اي مشوار اروحه من غير تأخير أو تكدير صفو النقاء النفسي وبدون مشاكل فى العربية هى من أفضل واحلى المشاوير
عرض للطباعة
اي مشوار اروحه من غير تأخير أو تكدير صفو النقاء النفسي وبدون مشاكل فى العربية هى من أفضل واحلى المشاوير
طبعا فيه مرات كتير الواحد بيسوق بروقان بس احلى مرة كانت على الدايرى فى اتجاه مدينة نصر من المعادى
اليوم ده قلت لنفسى انا هالتزم بالحارة المرورية مهما حصل وفعلا التزمت وكنت هادية جدا فى سوافتى لا غرز ولا تزنيق خالص
بس كنت متفرغة للفرجة على الناس اللى ادامى
والله العظيم كانى باتفرج على السيرك بالظبط
طبعا فضلت اضحك قوى لحد ماوصلت العبور وقلت ده الواحد بيعمل بلاوى وهو ماشى ولا بيبقى واخد باله انه شكله بيبقى وحش ومضحك قوى كدة
السواقه في الفجر متعه جامده اووي الشوارع والاشارات بتبقي فاضيه و البلد بتقبي حلوه اوووي
الساعه 3 باليل (صباحا) على البحر عندنا فى اسكندريه
بحس انى طــــــــــــــــــــــــ ـــــــــاير حتى لو مش بجرى لو ماشى على 60 بحس بمتعه بس فى حتت معينه فى الطريق رخمه قوى وبتفوقنى تانى
طريق مطروح سيوة...300كم فى منتهى الجمال أفتكر أنى طول الطريق ماقبلتش أكترمن 10 -12 عربية..كان أحساس جميل بالهدوء و البعد وكان الجو برد جدا فى يناير....كانت سواقة فى منتهى الجمال.
1- يوم ماتش الجزائر اللى كان فى السودان , مكنش فى حد فى الشارع الشعب كان مختفى .. شفت منظر الشوارع كأنى اول مرة بشوفها
2- لما تبقى الدنيا مغيمة ويادوب السما بتنقط مية والشوارع مبلولة (مبلولة بس من غير برك او طين) وياسلام لو على طريق سفر
3- وسط البلد بليل متأخر
بحب اوي الطريق السريع لما يكون فاضي وياسلام لو بليل و اكون مشغل عمرو دياب
احلى يوم سوقت فيه كان يوم الثلاثاء اللى فات تانى يوم بعد استلام العربية
على كورنيش اسكندرية الساعة 1 ليلا والدانية هادية وعربيات قليلة واغانى هادية شغالة حاجة جميلة
دى اكتر مرة استمتعت بالقيادة وكانت اول مرة احس ان انا مستمتع
ومش عارف السبب يمكن يكون شعور الرضى عن العربية الجديدة
وشكرا على الموضوع اللذيذ
الساعه الرابعه فجرا على طريق القاهره - الاسكندريه الزراعى وانا راجع من الشغل .. احساس ممتع جدااا ان تكون الغابه (الطريق الزراعى )المزدحمه بالافيال (العربيات النقل ) والافاعى (الميكروباصات ) والضباع (البيجو) والحمير (عربات الكارو )و الفئران (التكاتك ) فى حاله من السكون التام والهدوء الممتع مما يجعلك تشعر وانت سائق فى ذلك الوقت انك ملك الغابه :)
وانا خارج من المعرض بالعربية الجديدة
اينعم هي كانت عربية اي كلام (فلاير) بس كنت بحبها قوي وكان اسوأ يوم سقتها فيه كان يوم ما رحت اسلمها لصاحب نصيبها علشان كنت مسافر
بس يا ريت الاحساس الاول يتكرر تاني لما ارجع مصر