الموضوع: يوميات مع التوكيل

فكرتنى باليوم الى راحت فية التوكيل كان فى واحدة معها بيروس بردوا اوتو 2009
المهم وهى ماشية مرة واحدة العربية واقفت منها وكمان فى طريق سريع وغير كل دة انها بنت يعنى مش هتعرف تزق العربية او ممكن موقف زى دة يكون صعب عليها خصوصا انه صعب على اى حد
المهم جابت ونش وطبعا العربية راحت على التوكيل وبعد الكشف اكتشفوا ان حساس الكرنك باظ
وهاتك بقا يا زعيق ازى عربية جديدة يحصل فيها كدا واكشفولى على كل الحساسات
والمهندسين يقولهى اهدى حضرتك مشكلة بسيطة وهتتصلح ضمان وبردوا هى مش مبطالة زعيق واخر حاجة ان كان مكتوب معاد الاستلام الساعة 4 فضلت بردوا تتخانق انه ازى هتفضل قاعدة كدا للساعة 4 وفعلا الخناق جاب نتيجة العربية اتصلحت وكله تمام واستلمت الساعة 1
هى الصراحة معها حق بس كنت اوفر شوية فى ردود افعلها
عموما انا عن نفسى حرمت اصلاح فى التوكيل ومكنتش عايز اقول التجربة الاخيرة بتاعت حساس الأكسوجين عشان محدش يقول انا بتحمل على التوكيل او حاجة بس والله العظيم هو دة الى حصل معيا
حساس الأكسوجين باظ عندى وكان عيب استعمال بسبب انة اتنى شوية بعد الحدثة وطبعا كان محتاج يتغير ودة عرفتة بعد الكشف
وطبعا عشان يكشف كان لازم يفك الحساس
يقوم الفنى يفوكه ازى من فوق وهو الوش راكب !!!!!!!!!!
لانة مكسل يفك الوش وطبعا بهدلى الشفة الى حولين الحساس والله لو شفتها هستغرب ان ممكن ناس على خبرة عالية يحصل منهم كدا
المهم بعد الكشف قالى تغير الحساس 1800ج وبعد الصدمة قالى اسف سمعت السعر غلط 850 ج
غير 200ج مصناعية وطبعا مش هينفع يتغير ضمان ودة اكيد لانة عيب استعمال
طبعا احترمت نفسى ومشيت لانى الحمدلله مكنش معيا حتى نص الرقم دة
روحت لمكانيكى فى الحرفين تخصص بروتون كنت قولت علية فى توبيك قبل كدا
فك الوش الاول وبعدين فك الحساس بس الموضوع كان صعب شوية لان المنطقة دى بتكون سخنة جدا
وقالى حرام عليهم انهم يفكوا الحساس بالطريقة دى عشان الاستسهال
غيرلى فعلا الحساس وكنت التكلفة 350ج بالتركيب يعنى فرق 700 ج بينة وبين التوكيل
والحمدلله حاليا شغال زى الفل و استهلاك البنزين ممتاز

حسبنا الله ونعم الوكيل
انا ان شاء الله رايح التوكيل قريب عندى كام مشكله كده فى برسونتى لو ماتحلوش هاخدها واطلع على حمايه المستهلك
عشان هى نفس المشاكل التافهه مش عارفين يحلوها فى صيانة الالف والخمسه وادينى رايح العشره ومش هابئا حنين المره دى و هازعق وهقابل مسئولين عز العرب وااخر حل هايبئا هو حماية المستهلك
مع ان المشاكل اعرف احلها بره ومش هاتكلفنى 400 جنيه بس برده هاحلها فى التوكيل ومش هاسيب حقى

العيوب اللى عندى
1- سحب العربيه ضعيف بالنسبه لبرسونا بتاعة واحد جارنا وده كان رأيى ورأيه
2- فى مشكله فى الاكسلاتير تقريبا كل ماجى انقل اسمع صوت الموتور يعلى فى النص اكنى ماشلتش رجلى من على البنزين وانا بانقل وال rpm يعلى(مش عيب سواقه)
3- صوت فى علبة الدريكسيون لازم يتحل لانه مدايقنى اوى
4-صوت قفل الكنبه : مش عاجبنى التلصيم ده لازم يبئى فى حل تانى
5- العفشه الخلفيه بتدبدب (بس دى سوء استخدام الصراحه )
ليا حق اتضايق ولا لا ؟؟
ومين الناس المحترمين فى التوكيل ده اللى ممكن يحلولى المشاكل دى ؟؟
لان انا بحب العربيه دى اوى وبركبها كتير مع ناس كتير والمشاكل دى مش موجوده غير عندى حظى وحش بس برده باحبهاااااااااااااااااااا اا

انا اول لما رحت هناك كنت هادي اوي و بتكلم بصوت واطي و كله تمام , ده علي اساس ان المشاكل هتتحل و كله هيبقي 100 فل , بس والله والله الهدوء ده مش هينفع , انا لما رحتلهم تاني علشان الحدفة دي زعقت و عملت مشكلة كبيرة اوي وساعتها كل حاجة اتحلت زي ما انا عايز , و قلتلهم لو العربية ماطلعتش زي ما انا عايز انا هسيب العربية بفتاحها و هروح و ان شاء الله هعرف اخد فلوسي , انا قلت كلام عجيب و انا مدايق ماعرفش استحملوني ازاي , ده غير بقي الناس اللي وقفت معاهم هناك اللي بيشتكوا , بجد حاجة تحبط , بس برده انا بحب العربية دي و بجد عربية تتركب