انا سمعت والله اعلم ان النيسان صني العافشه بتعتها وحشه جدا وبتحتاج تتغير علي طول .. مش عارف بقي الكلام ده صح ولا لاءه ..
عرض للطباعة
الياريس ضيقة :(:(:(
دية من اوسع السيارات فى فئتها
السلام عليكم ورحمه الله وبركاته
انا متششششكره جدا لكل الاخوان اللى ساعدونى بالرد على سؤالى
ربنا يبارك لكم
بصراحه لفيت كل ابواب المنتدى لقيت اجابات ومعلومات لكل الاسئله اللى كانت فى مخى عن طريق اسئله ومواضيع الاعضاء
وقررت طبعا اشيل فكره المستعمل من حساباتى هعممل بنصيحكتم
وكمان الاعضاء اللى رشحوا لى انواع مختلفه كلها تحفه خصوصا الاخ اللى كتب لى 14 نوع ده خلانى الف حوالين نفسى هههههه ووانا بشكره جدا لانه وسع لى مجال البحث
بالنسبه لنوع العربيه انا مقرره اشترى يابانى
تويوتا طبعا قلت اجيب 2007 على اساس سعرها هيبقى ااقل من الجديد قالوا لى فى التوكيل انهم وزعوا كل موديلات 2007 على التجار ومعندهمش ولا عربيه
وطبعا التجار بيرفعوا الاسعار بمزاجهم نفسهم يبعوها اغلى من موديل 2008
خصوصا ان تويوتا نفسها الحجوزات على الكورلا الجديده عندهم وصلت لحد شهر مارس
هتقولوا لى اشترى ياريس ماهى نفس موتور الكورلا كمان شكلها تحفه بصراحه حتى الوانها لكن الكنبه الخلفيه صغيره والمسافه بين ظهر كرسى السائق والكنبه الخلفيه ضيقه جدا
ده هو العيب الوحيد اللى لقيته فيها كمان الفول اوبشن منها وصل سعره فى التوكيل 99.900 انا شايفه انه صراحه السعر ده كثير على الياريس
والصنى عربيه جميله بسسمعت من عيوبها ان قطع غيارها غاليه وكمان ذى ما حد قال العفشه بتاعتها تعبانه وتقيله فى البيع
فقررت اشترى هوندا سيتى برضوه بناء على نصيحتكم بس انا لسا مركبتش العربيه وعندى شويه خوف من
اول حاجه انها تطلع بنفس حجم الياريس هتبقى صدمه طبعا
تانى حاجه بيقولوا شكلها الخارجى ولا التابلوه مش حلو
ثالث حاجه موضوع انها مش بتتباع بسهوله يعنى هتقعد فى اربيذى ولا ايه ؟
الهوندا سيتي عربيه ممتازه وسيبك من حكاية البيع دي دلوقتي لأنك بتجيبي عربيه زيرو يعني صعب تفكري في بيعها دلوقتي هيا صحيح تقيله شويه في البيع بس أنتي ونصيبك ممكن تبيعيها في ساعه وممكن تبيعيها في شهر أما بالنسبه لقطع غيارها فهي أغلى من التويوتا في بعض الحاجات لكن معقوله خصوصا أن عمرها الأفتراضي ممتاز ...... أتوكلي على الله وروحي شوفيها وأن شاء الله هتعجبك
وعلى فكره أسمي باسم مش بسام....
اختي الكريمة .. ناخد استفساراتك واحدة واحدة ..
اولا .. العربية السيتي عربية حلوة جدا في سواقتها و ناعمة و سحبها ظريف جدا .. و يكفي انها هوندا ..
اما بالنسبة للحجم .. فمن الخرج تقريبا نفس حجم الياريس.. يمكن الكابوت اطول شوية من الياريس ..لكن الياريس ابوابها اطول قليلا ..
من الداخل .. ( و الكلام ده من تجربيتي الشخصية ) : الياريس اوسع .. اوسع .. اوسع ..اوســـــــــــــــــــــ ــــــــــــــــــــع
و انا من طوال القامة و منتسب حديثا للتخان .. و مع ذلك الياريس ريحتني جدا في الكرسي الامامي ..و اديتني اكثر من توقعي لها ..و من الخلف كانت عادية الي حد ما ..لكن في جميع الاحوال اوسع من السيتي .
ثانيا : تابلوه السيتي ..يتفوق علي تابلوه الياريس في الشكل .. و ان كان الشكل راجع للاذواق الشخصية .. و لكن البعض لا يفضل تابلوه الياريس لانه في منتصف التابلوه و لانه عبارة عن شاشة واحدة تحتوي علي العدادات .. بينما السيتي عدادات دائرية منفصلة .. مما يعطي انطباعا رياضيا ..
ثالثا .. موضوع انها حتقعد في ارابذي ...انا شخصيا شايف اني ممكن اقول الكلام ده اذا كنت من الناس اللي بيشتروا و بعدين يبيعوا في مدة قصيرة .. اما اذا كنتي ناوية تخلي العربية في ارابيذك بضعة سنوات .. فبقولك بكل ثقة ... اركبي اللي يعجبك
من الناحية العملية .. الياري و السيتي الي حد ما متقاربتين في اعادة البيع .. و ان كانت الياريس تتفوق الي حد ما نظرا لسمعة تويوتا القوية .. و سمعة توكيلها الطيبة و تاريخها الطويل في مصر .
ملحوظة اخيرة .. بالنسبة للصني ....من خلال ما قراته في المنتدي ان العفشة بتاعتها مش وحشة و بيبوظ .. و لكنها : ناشفة ..و يتلين مع الاستعمال ..اما بالنسبة لقطع الغيار : فلا اعتقد باي حال من الاحوال ان الصني حتكون قطع غيارها غالية بالمقارنة بالهوندا و التويوتا ..
فاضل اهم حاجة .. انتي اخذتي راي كل الناس .. حاولي تضيقي اختياراتك الي عربيتين فقط .. و دوري علي معلومات عنهم علي قدر الامكان .. و انزلي المعارض و اركبيهم .. و حاولي تجريبهم لو تقدري ..و شوفي اللي انت مستريحة ليه ..ثم بعد ذلك ..زي بطلب المشورة من رب الناس عز وجل .. الاستخــــــــــأرة .. و اذا ربنا اراد لك الخير فيما تريدين حتلاقي الدنيا كلها ماشية حلوة و سهلة و حتفرحي باختيارك ان شاء الله ..
بالتوفيق
معلش بقى انتى اللى عمالة تطلى القطط الفتسة فى العربيات دا فى واحد كاتب 14 نوع مش عجبك منهم ولا واحدة
ع العموم اتكلى ع الله وهاتى لانسر 10/10 وانضمى بقى لاسرة لانسر
وفى النهاية انت ليكى حرية الاختيار فى العربية اللى انتى هجيبها خاصة ان مبلغ 90 الف مش شوية وع اقل من مهلك لحد اما تقتنعى تماما للعربية اللى انتى هتشتريها وانا اول واحد هقولك الف مبررررررررررررررروك ع العربية الجديدة
السلام عليكم
لو بتفكري في عربية واسعه من جوا وتكون ياباني تبقى لانسر بدون منافس والسيريون واسعه جدا من جوا فعلا عربية تحفة خاصة الأوتوماتيك منها وبعدين نزل منها 1500 دي فعلا بتبقى طلقة بس مشكلتها الوحيده في الشنطه
الإلنترا حلوه جدا برده بس انتي بتقولي مش حابه الكوري
optra is a good car in range of your balance 93000
انا شايف ان احسن اختيار لحضرتك ( لانسر )