سؤال فني يهمني لأصحاب الجين أو البرسونا أوتوماتيك
السلام عليكم وحوش بروتون،
أتمنى كلكم تكونوا بخير وسعادة دائمة وتوفيق بإذن الله.
من شهر كدة ربنا وفقني وانضميت للوحوش. جبت جين تو 2010 رمادي بتوفيق الله. جزى الله أيمن وكل من ساعدني في اتخاذ القرار خير الجزاء.
العربية ممتازة وهي اللي كنت أنا عاوزه بالضبت ولله الحمد.
سؤالي بقى بخصوص حتة فنية دقيقة شوية.
بعد شهر من امتلاك السيارة، وبعد صيانة الألف كيلو لاحظت الملاحظة الآتية وشاغلة لي دماغي شوية.
لو أنا على الـ n.
والعربية واقفة.
واخترت أني أجيب الــ d من غير ماكون دايس فرامل.
العربية بتنط نطة صغيرة خالص وبسيطة، وده أمر طبيعي.
بس باسمع في 70% من الطلعات اللي من النوع ده تكة كدة بتخلي النطة دي أشبه بنتشة خفيفة. التكة دي مش حاسس أنها طبيعية. التكة دي بتحصل كمان أحيانا لما أدوس بنزين بقوة شوية في أوضاع مختلفة. بتحسسني أن الجير بوكس فيه حاجة سايبة أو مرخية أو شيء من هذا القبيل.
ممكن شباب الجين تو والبرسونا أوتوماتيك يفيدونا في الموضوع ده ويدونا خبراتهم في المسألة دي ؟
مشكورين مقدما يا رجالة.
