوريد واحدة في الشارع غير زميل لينا هنا شاريها .
و نصيحة مني متقلوش كلام مش قده ..فبلاش تجيب الادارة في الموضوع و اصحاب الادارة و خلافه. و انا اعرف ناس في الادارة لكنهم عمرهم ماوقفوا عن تطبيق القانون علشان اصحاب .
فياريت تراجع كلامك قبل ماتقوله نصيحة مني مش اكتر .