يا ريت يا شباب الميجان لو حد يعرف حد اتعامل معاه قبل كدة فى شراء قطع غيار استيراد وطلعت كويسة
وشكرا مقدما
عرض للطباعة
يا ريت يا شباب الميجان لو حد يعرف حد اتعامل معاه قبل كدة فى شراء قطع غيار استيراد وطلعت كويسة
وشكرا مقدما
في واحد في الحرفيين إشتريت منه رفرف أمامي شمال (500) ج ، و بعد فترة روحت له تاني مع زميل هنا جبنا لعربيته زجاج باب أمامي
يمين (125) ج . و عنده بعض الجديد (بجيب من عنده تيل الفرامل رمسا الأسباني) .
لو عايز تليفونه و إسمه أبعت لحضرتك على الخاص .
الف شكر يا eng.khaled
يا ريت يا باشا تبعتلى تيليفونه....بس هو التيل الاسبانى ده يعمل كام؟
وايه رايك لو حبيت اغير علبة دريكسيون؟؟ اجيبها استيراد ولا يبقى افض لو جديد؟؟؟
وطبعا على راى اشرف عبد الباقى....النقطة دى بيتى اولى :F_eyeb1[1]::F_eyeb1[1]::F_eyeb1[1]::F_eyeb1[1]:بيها....فا اى فرق فى الفلوس يبقى كويس...وفى نفس الوقت تكون مش حاجة وحشة.....
Eng. Fahmy El-Naggar
انا مش عارف افتح الرسايل اللى جالى على الخاص....وتقريبا eng.khaled بعت حاجة بس مش عارف افتحها....يا ريت حد يقولى...انا لسة جديد فى المنتدى
متشكرييييين جدا جدا يا باشمهندس خالد
انا كلمت عصام بشطر وقاللى الطنابير الجديدة ب 400 والتيل ب 200
انا اشتريهم واركبهم عند فرنش موتورز عادى ولا ممكن يرفضوا؟
وايه رايك فى الطنابير والتيل؟؟...هو قاللى اسبانى ماركة رمسا
ربنا يخليك يا باشمهندش
انا مش عايز اتعبك.....انا لما كلمته قاللى انه من الزقازيق ووصفلى المكان
جنب الكينج.....بس انا خايف من موضوع التركيب بره مركو معتمد.....ولا انت ايه رايك؟؟؟
انا متهيألى عادى....بس احمد عبد المقصود خوفنى شوية.....
بس انت ما قولتليش اللى انت ركبتهم عاملين ايه؟؟؟؟....وركبتهم بكام؟؟؟
يعنى اللى انت بتقول انك غيرتهم عنده لو انا رحتله اديله كام على تغير التيل والطنابير؟؟؟؟
غيرت التيل الخلفي (أصعب لأنه بيحتاج آلة مش فاكر إسمها) المصنعية 30 جنيه
كنت شايف عربيتين ميجان شغال فيهم بس حاجات تانية
التيل الخلفي أخدته من بشطر سعره 150 جنيه المرة الأولى و كان الأمامي 250 جنيه في مرة قبلها عند ميكانيكي تاني بمصنعية 20 جنيه (الأمامي في 2007 و 2008 مختلف عن إللي قبل كدا)
الكاليبر مختلف ، ما عنديش فكرة الخلفي مختلف بردو و لّا لأ .
وهم عاملين معاك ايه؟
شغالين كويس ولا فى فرق ما بينه وبين الاصلى اللى فى التوكيل؟
وكلامك معناه ان اغير اللى قدام بس غنده وبلاش الخلفى عشان محتاج جهاز وكده ولا ايه رايك؟
غيّرت أمامي و خلفي برّه التوكيل في الحرفيين ، مصادفة إن كل تغيير كان عند ميكانيكي آخر بعد الشراء من بشطر .
سعر الأمامي لموديل 2007 و 2008 250 جنيه (رمسا أسباني) و الخلفي 150 جنيه نفس الماركة ، أحيانا التوكيل بيستخدم رمسا
مصنعية تغيير تيل لأمامي 20 جنيه ، الخلفي 30 جنيه .
باشمهندس خالد , عصام بشطر قالك على الشيخ صح ؟
لا يا رايس انا فاكر قالك روح للشيخ جمال الهوا ناحية الخراطة وبتوع استعدال الجنوط ناس محترمين برضوا عندهم شاب صغير مؤدب اوى اسمو احمد فى الاصل قبل ميفتحوا المحل كانوا بيشتغلوا مع عصام بشطر .
لو تقصد الشيخ جمال ... قريب سألته عن فانوس خلفي لميجان 2008 تقريبا من أسبوعين (قلت أحاول يبقى لي أكتر من مصدر)
قال 500 جنيه (كان معايا م / هاني chato_eg ) ، في حين من شهرين سألت بشطر قال لي 350
فى واحد فعلاعند جمال تقريبا اخوه بيدى اسعار فى الهبل عصام ممكن اهدى سنة هوا على الحسب البضاعة برضوا , فى الاخر اى حاجة هناك عايزة لفة حلوة العربية.تستاهل اوى ما شاء الله , اخوك احمد و اتشرفت بيك يا حج خالد :tank:
أنا سامع حد بينادى :)
بص هو أنا مليش أى تجارب مع علبة الدركسيون قبل كده بس الأستعمال عموماً بتبقى على التجربة........يعنى تاخدها و تركبها و تجربها أسبوع كده......لو كويسة بتعيش بيها لحد ما تبوظ.......بس لو باظت بعد شهر مثلاً ملهوش دعوة.
التيل و الطنابير ممكن تجيب الطنابير أستيراد عشان عادةً بتبقى حالتهم باينة و التيل جيبه جديد رمسا.
عصام بشطر قاللى ان عنده طنابير استيراد ب 600 ...والجديدة الاسبانى ب 400....هو يعنى هيبقى فى فرق ولا ايه ما بين الجديدة الاسبانى والاصلى
ايه رايك يا استاذ احمد
فرق 200 جنية حلوين.....بيتى اولى بيهم
بص يا باشا أنا جربت الأسبانى بس مش كتير عشان أنا كنت طالب طنابير رياضية و لما جت ركبتها بدل الأسبانى.
الأسبانى عمل معايا حاجة فى فترة حوالى 4 شهور......كان مع الفرامل على السرعات العالية بيعمل رعشة..............حلها سهل شوية
هتوديهم لخراط يمسحهم بس و المفروض يظبطو تانى.....بس مصارف فك و تركيب و خراطة + عطلة......شوف أنت يعملو كام.
على فكرة الأصلى فى التوكيل تقريباً كانو ب 950 جم
عصام بشطر ممكن تاخدهم منه أقل من كده.......انت و شطارتك فى الفصال.
مافيش حاجه اسمها علبة دريكسيون استيراد--- كل العربيات الاستعمال الى بتيجى من الخارج بتيجى من سنغافورة ة-- يعنى علبة الدريكسيون يمين واحنا فى مصر ادريكسيون شمال-- والعلبة اللى بيقولوا عليها استيراد ما هى الا علبة مفكوكة من سيارة(خرده من التوكيل متغيرة لسيارة فىالضمان او العميل مشتريها ومغيرها فى التوكل ) ثم يتم عمل جلبة بلاستيك للعلبة القديمة وبيعها على انها ا
ستيراد ويبيعوها ب400 جنية ----والعلبة الجديدة الاصلية فى التوكيل بحوالى 2500 جنية وممكن تجيبها من برة التوكيل بحوالى 1400 جنيه وممكن ارسل العنوان على الخاص:36_1_37[1]:
حضرتك أدرى
لكن كلامي على ضوء جولتي في الحرفيين ، إن شاء الله وقت ما حغيّر الفانوس اليمين ورا بإذن الله حجيبه إستيراد من الحرفيين من الشخص
إللي بتعامل معاه بسعر 350 جنيه لراحتي النفسية معاه .
شايف اسعار كتير مش عجبانى فى الجديد و انا عن تجربة بجيب كل الجديد باسعار احلا من كدا كتير اوى من الاخر هوا واحد وريح دماغك اسمه عطية الاسكندرانى و ت : 9490-514-010- فى شارع دمشق و علشان الضمان بتعها تروح تركبها عند فرنش موتورز
مين اللى قال أن مفيش فى الحرفيين عربيات دركسيون شمال ؟؟؟؟؟؟
اللى بيجى من سنغافورة بيبقى يمين
و اللى بيجى من أوروبا بيبقى شمال......
دى صورة لعربية ميجان 1 كانت عندى و مصورها فى الحرفيين و دركسيون شمال عادى
http://i49.tinypic.com/333k7le.jpg
الله يعزّك يا باشا