تحية واجبة الي غبور قليوب.
في صيانة الـ 35 الف كان عندي زراز الزجاج الكهرباء الخلفي بيعلق ( ساعات يشتغل وساعات لأ ) جربوة كذا مرة وقالولي انة لازم يتغير بس هو مش موجود اول ما ييجي هايكلموني علشان اروح اركبة.
وبصراحة كلموني ومكنتش فاضي قلت خلاص عند صيانة الـ 40 الف اقولهم.
رحت يوم الاحد وكان عندي بعض الملاحظات قولتلهم عليها ( تغيير زرار الزجاج + يشوفوا السوست الخلفية + الكاسيت ساعات يغير لوحدة من راديو الى سي دي )
بعد ما خلصوا الصيانة ودفعت الفلوس نزلت سألت عملوا اية فالولي :
1- الكاسيت كويس مفهوش حاجة.
2- السوست كويسة ( مع اني لفيت مع الصنايعى على كل العربيات الالنترا ولقيت ان مش كلهم زى بعض ومتهيألى هو دة اللي خلى بعض الاعضاء يقول العربية مش واطية فى المطبات والبعض الآخر يقول واطية ).
3- الزرار كويس .
سيبتهم ورحت لمهندس الاستقبال وقلتلة ان كل ملاحظاتى مفيش حاجة اتعملت فيها وانا مش جاي استهبل انا عندي شكوى والعربية في الضمان ولازم مشاكلى تتحل.
تتفتكروا حصل أية؟
1- تم تغيير الزرار بآخر جديد.
2- تم تغيير الكاسيت بآخر جديد.
3- غدا سوف اذهب لتركيب السوست الخلفية لانها مكنتش موجودة وكلموني النهاردة وقالوا انها جاهزة؟
طبعاً انا مكنتش مصدق نفسى لان بسمع دايما عن مشاكل مع التوكيل وانا احيانا بتقابلنى بعض المشاكل لكن الملاحظ الآتى:
ان الصنايعة والاسطوات دايما يقولوا ان مفيش مشاكل , لكن لما اتكلمت مع المهندس واقتنع بكلامى قام بتغيير وحل كل المشاكل.
تحية الي كل من يتفهم معنى كلمة ضمان.