كلام سليم
عرض للطباعة
سؤال مهم لو سمحت
انا شارى شقتين فوق بعض بعقدين منفصلين (زى فيلا ) وعندى حديقة وكمان جراج بس مش مبنى معمول حديد
هو المفروض احسن انى اقدم اقرارين وبالنسبة للحديقة اكتبها ازاى فى اقرار مع شقة ولا اكتبهها فى الاقرارين
وشكرا للرد
سؤال كمان من فضلك لو انا دخلت علي موقع الحكومة الالكترونية و طبعت الاقرار الوان ينفع اروح ققدمه و لا هيقلولي هنك دا مش هينفع يا سيد و قوت علينا بكرة ؟؟؟؟
بالاضافه لسؤال طباعة الاقرار من على النت
سؤال تانى خطر على بالى
معظم الشقق و العمارات غير مسجله
و ممكن يكون العمارة ترخيصها 3 ادوار و بانى 5
طيب فى حالة العمارة او الارض غير مسجله
و الشقه ايضا غير مسجله
و متباعه بعقد كتابى عادى
و الدنيا كلها ماشية بصحة توقيع
يبقى ما المصير فى تقديم الاقرار
و اذا كانت العمارة لم تسكن كلها بعد بس متباعه طوب احمر
يبقى تقدم اقرار و لا لأ
اصل سمعت انك طالما استلمت شقتك وجب تقديم الاقرار
و شكرا مقدما
طيب احنا عندنا بيت في العبور (ارضي و 3 متكرر) الدور الارضي والاول بس خلصوا ووصلهم مية وكهرباء, وعندنا شقة تمليك متأجرة لمكتب ( بس مش مكتوب تجاري في العقد) دا غير ان والدي مقيم في الخارج. التصرف اذاي في الحالة دي؟
بتعمل اقرار واحد و تاخد معاة ورقة اضافية لتسجيل بيانات الشقة التانية هى عبارة عن ورقة واحدة وش و ظهر .. بالنسبة للجراج و الحديقة .. فى قسم الملحقات الخاصة بالوحدة ضيف الجراج كملحق على شقة .. و الحديقة ملحقة بالشقة التانية .. لعل و عسى تقدير الشقتين يكون اقل من 500000 الف جنية .
هيقولك مش هينفع .. انت ممكن تطبعة و تملاة براحتك و لما تروح اسحب النموذج و انقل البيانات .
لا يشترط التسجيل لاثبات الملكية و تقديم الاقرار ، و يكفى عقد البيع الابتدائى حتى بدون صحة توقيع . بالنسبة للوحدات الغير جاهزة للسكن و غير مشغولة لا يتم تقديم اقرار عنها لان الاقرارات تقدم عن الوحدات الاتية فقط : 1- وحدات تامة و مشغولة. 2- وحدات تامة و غير مشغولة . 3- وحدات غير تامة و مشغولة . و المقصود بكلمة تامة يعنى تم ادخال المرافق بها ( مياة - كهرباء) و تركيب الابواب و الشبابيك
جزاكم الله خيراً جميعاً
أنا والدى متوفى من 10 أيام فقط و لسه ما عملناش إعلان الوراثة و كان الله يرحمه بانى بيت بيتكون من:
1- محل بدون عداد كهرباء و غير كامل التشطيب و مغلق.
2- دور أرضى غرفه و صالة و حمام و مطبخ و عداد الكهرباء تبع السلم و مكتوب بإسم والدى.
3- الدور الأول شقة بعداد كهرباء بإسم أختى
4- الدور الثانى شقة بعداد كهرباء بإسمى.
5- الدور الثالث غرفة و صالة و حمام و مطبخ غير كاملة التشطيب و بدون عداد.
هل ينفع إنى أعمل الإقرار عن البيت كله متضمن المحل و كل الوحدات اللى فى البيت ولا لازم إعلان وراثة؟؟؟؟؟
ثانياً أنا شوفت ناس مصورة الإقرار و ملياه و هاتبعته بالبريد ؟ فهل ينفع ولا لازم الإقرار الأخضر ؟؟
و شكراً جزيلاً مقدماً
اولا البقاء لله بالنسبة لسؤالك .. حضرتك هتقدم الاقرار باسمك .. و بصفتك احد الورثة الطبيعين لانك ابنة و معاك البطاقة و شهادة الوفاة لان لسة اعلام الوراثة مطلعش . الاقرار هيتقدم عن الدور الارضى و الاول و التانى فقط .. و كل دور فى اقرار عشان حضرتك تستفيد بحد الاعفاء المقرر لكل وحدة و هو 6000 جنية و دة حقك لان الشقق دى منفصلة و كل شقة بعداد خاص بها . بالنسبة للمحل و الدور الاخير فمش مفروض تقدم بيهم اقرار . موضوع ان العداد باسم مين مش هيفرق فى حاجة .. المهم الملكية لمين .. و فى حالتك البيت ميراث على الشيوع و اى واحد من الورثة يقدم الاقرار .
الدوام لله تعالى يا أستاذ عزتاقتباس:
اولا البقاء لله بالنسبة لسؤالك .. حضرتك هتقدم الاقرار باسمك .. و بصفتك احد الورثة الطبيعين لانك ابنة و معاك البطاقة و شهادة الوفاة لان لسة اعلام الوراثة مطلعش . الاقرار هيتقدم عن الدور الارضى و الاول و التانى فقط .. و كل دور فى اقرار عشان حضرتك تستفيد بحد الاعفاء المقرر لكل وحدة و هو 6000 جنية و دة حقك لان الشقق دى منفصلة و كل شقة بعداد خاص بها . بالنسبة للمحل و الدور الاخير فمش مفروض تقدم بيهم اقرار . موضوع ان العداد باسم مين مش هيفرق فى حاجة .. المهم الملكية لمين .. و فى حالتك البيت ميراث على الشيوع و اى واحد من الورثة يقدم الاقرار .
جزاك الله كل خير على سرعة الرد و جعله الله فى ميزان حسناتك
و إن شاء الله هاعمل 3 إقرارات للأرضى و الأول و الثانى
بس هل ينفع يكون الإقرار متصور ولا لازم الإقرار الأخضر؟؟؟
و هل يمكن تسليم الإقرار فى اى حى أو مأمورية ضرائب زى ما قال الوزير ولا لازم يتسلم فى المكان التابع ليه العقار؟؟؟؟
و شكراً مره تانيه