الضرائب العقارية .. اسأل و هتلاقى الاجابة هنا

**YaSSerwIN** · 16-12-2009 08:17 AM

هل لازم مالك العقار هو الى يقدمه ولا ممكن هو يملاه واى حد يقدمه مكانه ؟؟؟

**ezzatfox** · 16-12-2009 08:46 AM

المشاركة الأصلية كتبت بواسطة yasserwin

هل لازم مالك العقار هو الى يقدمه ولا ممكن هو يملاه واى حد يقدمه مكانه ؟؟؟

لازم مالك العقار هو اللى يقدمة .. و بيتم التحقق من شخصيتة

المشاركة الأصلية كتبت بواسطة memoo305

طيب لو انا شاري شقة بتوكيل وعقد بيع ابتدائي من شقق إسكان الشباب.اقدم الإقرار أزاي (يعني بإسمي ولا بإسم المالك الأصلي)

فى حالتك بالذات .. هتقدم اقرار باسم المالك الاصلى .. و موقع منك بصفتك وكيل عن المالك الاصلى بموجب التوكيل اللى معاك . لان شقق الشباب ممنوع التعامل فيها بالتصرف او البيع .. يعنى متظهرش عقد البيع الابتدائى اللى معاك و اتعامل بالتوكيل فقط .

**emam** · 16-12-2009 08:58 AM

هو شرط اقدم الاقرار فى المأمورية المقام بها العقار ولا فى اى مأمورية قريبة من الشغل ؟

**NaderNabil** · 16-12-2009 09:11 AM

لنفرض إني إشتريت شقة في خلال اليومين دول قبل نهاية السنة...
و الشقة متشطبة و جاهزة على السكن و جميع المرافق داخلها
و العقد هايكون نهائي مش إبتدائي...لأن الدفع هايكون كاش

هل لازم أقدم الإقرار قبل 31/12؟؟؟؟و لا ينفع أستنى شوية؟

و لو عديت المعاد....الغرامة قد إيه؟

**dr_abooody** · 16-12-2009 09:32 AM

حسبي الله و نعم الوكيل هو في بلد في الدنيا بتعمل كدا

**zomzom11** · 16-12-2009 09:46 AM

انا واخد شقه فى مشروع بيتشو امريكان مكتوب فى العقد 150 متر بس هما نصابين والمساحه حوالى 110بس هايحاسبونى ازاى وكمان هى متشطبه وجاهزه للسكن بس انا لسه ما نقلتش فيها ااقدم ولا اكبر فى بلدنا الجميله؟؟؟؟؟؟؟؟؟؟؟

**ezzatfox** · 16-12-2009 09:58 AM

المشاركة الأصلية كتبت بواسطة emam

هو شرط اقدم الاقرار فى المأمورية المقام بها العقار ولا فى اى مأمورية قريبة من الشغل ؟

ممكن فى اى مأمورية .. على حسب كلام وزير المالية تسهيلا على المواطنين .

المشاركة الأصلية كتبت بواسطة nadernabil

لنفرض إني إشتريت شقة في خلال اليومين دول قبل نهاية السنة...
و الشقة متشطبة و جاهزة على السكن و جميع المرافق داخلها
و العقد هايكون نهائي مش إبتدائي...لأن الدفع هايكون كاش

هل لازم أقدم الإقرار قبل 31/12؟؟؟؟و لا ينفع أستنى شوية؟

و لو عديت المعاد....الغرامة قد إيه؟

لو اشتريت دلوقتى و استلمت و الشقة جاهزة للسكن .. يبقى لازم تقدم الاقرار قبل 31/12 . الغرامة تتراوح بين 200 جنية و 2000 جنية .

**banboty** · 16-12-2009 10:23 AM

واللى ميقدرش يقدم الاقرار قبل 31 / 12 ممكن يبعته بخطاب بعلم الوصول من اي مكتب بريد

**ezzatfox** · 16-12-2009 10:27 AM

المشاركة الأصلية كتبت بواسطة zomzom11

انا واخد شقه فى مشروع بيتشو امريكان مكتوب فى العقد 150 متر بس هما نصابين والمساحه حوالى 110بس هايحاسبونى ازاى وكمان هى متشطبه وجاهزه للسكن بس انا لسه ما نقلتش فيها ااقدم ولا اكبر فى بلدنا الجميله؟؟؟؟؟؟؟؟؟؟؟

طالما استلمت الشقة و هى متشطبة و جاهزة للسكن يبقى لازم تقدم الاقرار حتى لو لسة منقلتش فيها لانها فى الحالة دى تقع تحت بند ( تامة و غير مشغولة ) .. بالنسبة للمساحة اعتقد انهم هياخدوا بالمساحة الكلية و ليس صافى مساحة الشقة و ان كان المساحة الكلية عندك مبالغ فيها اوى .. بس لجنة الحصر مش هتخش كل شقة و تمترها يعنى غالبا هياخدوا باللى مكتوب فى العقد .. و عموما شقتك حتى لو حسبوها 150 متر معتقدش انها ممكن تتمن باكتر من نصف مليون جنية .. يعنى بردة فى الاخر هتبقى معفية .

-

الموضوع: الضرائب العقارية .. اسأل و هتلاقى الاجابة هنا

LinkBack

أدوات الموضوع

عرض

-

-

-

-

-

-

-

المواضيع المتشابهه

استفسارات بخصوص الضرائب العقارية

رحت عملت اقرار الضرائب العقارية

الضرائب العقارية وصلت

مشروع الضرائب العقارية الجديد

الكلمات الدلالية لهذا الموضوع

المفضلات

المفضلات

ضوابط المشاركة