السلام عليم ورحمة الله وبركاتة
ارجو محدش يزعل منى
اسمحولى اقول وجهة نظرى
(قد تكون غلط او صح)
(قد ينفق معايا البعض وقد يختلف الاغلبية)
بس انا حاسس ان جوايا كلام عاوز اقولة
انا حاسس ان موضوع الخلاف بينا وبين الجزائريين نام خالص
كانت فترة سخونة وخمدت
وشايف كمان ان فى بعض الناس ابتدت تغير من كلامها و توقيعاتها هنا فى المنتدى وغيرة وتدعو للمصالحة
بدعوى الاسلام والديانة
مش عارف انا حاسس ان الكلام دة لازم يطلع من الجزائريين نفسهم عشان يكون فى تسامح منا
لكن لما يطلع الكلام دة مننا واحنا مضروبين منهم لا يدل الا على الهوان والذل
انا لا ادعو الى الانتقام بالمثل( ولو انى مقتنع انهم يستاهلوا اكتر ن الضرب-فالعين بالعين والسن بالسن والبادئ اظلم)
ولكن ادعو للمحافظة على كرامتنا على الاقل قدام نفسنا
انا بصراحة حاسس بان كرامتى مهانة ولسة ماخدتش حقى
معرفش مين وافقنى ومين معارضنى بس اتمنى ملاقيش التوقيعات اللى بتدعو للسلام
ولا للحرب طبعا
هم فى حالهم واحنا فى حالنا بس بعد استرداد كرامتنا بالطرق الاسلامية والشرعية (عشان محدش يتهمنى انى بشجع على العداء مع دولة مسلمة)
المسلم على المسلم حرام دمه ومالة وعرضة
ولو احنا البادئين بالظلم يبقى حد يطلع يقوللنا عشان احنا اللى نعتذر لهم ومانبقاش مغيبين كدة ونايمين على وداننا
اسف على الاطالة بس جوايا لسة النار قايدة وشايف ناس بتقول الجزاير اخواتنا