السلام عليكم ورحمة الله وبركاته
انا عربيتي جين 2 موديل 2008 فرحت بيها اوي اول ما جيبتها والفرحة راحت بعد تعاملي مع توكيل الزفت بتاع الصحراوي على فكرة هم بيصنّفو الناس وعندهم خبرة في النصب وتهدأة الاعصاب كويس بصراحة بهدلولي عربيتي اوي انا هتكلم بس عن موضوع تيل الفرامل .. عاوز افهم الناس ان ده مكان حساس جدا في العربية وفي بلاد تانية اوروبية وخليجية اصحاب العربيات مبتكونش راضية عن اداء نظام الفرامل الاساسي الاصلي اللي بيجي مع العربية وبيغيروه للافضل قبل ما العربية تعمل ممكن 1000 ك زي ما شباب كتير هنا بيغير مثلا جنط العربية المهم انا عربيتي عاملة دلوقت 45000 ك وخرجت من الضمان بسبب كل ما اروح التوكيل يرفض يستقبلها بدعوى ان انا جيتله فجأة ومن غير ما احجز وانا ظروف عملي مختلفة ومش بتسمحلي بالتواجد بشكل منتظم في مصر المهم انهم معندهمش استعداد للنقاش وطز فيّا وفي عربيتي .. جه وقت حبيت اربط العفشة المهندس يومها كان محترم دخل العربية بمجاملة منه المهم لقيته بيقولي التيل الامامي محتاج تغيير وكمان الطنابير محتاجة تتخرط فهمت انهم توكيل زبالة بسبب خرط طنابير عاملة 38 الف كيلو وصدقوني انها كانت في حالة محترمة جدا المهم قولتله انا مش هخرط الطنابير وهشتري التيل وهغيره بره مهو خلاص طلعوني من الضمان .. المهم وانا بغيره اكتشفت ان التيل الاصلي بتاع العربية من شركة بوش وكم ادوني تيل في علبة ازرق في ابيض ومكتوب عليها ماليزيا بس ومش مكتوب انها مصنعه في ماليزيا .. التيل الاصلي نزل من العربية وصدقوني كان ممكن يمشي كمان 10000 كيلو بس انا قولت في بالي مش مشكلة انا خلاص جيبت واحد جديد بس يا ريتني ما ركبته لانه بهدل الطنابير بجد بهدلها اوي ولما اتصلت بالبتاع ............* قالي ان التيل البوش الاصلي اللي كان فيها موجود عنده وتمنه 1300 جنيه واللي انا اشتريته 230 جنيه .. وهو كان مستغرب من شكوتي لاني ركبت التيل برة التوكيل وده اللي سبب اللي حصل في الطنابير بدعوى انهم بيركبو التيل بشكل مختلف عن اي مركز صيانه ... بالله عليكم كلامه حد يعقله انا مستغرب مركز صيانة معتمد عنده صنفين من قطع الغيار بفرق سعر كبير بينهم حد سمع عن شيء زي ده قبل كده ؟؟ المهم كل اللي جه في بالي بعد مشاورة صديق ليا هو ان اطلع على مركز حماية المستهلك !! انا شايف ان طريقتهم في تركيب التيل هي انهم بيخرطو الطنبورة حتى ولو كانت جديدة بحيث محدش يزعجهم بعد كده ويقولهم التيل بهدل الطنبورة ............ عارف كويس ان التيل بتاعه لا يساوي غير 30 جنيه .. يا ريت في النهاية اي حد عنده قصة مشابهة بخصوص قطع الغيار اللي عربيته تضررت منها وكان مشتري قطعة الغيار من عز العرب وعاوز يرجع حقه ويرجع عربيته زي ما كانت يا ريت يرد عليا ونعمل شكوى جماعية لبروتون ماليزيا وكمان مركز حماية المستهلك
-----------------------
برجاء عدم الشخصنه والتلفظ بالفاظ غير لائقه , لقد خالفت القواعد وتم توجيه انذار للمخالفه
برجاء قراءة قواعد المنتدى
مشرف القسـم , ب8
04:17pm 22/5/2010
المفضلات